هل الأعفاء يعتمد على المعدل العالي أم يعتمد على اللي عندهم ظروف

[Human resources]

السلام عليكم يا اخوان......ما اطول اعليكم الاستفسار اللي ابي اقول لكم هو نفس عنوان الموضوع : هل الأعفاء من دفع الرسوم يعتمد على المعدل العالي أم يعتمد على اللي عندهم ظروف

[أنثى المفاجآت]

اخوي من شروط الاعفاء ان لا يقل معدلك التراكمي عن 2,5

[Soosah89]

يعتمد على الاثنين
يعني اذا كان المعدل عالي والظروف ماتسمح بالدفع
او العكس
ما اظن انه رح يعطو الاعفاء

[فهد الحمود]

ولا تنسو الواسطه

[لقيت روحي]

انا جاني اعفاء ومن شروط الاعفاء ..

انه معدلك مايقل عن 2,50 ..

يعني ماتكون حامل ولا مادة ..

وهذا خبر مؤكد ..

[Human resources]

طيب يا لقيت روحي مادام انه جاء الاعفاء وإن شاء الله يدوم ....ممكن لو تفضلتي تقولين لنا عن شروط الاعفاء بس ياليت تكون الشروط كامله وشكرا

[الاموره]

يا اخ (موارد بشريه)<<مو كانه دا مسار؟؟

الموهيم..انت راجع عمادة خدمة المجتمع..وجيب ترانسكربت من درجاتك..+تعريف بالراتب+صوره من كرت العائله+خطاب توضح فيها ظروفك...

ولو تقرا موضوع الاخت ام رنيم ربي يسعدها موضحه كل شي ...

تحياتي واتمنى يتم اعفاءك مثلنا في اقرب وقت..

ملاحظه:عادي لو كنت حامل مواد..المهم المعدل مايقل عن 2.5....وعلى فكره ممكن يتغاضو على حسب مزاج اهلهم...

[لقيت روحي]

تراجع خدمة المجتمع
الشروط :

طلب تعريف براتب ولي الامر ..

وثيقة الايجار اذا كان البيت مؤجر ..

نسخة من جدولك عشان معدلك ..

ولو كان الوالد متوفي (صك الوفاة)

هو هذا اللي طلبوه مني ..

وموفق ..إن شاء الله ..

[أنثى المفاجآت]

وكمان لو عند الوالد ديون او سلفه من البنك وفيه الاوراق اللي تثبت دا الشئ رح تفيدك كثير و كمان لو كان في حالات مرضيه في البيت يعنى ( ايعاقه او احد عمل عمليه مكلفه ) بعيد الشر يعنى جاجات زي كدا بتفيدك في الاعفاء و غير كدا الوااااااااااااااااااااااااااااااااسطه لها دور والله بس احنا واسطتنا رب العالمين و بالتوفيق للجميع ........

[أم رنيم]

المشاركة الأصلية كتبت بواسطة human resources السلام عليكم يا اخوان......ما اطول اعليكم الاستفسار اللي ابي اقول لكم هو نفس عنوان الموضوع : هل الأعفاء من دفع الرسوم يعتمد على المعدل العالي أم يعتمد على اللي عندهم ظروف

في حالة الإعفاء الجامعه تعتمد في الدرجة الأولى على الظروف الإجتماعية قبل المعدل العالي
يعني الظروف ثم المعدل

ممكن يفيدك هذا الموضوع
http://www.skaau.com/vb/showthread.php?t=9490


بالتوفيق