اعترااااااض على الترم الصيفي للبنات !!!

[sarah 444]

اخواتي الطالبات انا حابة انو نتفاااعل ونسااعد بعض عشان الجامعة تخلي في ترم صيفي للبنات واللة حرااااام وقمة الظلم نضيع ترم كاااامل بس عشان 3 مواد وليش التفرقة بين الاولاد والبنات , فلو عندكم حلوول وطرق نقدر نخلي الجامعة تنتبه لمشكلتنا وتعالجها كل وحده تكتب رأيها واتمنى تفاااااعل من الجميع

[طموح متواصل]

فعلا مراااا شي غريب وعجيب ومريب بعد
بس احنا عندنا صيفي فقط 9 ساعات؟؟طب ليش؟؟ابغى ادرس انشاءالله 20 ابغى اختصر سنوات الدراسه مثلا..ابغى اشغل وقت فراغي مثلا..استفيد من ان المناهج شوي مختصره فالصيف بالتالي رح احسن درجاتي برضه مثلا
والقائمه تطول كل وحده لها سبب معين افتحوالمجال في عدد الساعات وافتحو المجال لاخواتنا طالبات الانتساب
شي يحير صراحه

[المتميزة]

لاحياة لمن تنادي
جامعه طوول بعرض ماهي قادرة تلتزم بمواعيد التقويم اللي حاطته وش ترجون منها

[Shgawa]

والله ياليت يسو ترم صيفي لنا
الاولاد يتحركو مو زينا بس كل شي في يدنا نقدر نطالب
بس يكون في عدد بنات والله ييسر

[أنثى وحيدة]

وانا كمان نفسي اخذ صيفي ماابغى اخمج في الجامعه

[sarah 444]

طيب ا يش رأيكم كل وحدة ترسل على ايميل المدير او السكيرتير وندق على العمادة ونطالب ممكن لمن يشوفو في طلب كبير يعملو شي , نحننا مفروض مانستسلم ونقعد وما نعمل شي شوفو كيف لمن كان في اعتراض على المكأفاة الملكية وحافز واشياء كثيرة غيرها اتحركت الجامعة واضطرت تعملها , احنا لازم نظغط عليهم ونحسسهم انو في طلب كبييييير على الموضوع وبكدا ممكن يتحركو اهم شي مانقعد بدون مانعمل شئ واللة حرررررام السنين اللي ضاعت وبتضيع في الجامعة

[sarah 444]

حسبي اللة ونعم الوكيل