اخواتي في اي مبنى اختار تخصصي وعند مين >>>حدي خايفة

[بروفيسورة]

السلام عليكم ..

الموضوع وااضح .. بليز قولولي اروح لمين ؟؟

وفين احذف واضيف >>> سمعت انو اليوم الجمعة حتقفل

يارب كن معي

[LeLou]

و عليكم السلام و رحمة الله و بركاته..

إذا إنت في السيليمانية..
تروحي يوم السبت عند الشؤون التعليمية في كلية العلوم..
تطلعي من الدرج إللي جنب رابيس ((يكون رابيس على يمينك)) تلاقيهم في الدور الأول على يدك اليسار جنب الشبابيك..
تروحي و تقولي لهم أبغى أحدد تخصصي يدوك ورقة تعبيها و يسووا لك التخصص الموضوع ما ياخذ دقيقة..
بعدين تطلعي عندد الشبابيك تاخذي ورقة حذف و إضافة و تعبيها باسم المواد و رمزها و الشعبة و تديها الموظفة هي تضيف لك هي..

بالتوفيق||~

[بروفيسورة]

الله يسعدك حبيبتي ليلو وينور طريقك

[LeLou]

^^
^^

آمين،، و إياكِ يا رب||~

[dreamy g!rl]

ان شاء الله على بكرة اروح

بس احنا رح نختار الشعب ولا؟!!

ولو احنا الي نختار..مين افضل الاستاذات في فيزكس المستوى الثالث 202 و203 والماث 202

والمعامل برضو

ومتى رح تبدأ المحاضرات .. سمعت انه الاسبوع الاول دايما اجازة صح ولا ؟

وعندي سؤال كمان بخصوص البطاقة نغيرها من العمادة ؟ ومتى ؟؟

>> رح يوحشني التحضيري

[LeLou]

المشاركة الأصلية كتبت بواسطة dreamy g!rl ان شاء الله على بكرة اروح بس احنا رح نختار الشعب ولا؟!! ولو احنا الي نختار..مين افضل الاستاذات في فيزكس المستوى الثالث 202 و203 والماث 202 والمعامل برضو ومتى رح تبدأ المحاضرات .. سمعت انه الاسبوع الاول دايما اجازة صح ولا ؟ وعندي سؤال كمان بخصوص البطاقة نغيرها من العمادة ؟ ومتى ؟؟ >> رح يوحشني التحضيري

أهلين دريمي ..

أمممم شوفي زي ما أنا قلت بالزبط هما راح يعطوك نكوذج فيها دول تكتبي فيه رمز المادة و رقمها و الشعبة طبعًا و بيانات ثانية و تديها للموظفة و هي تضيفها..

بالنسبة للدكتورات 202 و 203 كل واحدة الدكتورة نفسها مافي غيرها فما راح يكون عندك اختيارات..

بالنسبة للمعامل،، المعمل راح تنزل الشعبة عليها اسم دكتورة و اللي بتعطي المعمل راح تكون معيدة..
مو نفس اللي اسمها في قائمة الشعب..
يعني ماراح تعرفي غير لما تدخلي المعمل و تشوفي..

و عادة أول اسبوع مافي محاضرات عشان زحمة الحذف و الإضافة..
و البطاقة تغيريها من عمادة القبول و التسجيل..

بالتوفيق||~

[dreamy g!rl]

الله يوفقكـ يا ليلو

خجلتيني كل شوي عندي سؤال و حاجة وانتي ماتقصررري ابدااا

[LeLou]

المشاركة الأصلية كتبت بواسطة dreamy g!rl الله يوفقكـ يا ليلو خجلتيني كل شوي عندي سؤال و حاجة وانتي ماتقصررري ابدااا

آمين،، و إياكِ ياعسل..

و لا تخجلي و لا شي،، احنا كنا في يوم حايسين زيك ..
و الله يوفقنا و يكتب لنا الأجر..

موفقة يا حلوة||~