تعديييل الجدول + خطة ب أحتآجكم في شغلة

[التحضيري لعبتي]

هذآ جدولي زي منتو شآيفين
بس الأحيآء لو تزبط وتتحول أحد وتلوت ح يصير أممم الحمآس

طبعآ مو دلع :p
بأحوله لأني أفكر إني أشفلي أي وظيفة بآرت تآيم فأحتآج للرآحة في الصبآح ^_^

السؤآل هو كيف يتعدل ؟
وايش أضمن طريقة ؟
أروح بكره الصبآح العمآدة ؟ ولآ أتفآهم مع الدكآترة ويعدلولي ؟
ولو اتفآهمت مع الدكآترة ؟ ايش الاجرآءآت بالتفصيل ؟

يآريت أي أحد يجآوبني لأنه شآيف الموآضيع عن دآ الشي كتيرة وكتيرين يبغوآ يعرفو بس مآفي اجآبة وآضحة وكآملة

الشي التآني ..
ايش أفضضل ملخصآت وأفضل طريقة لمزآكرة الأحيآء والاحصآ والكيميآ ؟

[محمد الشهري.]

اسألتك مرررره تمام

لان حتى انا حابب العب شوي بجدولي

والسؤال اللي كان اهم هو سؤال الملخصات :)

[Tony7]

الشغلة سهلة وما فيها تعقيد
اذا بتحول تروح للدكتور اللي اللي تبغاه وتكلمو اذا في امكانية انك تحول عندو ولا لا
واحتمال نفس الدكتور اللي حيدرسك يكون عندو محاضرة الاحد والثلاثاء

ولا تراجع العمادة راح يصرفوك ويقلولك خلاص قفل السستم وكلام فاضي

------------
اما عن الملخصات في دفعتي
الاحياء : تست بانك
الاحصاء : درسني احمد العم وما احتجت ملخصات بس اذا تبا ملخصات في السعدي تمام
الكيمياء : بالنسبة لي زويل احسن

وبالتوفيق

[التحضيري لعبتي]

المشاركة الأصلية كتبت بواسطة tony7 الشغلة سهلة وما فيها تعقيد اذا بتحول تروح للدكتور اللي اللي تبغاه وتكلمو اذا في امكانية انك تحول عندو ولا لا واحتمال نفس الدكتور اللي حيدرسك يكون عندو محاضرة الاحد والثلاثاء ولا تراجع العمادة راح يصرفوك ويقلولك خلاص قفل السستم وكلام فاضي ------------ اما عن الملخصات في دفعتي الاحياء : تست بانك الاحصاء : درسني احمد العم وما احتجت ملخصات بس اذا تبا ملخصات في السعدي تمام الكيمياء : بالنسبة لي زويل احسن وبالتوفيق

طيب لو اتفآهمت مع الدكآترة
مو لآزم أروح العمآدة عشآن يوآفقوآ ع التغيير ويغيرو لي الشعب ؟ ولآ كيف ؟

[wejdo_o]

يب اذا تفاهمت معاهم مو لازم تكلم العماده بس في وقت الاختبارات تروح شعبتك الاساسيه واختبر معاهم