متخلفين من المجتمع ينظر لأمة أو أخته أو زوجتة بإحتقار...

[ذكرى مؤلمة]

السلام عليكم..
صباح الخير..

أنا عندي موضوع أبغى اطرحه لكم..
وأبي أرائكم فيه..
اللي هو إن فيه بعض المتخلفين من المجتمع ينظر للمرأة باحتقار..
لدرجة انه إذا نطق باسمها لازم يقرنه بكلمة ( الله يكرمك )..
سواءَ كانت هذي المرأة هي امة أو أخته أو زوجته..

سالفة بأقولها لكم..
أمس وأنا مع ولد عمي.. وسألته..
وين كنت؟... كانت الإجابة الطامة أنه قال...
كنت مع أمي ( الله يكرمك ) بالمستشفى..
( وجع أنشاء الله ).. وش هذا المنطوق..
عاد أنا من زود قهري طقيتة بهذاك الكف على وجهه...
وأنا اسأله من وين جبت هذي الكلمة..
قال من فلان بالمدرسة..

( طبعا الخايس راح للشرطة واشتكاني...
ولو كنت عارف كان علمت بوجهه...
عشان يتربى مرة ثانية
وعرف أبوه بالسالفة وجاء قدم تنازل..)

المهم...
اللي أبي أوصل له..
هذا يوم يقول أمي ويقرنها بهذي الكلمة..
هو ما عرف من وين جاء..
هو ما عرف ايش كان ووين صار..
طيب,, ليه امة تبوسه وتضمه..
ولا قالت ولدي الله يكرمكم..

أبي أقول للناس هذي..
( الجنة تحت أقدام الأمهات )...
أحمد ربك أن عندك أم تغمرك بحنانها.. وبطيبة قلبها..
فيه ناس تتمنى أن امة تدوس على وجهه برجلها وتكون على قيد الحياة..
وأنا والله من ضمنهم أبيها تدوس على وجهي..
بس تكون قريبة مني ( الله يرحمها )..
وأحمد ربك أن عندك أخت..
تسأل عنك وتهتم فيك حتى أنك تنقلع وتتزوج..
وبعضهم يهتم فيك حتى بعد زواجك..
فيه ناس والله ما طلع سيارته الإ أخته..
ولله أنه كل ما يطلع جهاز موبايل جديد..
إلا ويكون من أول المستخدمين له وقبل نفسها..
والله إنها تهديه أفضل الماركات ملبس..
طيب واذا تزوجت بكرة..
مين يطبخ لك؟...
مين يغسل ملابسك؟..
مين يهتم فيك؟..
أكيد انها زوجتك..
لا تقول لي بأغسل في المغسلة وبأكل في المطعم..
لكن والله انك مو كفوا انك تتزوج يوم من الأيام..
وتكون أب لإسرة..

ختام كلامي أحب أقول لأمهاتنا وأخواتنا..
أنتم تاج على رؤوسنا...
ولا يهمكم كلام السفهاء..
الله لا يحرمنا منكم..

أما بالنسبة للعينة هذي من الرجال..
أقولهم ما أنتم إلا حثالة مجتمع..

عذراَ على الإطالة..
دمتم بصحة وعافية..


يمة رحمة الله عليك..

[badr t]

السلام عليكم ورحمة الله

موضوع مهم ومشكلة كبيرة من يعتنق او يتلبس بهكذا قناعات اكتسبها من جلساء وللاسف بعضهم ورثها من اباء واجداد ,,,,

جاهلية لم يتم طمس صورها الى الان لدى فئة قليلة من الناس الحياء انتزع منهم والقساوة رانت على قلوبهم ولكن على رسلك وعلى هونك,,,

تخير من الطرق المناسبة لتغير الحال الى افضل بالنصح والوعظ اللين انشروها في الفيسبوك والتويتر والواتس اب وطرق التراسل الاخرى اجعلوها حملة لتغير حال بعض الناس وفقكم الله

الام والزوجة والاخت والبنت هؤلاء جواهر لاتقدر بكنوز الدنيا .......

[شدندن]

وعليكم السلام ورحمة الله وبركاته
شششششششششششششششششششششششششششششششكراً جزيلاً
اتذكر بشاعر المليون جاء ولد وقال قصيدته وذكر اسم انثى والحقها بـ ( الله يكرمكم )
انا عصبت جداً جداً وطاح من عيني وقلت عساهـ مايتزوج
المهم سكتوه الدكتور غسان & تركي المريخي // جزاهم ربي الجنة
قالوا له المراءة هي امك واختك وبنتك وزوجتك وما اجازوهـ وانا انبسطت , يميناً كبروا بعيني جداً ناس فاهمين مثقفين
اما امثاله الله لا يكثرهم و لاتطيح انثى بين يدينهم امييييييييييييييييييييييييييييييييييييييييييييييين يارب " امنوا يابنات "

وارجع واشكرك على الموضوع وعلى الكف كفو ثم كفو
والله يكثر من امثالك ويقلل من امثاله




...

[جوزائيه]

بارك الله فيك اخوي
ويستاهل الكف خويك ذا
ايش التفكير حقه المتخلف
معقولة فيه ناس في العصر هذا كذا
الحمدلله والشكر...

[اموت احيا فيها]

يستاهل وفي حقه قلييل ...........والله فييه نساء تسوى الاااف الرجال
ويكفينا رسول الله صلى الله عليه وسلم قدوة في ذالك

[O-DODY-O]

والله بالفعل في ناس كذا

انا صحبتي تحكيني عن الريجال اللي عندهم تقول يقولو الحرمه الله يكرمك <انا كتبت في مدونتي ذا الكلام من زماااااااااان

بس ما اقول غير انهم ناس مرررررررررضى الله يشفيهم

[TCHECO]

هؤلاء الفئة مرفوع عنهم القلم ..

[المشتاقه لخالقها]

مشكوووووور اخوي على الطرح الرائع

بس احب اقولك ملاحظة صريحة ... ماعندك صبر

فيه ناس عندهم جهل او غفلة يبالهم تتكلم معاه بأسلوب وبالطيب


صحيح العبارة مثيرة للغضب

لاكن تذكر حديث الرسول صلى الله عليه وسلم(ليس الشديد بالصرعة إنما الشديد الذي يملك نفسه عند الغضب)

ولنا في رسول الله صلى الله عليه وسلم اسوة حسنة

مثال: لمن اتى شاب وقال لرسول صلى الله عليه وسلم يارسول الله ائئذن لي بالزنا.... القصة ... شوفو كيف كان تعامل الرسول صلى الله عليه وسلم معاه ...


كان المفروض إنك ماتضربة وتتكلم معاه بأسلوب

والله يهديهم هؤلاء الفئه الجاهله الغافله

\


والله ان الام لها محبه فالقلب ... يعجز السان عن وصفها

واقل شئ نسويه لامهتنا وابئنا ندعيلهم في سجودنا

بقولكم الدعاء اللي انا اقوله



اللهم افتح لوالدي ابواب رحمتك ومغفرتك ورزقك يارب يكريم ياغفور يارحيم

اللهم وجازهم بالاحسنات إحسانا وبالسيئات عفواً وغفرانا


والله يوفقكم جميعاً لما يحبه ويرضاه


وبالله التووووفيق :)

[همة همة همة]

((وَإِذَا بُشِّرَ أَحَدُهُمْ بِالأُنثَى ظَلَّ وَجْهُهُ مُسْوَدّاً وَهُوَ كَظِيمٌ{58} يَتَوَارَى مِنَ الْقَوْمِ مِن سُوءِ مَا بُشِّرَ بِهِ أَيُمْسِكُهُ عَلَى هُونٍ أَمْ يَدُسُّهُ فِي التُّرَابِ أَلاَ سَاء مَا يَحْكُمُونَ{59} ))النحل..


اذا كان الله وصفهم ب ألا ساء مايحكمون ...فقد أوجز في الذم ..

واقدر اقول هؤلاء انما كانوا بقاء وفتافيت من جاهلية قبل الاسلام ..

فعليكم بهم ..صفقوهم ..كفخوهم ..بكسوهم ..صقعوهم ..ثم وجهوهم

الله يكرمكم منهم ومن النظر الى اشكالهم ..الله يعزكم منهم مجالستهم والحديث معهم...

ولينظر من اين خرج ...

[الـــــــدلوعه نونــا]

مثل ماقلت ..هؤلا ليس إلآ حثالة المجتمع ....