من فرج هم مسلم فرج الله همهه طابتكم ادخلو

[ms,malak]

السلام عليكم ورحمة الله وبركاتة
انا طالبة وللاسف طلعت الدرجات نجحت في ااحياء والانقليزي وحملت الاحصاء والكيما
المشكلة مرة خايفة من اهلي مرة اقول اقول للوالدة بس والوالد بلاش
مرة اقول اكددب عليهم ايش عرفهم واشد حيلي الترم الثاني وارفع امعدل
كل الناس بدو يعرفو انو الدرجات نزلت وصارو يساالو ف خايفة اهلي يدرو ويسالو ما ابغى احطمهم
يكفي نفسيتي انام ببكي واصححى ببكي مرة زعلانة ع نفسي
ف قلت اخد صيفي بس ايش اقول لاهلي ع الصيفي
طلعت مشكلة جديدة في البخت يقولو اللي معدلهم اقل من 2 ماتنزل لهم مكافاه
اهلي يبغوني طب ف انا مستعدة خطة ا ما انام ولا اكل ولا شي اخلي حياتي كلها كتاب بس اهم شي يترفع المعدل ولو اترفع اقصى حد ممكن يتفرع كم ؟
يمديني ادخل الطب واحقق طموح اهلي ولا مافي اي امل
حفضل حياتي كلها فاشلة ؟؟؟؟؟؟
انا سمعت انو دامك حملتي مادة ماتدخلي طب لو تموتين
وبس هذة اجازتي كلها نكد وهم وغم لا نوم زي الناس لا اكل زيي الناسس اربع وعشرين ساعه افكر في حل لمشكلتي
ف ساعودوني اقترحولي حلول الله يسعدكم مالي غيركم لاحد يطنش الله يرزقكم الجنة

[bashair ib]

الطب مو اخر الدنيا ليش فاشلة يعني باقي التخصصات فشلة انا فاهمة عليكي انتي ممكن تقولي لاهلك في تخصصات انا عندي ليها ميول وتمشيهم ع كدا انو قوليلهم الطب يبغالو كرف و وريهم ادلة وخليهم يكلمو طلاب طب لو تعرفي احد يعني وقوليهم انا حتخصص وحياتي كلها تعتمد على تخصصي ف خلوني اختارو بحرية مداكي تدخلي مختبرات او اي شي تاني مو لازم طب الحياة ماوقفت على الطب اتمنى اكون افدتك

[GreenTea]

وعليكم السلام ورحمة الله وبركاته

أنا أشوف انك تسحبي ملفك وتقدمي من جديد على السنة الجاية

والله يعين

[maryam.n]

حبيبتي الله يفرج همك و ييسر امرك


صراحة كتبت رد طويل بس ما اترسل .. خيره

المهم الزبدة انو انا رأي المتواضع هو
قول الحقيقة ...

و معلومة الكليات الطبية لا تقبل من حمل مواد .. لانو نظامها سنوي

فعندك خيارين اما تكملي و تشدي حيلك و عادي تاخذي الصيفي و تدخلي كلية العلوم سنة بعدين تحولي على الكليات الصحية

او تسحبي و تقدمي هنا السنة الجية او تروحي لجامعة اهلية منحة على الحكومة

القرار قرارك و استخيري ...

و لا تبكي و تنكدي على نفسك <<< شوف مين يتكلم

لانو المؤمن امره كله خير و ما تعرفي اكيد دا خير ليكي و ربنا لو حكمة من كل الاشياء اللي سارت و خلي دا درس ليكي و ليس عقبة امامك ..

و على فكرة شيء طبيـــــــــــــعي جدا انو الواحد يتعثر او يخفق في بعض المواد في اول سنة دراسية في الجامعة ناس كثير اعرفهم اخفقوا لكن بعد دا الاخفاق انطلقوا و اصبحوا متفوقين و مبدعين و ناجحين ... لان الفشل هو الذي يبني النجاح فلا نجاح بدون فشل

استهدي بالله و فووضي امرك لله .. و اشكي امرك لله وحده هو الاعلم بحالك و الاعلم بقدرك ..

صلي صلاة ليل و ابكي و ادعي و ناجي ربك و ربنا يفرجها عليكي ان شاء الله و احنا اخوانك المسلمين بندعيلك بظهر الغيب ..
مرات ربنا يرسلنا دي المشاكل علشان نفوق على نفسنا و نتقرب منو اكثر و نتوكل عليه و نؤمن بيه و بقدره اكثر .. قال تعالى(( و لئن شكرتك لازيدنكم )) اشكري الله حتى على الاشياء اللى انتي تشوفي انو ظاهرها شر لكن ما تعرفي انو في باطنها خير و كل الخير ..

و لا تنسي تدعي ربنا .. اللهم اجرني في مصيبتي و اخلف لي خيرا منها

معليش طولت عليكي يا الغالية ..ان شاء الله الكلام يوصل من القلب للقلب ..

[ــــــM7MDـــــــ]

المشاركة الأصلية كتبت بواسطة ms,malak السلام عليكم ورحمة الله وبركاتة انا طالبة وللاسف طلعت الدرجات نجحت في ااحياء والانقليزي وحملت الاحصاء والكيما المشكلة مرة خايفة من اهلي مرة اقول اقول للوالدة بس والوالد بلاش مرة اقول اكددب عليهم ايش عرفهم واشد حيلي الترم الثاني وارفع امعدل كل الناس بدو يعرفو انو الدرجات نزلت وصارو يساالو ف خايفة اهلي يدرو ويسالو ما ابغى احطمهم يكفي نفسيتي انام ببكي واصححى ببكي مرة زعلانة ع نفسي ف قلت اخد صيفي بس ايش اقول لاهلي ع الصيفي طلعت مشكلة جديدة في البخت يقولو اللي معدلهم اقل من 2 ماتنزل لهم مكافاه اهلي يبغوني طب ف انا مستعدة خطة ا ما انام ولا اكل ولا شي اخلي حياتي كلها كتاب بس اهم شي يترفع المعدل ولو اترفع اقصى حد ممكن يتفرع كم ؟ يمديني ادخل الطب واحقق طموح اهلي ولا مافي اي امل حفضل حياتي كلها فاشلة ؟؟؟؟؟؟ انا سمعت انو دامك حملتي مادة ماتدخلي طب لو تموتين وبس هذة اجازتي كلها نكد وهم وغم لا نوم زي الناس لا اكل زيي الناسس اربع وعشرين ساعه افكر في حل لمشكلتي ف ساعودوني اقترحولي حلول الله يسعدكم مالي غيركم لاحد يطنش الله يرزقكم الجنة

آولا هذا مقدر ومكتوووب ، وكلن يآآخذ نصيبه
ثاني شيء وهو الاهم : على ما اعرف انووو الي يحمل ماده ما يتسكن بالكليات الطبيه ،، طيب يعني خلاص اذا ما دخلتي طب انتهت الحيآآآه ؟؟؟ لا طبعا اذا انتي تبين طب يمديكي تدخلينه . طيب كيف ادخله وانا حامله ماده ؟؟؟؟؟ انت تستهبل ؟؟؟؟ الجواب لا والف لا << تحمست شوي
الحل انك تدخلين مثلا كلية العلوم تخصص احياء او كيمياء حيويه لمدة سنه وتحاولين تجيبين معدل وبعدها تقدرين تحولين لكلية الطب ،، هذا رايئ الشخصي وانتي بكيفك

[ماجد المقبل]

رأي انك اذا تبغي طب اسحبي وقدمي لابن سينا اوالبترجي الله يوفقكي

[قصة غروب]

وعليكم السلام ورحمة الله وبركاته.
اختي الغاليه ربي يسعدك اول شي اسال الله ان ييسرلك امرك ويشرح لك صدرك ويوفقك وتلاقي الخير والتفوق حليفك.
الشي الثاني اختي الله يسعدك انتي حطيتي لنفسك لازم تحققيه وانتي اجتهدي وماقصرتي علشان تلومي نفسك لكن قدر الله وماشاء فعل.
النقطه الاولى انا انصحك اختي انه ما تخبي ع اهلك وممكن تقولي لامك او ابوكي لانهم اكيد بيكونوا جنبك ومايحملونك اكثر من طاقتك انتي بس شوفي مين المناسب وقولي له واشرحي له وضعك علشان ترتاحي نفسيا وتدخلي الترم الثاني بنفسيه افضل من كذا.
النقطه الثانيه اختي الله يسعدك بالنسبه لطموحك ورغبتك ان شاء الله انها ماصارت مستحيله ومابتصير مستحيله طالما عندنا اصرار وعزيمه.
اختي في طريقتين: الطريقه الاولى زي ماقالوا الاعضاء الافاضل انك تسحبي ملفك وتقدمي من جديد وانتي بيكون عندك خبره كافيه ف السنه التحضيريه وتجيبي معدل عالي وتدخلي الكليه.
الحل الثاني: انك تدخلي كلية العلوم وتحولي منها بعد سنه لكلية الطب او اي كلية طبية بس اهم شي تستوفي الشروط.
غير كذا اختي احنا لازم ف حياتنا يكون في بدائل والانسان مايدري وين الخير.
لتشيلي هم شي وان شاء الله ربك بيفرجها من عنده بس اهم شي انتي ادعي ربك وربك مايخيب رجاك.
اتمنى اني اكون افدتك واي شي تحتاجينه ان شاء الله ما بنقصر معك.
ربي يوفقك ويسعدك ويحقق مبتغاك

تحياتي.

[الحمد الله على كل حال]

نصيحه لك
اولا اقرئ سورة البقره صدقينيني تتعدل امورك
ادعي الله وان شاء الله تتيسر امورك
ولا تقوليلهم ابدا عشان مايضغطون عليك بالفصل الثاني اجتهدي الفصل الثاني وانسي وبعدها خذي صيفي وواجهيهم
وادخلي تخصص قريب لطب بعدها ادرسي سنه كامله وان شاء الله يرتفع المعدل وتقدرين تحولين

[ms,malak]

يعني كلكم تقولون اني ما اقلهم الحقيقة واشد حيلي الخطة الجاية وبعدين اخذ المادتين اللي حملتهم في الصيفي اللي هيا الاحصاء والكيميا وبعدين ادخل علوم وادرس سنة واجيب معدل كمان مرة عالي وبعدين احول طب ؟؟؟؟؟؟؟؟؟؟؟؟؟ بصراحة عجبتني الفكرة مرة مشكورين كل اللي ردو عليا جزاهم الله خير ربي يعوضكم ويعطيهم كل اللي تبوه
وماخاب من استخار الله انا بستخير الله واللي ربي كاتب لي فيه الخير حيسويه انا مرة معنوياتي ارتفعت لجاي مرة شكرا
بس تتوقعو حتى لو شديت حيلي الترم الجاي وجبت في كل المواد a او B يرتفع معدلي قلت خلاص بدخل نظم معلومات كيف ؟؟؟ ولا هندسة حاسب يقولو مستقبلها مرة حلو
وبالنسبة للجامعات الاهلية انا ماعندي الامكانية التي تخليني ادفع مدري كم الف ع سيرة الفلوس المكافات دحين بنتنزلي ولا كيف ؟؟؟؟

[اللؤلــــــــؤة]

أولا أنصحك تختاري التخصص على حسب رغبتك مو رغبة غيرك
لأن التخصص إلى يناسب ميولك هو إلى تقدري تبدعي فيه وتنجزي

ثانيا لو مرة تبغي طب .....أنصحك تقدمي إبتعاث داخلي لأحد الجامعات الأهلية


اللؤلــــــــؤة