اه اه يالانقليزي 102 حسيبك الله

[الحربي 999]

اخ منك ياالانجليزي 102 لي سنتين ما شفت ابو جلمبو وش خلاني
انزلك فالذ الترم للمرة الثالثه على التوالي ابو جلمبو f سد نفسي
اخ يالقهر انصدمت من شفتك يابو جلمبو شكلك يسد النفس
لو دريت نزلت مادة واستفدت منها والا انزلك بوجهك هذا
حسبي الله عليك ضيعت وقتي معك لكن على اللي ياخذك الترم الجاي

[تيتوو]

الله يعيينك والله شد حيلك وتعديها الاترام الجايه ان شاء الله
وترا وراك وراك وين ماتروح لمن تتخرج مامنه فكه ههه

[غازي الغربي]

من جد في الانجليزي انا معاك .. الله يعينك ويوفقك لاتيأس وانا اخووك

ترى ماسد نفسي في هالجامعه وجاب لي ابو جلمبو غير هالانجليزي .. بس ولله الحمد ارسب فيه وانزله الترم الي بعده

واجتزته بعد تووفيق الله .. ولا من ناحيتي مدري وش الجوااب

الله ييسر امرك ولا تخليها تعكرر مزاجك ..

[نايف1]

اخوي بارك الله فيك صدقني المادة ماهي ذيك الصعبة اللي حنا متصورينها مشكلتنا هي ان الاساس عندنا ضعيف جدا
وهنا المشكلة .
انا سبق ان رسبت فية في الترم الصيفي اللي بعد السنة التحضرية لدفعه 09 وتسبب في نزول المعدل في ذاك الوقت وبعد ذاك كل ماشفتة في جدولي ع طول حذف حتي وصلت هذا الترم وهو الترم السابع اي قبل التخرج بترم وكان لابد منه وقررت ان اخذة وان اشد حيلي فية واخذت مدرس بالرياض لمدة شهر كامل وبعد ذاك حجزت عند مدرس في جدة لمدة ثلاث ايام فقط .
والله ان ابو ثلاث ايام وصل لي معلومات في القرمر وعطاني طريقة حلوة لفهم السؤال وطريقة الحل ووضح لي الطريق احسن من ابو شهر .

اخوي اذا انت في جدة راسلني اعطيك رقمة واسمه وابي منك انك لاتشيل هم المادة

[بتال القوس]

اذا كان راح يكون عائق لك ويطيح عليك المعدل خله للترم السابق لانك اخر ترم لازم تاخذ قراءات انجليزية ولا تنفك لك الا بعد ان تنتهي من الانجليزي 102 ...

نصيحة تعود على حفظ الكلمات اللي في الكتاب من الان ولكن اخاف يتغير المنهج لهذا خلك على القواعد افهمها تمام وركز فيها والله يا اخي اذكر احد الشباب هنا نزل ملخص عبارة عن كم ورقة والله ما فتحت الكتاب ولا ادري عنه ورحت جبت درجة مرررة رائعة ما صدقت لكن الحمد لله انا احفظ كمية كبيرة من الكلمات وهذا راح يساعدك في امور كثيرة في الانجليزي

[المرقاب 888]

قدر الله وماشاء فعل

لاتيأس ولا تحطم نفسك و تتسهل بإذن الله ، وخذ عندك قصص الشباب اللي تخرجوا تشجعك وتحفزك بعد الله سبحانه

بالتوفيق يارررب

[الحربي 999]

اشكر الجميع على المشاركه وهذا ماتعودنا علية بالمنتدى الكبير باعضاءة
للامانه مقهور لسبب اني نزلتوا الترم هذا ما استفدت منه وما نزلت ماده غيرة
استفيد منها لكن قدر الله وماشاء فعل , جميع الاعضاء هنا يضرب بهم المثل
قررت اني انساة ولا راح انزلوا الى السنه الجاية في الترم الاول وهو باذن الله
ترم التخرج , وراح التفت لما تبقى لي من مواد , صحيح تعثرت بسسبه لكن لن
التفت الى الخلف وهذا ماتعودت علية من اعضاء المنتدى
شكرا من الاعماق لمن شارك وخفف عليا
دمـــتـــم بــحــفــظ الــرحــمــن

[المنعش!]

الله يعوضك خير والله اني داخل الاوديس اليوم وانا ارتجف وكنت اسوق السياره ومن الروعه بغيت اصدم يوم علموني ان درجته نزلت واني فاتح الاوديس وكاني اشوف كومار جايب الجلمبوا يفك السخانه واتخيل الموقف شوي تطلع الدرجه 68 واحلى تخشيشه مع الاشاره بغيت اصدم من الفرحه ماني مصدق واروح البيت وادخل ابي اتاكد من الاوديس والحمدلله اني افتكيت منه

[الحربي 999]

المشاركة الأصلية كتبت بواسطة المنعش! الله يعوضك خير والله اني داخل الاوديس اليوم وانا ارتجف وكنت اسوق السياره ومن الروعه بغيت اصدم يوم علموني ان درجته نزلت واني فاتح الاوديس وكاني اشوف كومار جايب الجلمبوا يفك السخانه واتخيل الموقف شوي تطلع الدرجه 68 واحلى تخشيشه مع الاشاره بغيت اصدم من الفرحه ماني مصدق واروح البيت وادخل ابي اتاكد من الاوديس والحمدلله اني افتكيت منه

الف مبروك اخوي تستاهل اكثر عقبال التخرج

[بـــــدر]

المشاركة الأصلية كتبت بواسطة نايف1 اخوي بارك الله فيك صدقني المادة ماهي ذيك الصعبة اللي حنا متصورينها مشكلتنا هي ان الاساس عندنا ضعيف جدا وهنا المشكلة . انا سبق ان رسبت فية في الترم الصيفي اللي بعد السنة التحضرية لدفعه 09 وتسبب في نزول المعدل في ذاك الوقت وبعد ذاك كل ماشفتة في جدولي ع طول حذف حتي وصلت هذا الترم وهو الترم السابع اي قبل التخرج بترم وكان لابد منه وقررت ان اخذة وان اشد حيلي فية واخذت مدرس بالرياض لمدة شهر كامل وبعد ذاك حجزت عند مدرس في جدة لمدة ثلاث ايام فقط . والله ان ابو ثلاث ايام وصل لي معلومات في القرمر وعطاني طريقة حلوة لفهم السؤال وطريقة الحل ووضح لي الطريق احسن من ابو شهر . اخوي اذا انت في جدة راسلني اعطيك رقمة واسمه وابي منك انك لاتشيل هم المادة

ياليت للأن مانزلته من وقت مارسبت فيه من المستوى الثاني وجالس ارفع المعدل لأي صدمات قادمة
والخوف تعب كل هالسنين ينسفه الانجليزي في اختبار ساعة ونصف