اخواني باقي لي 27ساعه نصائحكم لرفع المعدل

[عمر العتيبي]

السلام عليكم
اخواني معدلي 2.10 وباقي لي 27ساعه وابغى طريقة اقدار ارفع المعدل 2.75
واسهل المواد الاختياريه والحره لرفع المعدل

وشكرا للجميع

[صقر الشمال]

المشاركة الأصلية كتبت بواسطة عمر العتيبي السلام عليكم اخواني معدلي 2.10 وباقي لي 27ساعه وابغى طريقة اقدار ارفع المعدل 2.75 واسهل المواد الاختياريه والحره لرفع المعدل وشكرا للجميع

هلا بولد الهيلا
شوف بيني وبينك حلوه بيني وبينك ههههههههه اذ بترفع المعدل انصحك في عده نقاط
1- اختيار دكتور الماده يكون ممتاز
2- لاتزيد مواد اكثر خليك خمس اربع حلو
3- اخذ مواد سهله
4- شد حيلك فيهم من بدري
وسلامتك

[عمر العتيبي]

هلابك يالشــــــــــــــــــمالي
ومشكور على المداخله الطيبه

[عمر عبدالله]

رفع للفائدة..


موفق خير

[طيووووب]

السلام عليكم
انا من وجهة نظري ولا ابي احطمك لكن ما اتوقع انه يصل للي انت طالبه ( 2.75 ) لكن اكيد وبأمر الله انك تقدر ترفعه واشوف انك تتقيد بكلام اخوي صقر الشمال ولا تكثر على نفسك ساعات ومواد
الله يوفقك ويوفق الجميع

[الطالب99]

اقول معدلي كان مثلك ورفقته خذا المواد السهلة وذاكر من بدري ولا اوصيك على الدكتور شمسان خذا شعبته

[Power.166]

والله اذا تبي الشور من رايي تنزل بالفصل الدراسي مواد حره وسهله
وتخلي المواد التخصصيه والصعبه < بالفصل الصيفي وكذا إن شاء الله معدلك يرتفع
وثاني شي تسلم من حمل المواد

[المرقاب 888]

شد حيلك وربي يوفقك وليش ماتقدر خلك ايجابي وقول أقدر بمشيئة الله

ولكن لازم تشد حيلك من بدري وكلام صقر الشمال ممتاز

بالتوفيق

[عبدالله بن سليمان]

انصحك

خذ 15 ساعة الترم هذا

و12 ساعة خلها الترم الاخير

ووازن بين المواد لاتاخذ المواد الصعبة سوى

ولا تاخذ المواد السهلة سوى

قسمهم

وشد حيلك وخل ثقتك بالله سبحانه وتعالى كبيرة

لانه قادر على كل شئ

ودعاء والدينك لاتنساه

موفق