اذا سقطت لا تجلس مكانك بل قف وأكمل مشوارك

[anoos04]

السلام عليكم ورحمة الله وبركاته

معكم اخوكم Just Anoos من قسم الحاسبات وتقنية المعلومات
بس حبيت انزل هالموضوع للطلاب اللي محبطين ومتحطمين من درجاتهم
انا كنت من دفعة 2011 السنه التحضيريه ((تأهيلي))

بدخل في المفيد ...

معدلك نازل هالترم.؟؟ تفكر تسحب..؟؟ تتوقع نفسك انك فاشل ..؟؟ والجامعه ماتنفعلك

نصيييييحه ياشباب لحد يسحب عادي كملو وشدو حيلكم احنا كنا الترم الأول كثيير عدد الطلاب عندنا . الترم الثاني مرره قليل بالنسبه للترم الأول

طيب ايش الحل ..

الترم الثاني ابدأه بهمه عاليه انسى اللي فات ونصيحه شوفلك مدرس خصوصي
اذا ماتقدر تاخذ مدرس خصوصي خذ الملخصات حقته على الأقل

الشيء الثاني

ذاااااااكر اوووول بأوووول

يعني الدرس اللي أخذته اليوم ذاكره في نفس الليوم
انا هاذي كانت مشكلتي وهي اللي نزلت مستواي شوي

سيبك من كلام اصحابك والله الماده صعبه .
خلينا نسحب على الدكتور . عادي الدي ان من مدري كم كلاس عادي اسحب.


كل هالكلام شيله من بالك


واخرتا
التخصص ..

حط في بالك اكثر من تخصص
انا اقلكم الصراحه انا كان بالي طب او صيدله او اي تخصص ااهم شيء يشتغل في مستشفى كنت ادورله

لاكن ربنا ماقدر صح زعلت في االبداية لكن بعد ما دخلت كلية الحاسبات

والله العظيم انا اقولها صادق
لو تجيني كلية الطب والله ما اروحلها
ارتحت في هالتخصص

في واحد حول من طب اسنان إلى ادارة واقتصاد
ايش السبب..؟
ماأرتاح في التخصص

بالنسبة لكم
شوف انت في ايش مبدع وادخل هالمجال
ادخل اختبارات تحديد التخصص او المجال


واخيرا
اسأل الله ان يوفقكم ويدخلكم االتخصصات اللي تبغونها

اذا تبغون اي استفسار في القسم حقي ارسلولي عالخاص
تحياتي ..
اخوكم انس الحربي..