خطببتي قريبة - ساعدوني !

[يَآربْ.غفرآنكْ]

السلام عليكم و رحمة الله و بركاته

اخباركم صبايا!!

الله يسلمكم .. موعد خططبتي قريب و المممممشكلة الي عندي هيا :
اني تخخخخخنت تخن فظظظيع مرة
حوالي 10 كيلو بس هالترم .
ممممرة قرفانة من نفسي و مقهورة.. خربت جسمي
بس المشكلة ,, اني صرت بس أكل .. و بعد ما أكل أقول خلاص ما عاد بآكل
بس أكككذب ع نفسي
حتى الأشياء الي ما أحوبها أكلها ..
ايش أسوي بننننفسي
ساعدوووني
و الي عندها دايت ينفع لنظام الجامعة و أككككلها دا الي خلاني غوريلأ تلحقني به

أنا عارفة النت له مليييييييان أنظمة دايت بس أببببغى نظام موثوق به وً كمان مجججرب
لآنه ماعاد فيه ووووقت ..
تككككككككككفون سآعدووني .. الله يوفقكم

[ran00da]

اختي انتي بتقولي اللي عندها رجيم ومجربتو ونفعها تقلي بس انا بقلك هادي اكبر غلط لانك تضري نفسك لانو جسم عن جسم يفرق حتى لو صحبتك نحفت بالرجيم تبعها احتمال ضئيل انو يكون ينفعك وهادا اللي ينبهو منو دكاترة التغديه فانصحك بافضل طريقه انك ترجعي لنظامك الاول او تخففي اكلك وتبتعدي عن الغازيات والحلى يعني ماتحرمي نفسك بس تعملي كنترول والرياضه خدي ساعه على الاقل او ساعتين خصصيها رياضه لانو الرياضه احسن حل في انك تخسي بسرعه وانبهك اختي بعد ماتعملي رياضه انتبهي تاكلي بعدها لانو هادي الطريقه تتخن الواحد وتستخدم للنحاف اللي يبغو يتخنو .... وصدقيني هادي افضل طريقه ممكن تعطيكي نتايج مرضيه لكي وازا استمريتي عليها خلال اسبوع راح تشوفي النتيجه بعينك بعد هادا الاسبوع .... كلامي طويل بس ياليت اكون افدتك لاني جربتهاوان شاء الله تتم الخطوبه على خير ويكون ولد حلال ويحبك ....دعواتك^^

[Patricia]

حبيبتي ابعدي عن الشيبسات والبرجر والأكل المقلي والحلى بصفة عااامة ..
والرز لا تاكلي أكثر من ٨ ملاعق .. كثري سلطة مع الغداا ع أساس تحسسك بالشبع وبنفس الوقت ماتزيد بوزنك .. اتعشي فواااكه ..
وان شاءالله توصلي للوزن المثالي ..

[رهام حداد]

والله انا ماشيه على نظام كل اسبوعين انزل 3 كيلو

مع الدكتور محمد الجزار اذا تعرفييه

المهم هذا النظام تمشي عليه 3 شهور

كل اسبوعين نظام عذائي معين والحممد لله مره نحفت وراح استمر معاه ان شاء الله


هذا الرجيم اللي مشيت عليه




النظام الاول لمدة اسبوعين



الفطور:


كوب شاي بسكر الرجيم (تكون السعرات فيه زيرو) خذيه من الصيدليه اسمه سكر zero


او كوب حليب قليل الدسم + 2 شابوره حب او ربع رغيف خبز + قطعة جبنه بيضا قليلة الدسم



الغدا :


كوب ماء + سلطه خضرا ( خس +خيار+فلفل رومي + طماطم ....)

قطعة لحم او ربع دجاجه مشويه او مسلوقه بدون جلد + برتقاله او تفاحه



العشا :


كوب ماء كبير + لبن زبادي قليل الدسم + 2 شابوره حب او ربع رغيف خبز



الاكل المسموح بين الوجبات :

خس + خيار +جزر + عصير جريب فروت +شاي + قهوه +عصير ليمون+سفن دايت+ تفاح + برتقال+ حليب ولبن قليل الدسم .



الاكل الممنوع :


المكرونه + البطاطس + الارز + الكيك + الحلويات + التمر + العنب + الموز + العسل + القشطه + الزبده + الكريمه +ايس كريم + السمن ...




هذي تستمري عليها لمده اسبوعين كل يوم نفس النظام .








النظام الثاني :



الفطور :


*عصير برتقال او تفاحه او كوب عصير جريب فروت .


* شاي او قهوه او حليب قليل الدسم +ربع رغيف خبز+ جبنه قليله الدسم .



واحد من الاثنين تختاري مو كلهم وهذا الفطور تستمري عليه اسبوعين




اليوم الاول :

الغدا :

ربع دجاجه او قطعة لحم مسلوقه او مشويه + حبتين طماطم


العشا:

بيضه مسلوقه + سلطه خضرا + عصير جريب فروت او عصير برتقال طازج



اليوم الثاني :


الغدا :

قطعة لحم مشوي + سلطه خضرا

العشا :

سلطة فواكه ( برتقال + تفاحه +كمثرى )


اليوم الثالث :

الغدا :

سمكه مشويه او علبة تونا صغيره وتصفيها من الزيت + سلطه خضرا


العشا :
ربع دجاجه مسلوقه بدون جلد + سلطه خضرا .





اليوم الرابع :
الغدا :

2 بيضه مسلوقه + جبنه بيضا قليلة الدسم + حبه طماطم


العشا :

ربع دجاجه مشويه + فاصوليا خضرا + كوسه مسلوقه


اليوم الخامس :


الغدا :

خضار مسلوق ( كوسه او فاصوليا خضرا او سبانخ ) + قطعه جبنه بيضه قليله الدسم + تفاحه

العشا:

سلطه خضرا + سمكه مشويه او علبة تونه صغيره بدون زيت





اليوم السادس :

الغدا :

ربع دجاجه مشويه او مسلوقه + سلطه خضرا + عصير جريب فروت.

العشا :

سلطة فواكه ( برتقال + برقوق + تفاحه )



اليوم السابع :


الغدا :

سلطه خضرا + قطعة لحم مشوي +

العشا :

سلطه خضرا + ربع دجاجه مسلوقه .



تكرريها لمدة اسبوعين




ملاحظه :


* يسلق الدجاج في الماء بدون استخدام او اضافه اي مكعبات .

* يمكن اضافه الملح والفلفل والثوم والبصل والبقدونس والليمون والخل .

* مسموح بشرب عصير الليمون والشاي والقهوه في اي وقت وبأي كميه بسكر الرجيم


* يمكن تناول الخيار والخس بين الوجبات

* تنزع الدهون والجلد من الدجاج واللحم .

ولا تنسي كل يوم تمشي نص ساعه

واذا خلصتي منهم ارسليلي رساله عالخاص وانا اكملك الباقي اذا تبغي :)

الله يوفقك يارب

[حلاي من حلى روحي]

الســـلام عليكم ورحمة الله
مبروووك خيتو والله يتمم لك ع خير
بالنسبه للدايت ولله الحمد اغلب الانظمه الغذائيه جربتها<<فار تجارب

لكن افضل دايت اتبعته وكان رائع بحق وينفع للجامعه وماتحسي بالجوع وتفنني في الاطباق زي ماتبغي وفق قائمة المسموحات اللي عندك

الحلو في الدايت لو تخسسي كم كيلو يبان اكثر من اللي نقصتيه
يعني لو تخسي 5 كيلو يبان في جسمك فوق الـ5
وترى الـ10 كيلو بسيطه لاتشيلي همها خلي عندك اراده وبتوصلي لهدفك

رح اعطيك الرابط اطلعي عليه وحيفيدك ان شاء الله

http://www.rouqyah.com/showthread.php?t=56161

اي سؤال انا حاضره

ربي يوفقك وييسر لك وتوصلي للوزن المثالي..

[angel--girl1991]

طيب انا كمان ابغى انحف بس مشكلتي اني مرررررا نحيفه من فوق وتحت جسم عريض عندي فخود
ايش اسوووووي حرمت نفس من كل شي لكن دحين مش قادره ساااعدوووني بليييز في احد زي وصارت زي ماتبغى ؟؟؟

[sugar lips 20]

طيب واللي بدها تتخن 10 كيلوو بسس ^^
<<< تآككل وماينفع معهااا هههههههه

[اللهم اعطهم مايتمنونه لي]

angel--girl1991

انا مثلك بس الحمدلله الحين جسمي غييييييييييييييييييييييييييييييير

امشي كثير واطلعي الدرج وانزلي بعد المشي

واشتري درجة الرياضيه

وبسسسسسسس

[follah]

تصدقي أمنيتي أسمن :(
..
..
مووفقهـ أختي
الله يتمم لك ع خير

[RHF]

فطور اهم شي ، غدا اوكي ممكن

ومافي عشا ،

اشربي شاي اخضر ،

اتحركي كتير

اعتبري انو مافي شغالة ، اقعدي اخدمي في اهلك هههههه

//

صدقيني حتنحفي اسأليني انااااا

زمان لمن كان عندنا شغالة كان وزني 47

وبعد ما راحت سرنا احنا خلاص احنا نشتغل و زي كدا

سار وزني 37 ، 38 ، 39 ، 40 شايفة كيف

//

في شاي اسمو شاي الرشاقة ، يخليكي الله يكرمك تروحي حمام على طول بس حتحسي نفسك تبي تموتي ههههههههه

انا ما اعرف عنو بس سمعت خالاتي يقولو انو مفيييييييييييد جدا ،

حتلاقيه ف السوبرماركت امكن او صيدلية معروف