موااااد اختياريه

[TeeNa....]

مرحباا
مين جربت بحوث عمليات مع امل تركستاني
تحليل احصائي مع لبنى ابو العلا
مبادئ علوم سياسيه مع خالده او امل عرب
استثمار مع سحر او نسمه
ماليه دوليه مع نسمه

كيف كويسين ولالا
ايش اسهل لانو هما بس الي مايتعارضو مع مواد التخصصخصوصا انو مواد التخرج يبغالها شغل ونبغى مواد سهله مو تكرفنا زياده

[DeeeL]

امل عرب في مدح كثير عنها

نسمه وسحر كلهم ممتازين

لو حابه سوي بحث في قوقل وشوفي اراء البنات

[ZoOona WaZiRa :P]

بحوووث عمليات مع امل مررررة كويسة
وامل عرب مرررة كويسة
حتى مالية دولية واستثمار حلوين
بالتوفيق

[TeeNa....]

DeeeL ربي يوفقك مررا شكرا ياعسل للاسف مني لاقيه ردود تجارب للبنات في البحث
ZoOona WaZiRa :P شكراا ياقمر طيب انتي اخدتي بحوث عمليات كيف توزيع الدرجات وسمعت انو في دورات ولا مافي واقدر اجيب اي بلس

كمان سحر ونسمه دايما البنات يشتكو من درجاتهم مني عارفه ليش

[Miss Honey]

اخذت استثمار مع سحر
بصراحة المادة رووووووووعة واختباراتها اوكي
بس المشكلة فين ؟
إنها تجيب سؤال ويترتب على إجابته اربع اسئلة بعده
يعني إذا غلطتي في السؤال هذا اكيد بتغلطي في الأربعة اللي بعده
وترا اسئلتها واضحة وضوح الشمس وكلها اختياري بس القوانين شوي كثيرة
وانا تلخبطت في قانون وراحت علي الدرجة ودرجة الاسئلة المترتبة عليه

جبت معاها 91 ولو ماغلطت في هذاك السؤال كان جبت 95 بالراااااحة
وعلى فكرة ماحليت عندها ولا واجب خخخخ
يعني حلي الواجبات معاها وذاكري القوانين مزبوط انتبهي تلخبطي فيها وانا اضمنلك الـ a+

باقي المواد ما اخذت ولا وحدة فيهم
وإن شاء الله باخذ ماليه دولية الترم الجاي مع اقتصاد دولي أو مبادئ سياسة

موفقــــــــــــه تينا

[k3nosha]

استثمار مع دكتورة سحر دا الترم اخذتو رووووعه
للحمدلله اخذت معاها a+
الاسيله سهله وماتخرج عن المنهج حلي الواجبات ولازم تشاركي تضمني عندها درجتين ان شاء الله


بنات انا ابغا اسال عن تحليل احصائي مع دكتورة لبنى ابو العلا وكيف الماده فيها نظري ولا لا

[TeeNa....]

Miss Honey
k3nosha
ربي يووووفقكم ويسعدكم حبايبي مراا شكرا
ان شالله حاخد استثمار طمنتوني

[مـ~ـلاكــ♥ــ~ــ]

طيب بنات ماقلتو شي عن مبادئ علوم سياسية انا ناوية اخذها السمستر الجاي ان شا الله

[Passion For Success]

مرحبا بنات .. يا ريت تفيدوني عن مادة اقتصاد دولي مع د. ايمان حسن علي .. يعني أي شي تعرفوه بليييز

[TeeNa....]

ملاك انا فكرت فيها لانو نظام سياسي كل الشعب احد وتلوت متى حندرب ومني عارفه مين حيمسكها
Passion For Success في بنات يقولو سهله وفي بنات يقولو صعبه ومتعبه