اخدت F في مادتين و المعدل انخسف D'x ،، ايش في مواد حرة ترفع المعدل ؟

[Miss Gee]

بسم الله الرحمن الرحيم ..


قسم الانجليزي << وما ادراك ما قسم الاانجليزي


بدايت الترم حصلت مشكلة و خصصوني اعلام ،، مع انو معدلي يدخلني انجليزي

بعد ما راجعت السكرتارية و حولوني انجليزي كانت نص الشعب فل ،، فـ على حظي النحس الشعب اللي بقيت حقت استاذات مو كويسيين

فـ طبيييت مع مس نسرين اورال 1 << متأأكدة كل البنات يعرفوها -_____-"

اول حاجة .. مس نسرين لو حجت البقرة على قرونها مستحيل تدي اي مخلوق درجة كاملة ..
و غير كذا احنا عندنا 3 برزنتيشنز نسويها للمادة ،، اول واحد كان حلو و مشي زي الحلاوة ،، جاتنا في الثاني ماخلتنا نختار موضوع ،، اختارتلنا هيا << كان يوم اغبر

تخيلو تخيلو تخيلو البريزنتيشن الثاني كان مررة صعب ،، بنات ادتهم french revolution و اللي ادتهم industrial revolution و بنات ادتهم الريناسونس مدري ايش ،، البريزينتيشن دا نتفت شعر راسي حبة حبة في و ما صدقت متى خلص ..

ثالث واحد كان الطامة الكبرى << برضو ما خلتنا نختار ،، اختارتلنا هيا بنفسها
بنات ادتهم world war 1 و world war 2 و victorian era و literature in the victorian era << دي مواضيع يدرسوها المستوى الخامس و السادس ،، مو بنات لسة اول ترم في القسم

المهم خرجت من عندها بـ F لعين


المادة التانية Writting 1 مع مس شادن ،، هيا المس كويسة و تشرح مزبوط ،، بس مررة تدقق
تدقق في الفكرة و بالمعلومات اللي تكتبيها و كل حاجة في الحياة ،، و تدي الـ F .. ما انصح بيها صراحة

و دا كان ثاني F


دحين معدلي بعد ما كان 4.14 انخسف و سار 3.53 << محد انجلط


فـ الله يخليكم اللي تعرف مــادة حرة او اختيارية ترفع المعدل تقولي ،، و مع رمز المادة ><
و كمــان اسمــاء استاذات كويسين للـ reading 2 و writting 1

و مرررة شكرا ^^