المحاسبه بهذلتني ... ابي ردكم ورايكم ...

[L O T U S]

صباح الخير

بالأول مبروك لكل اللي نجحوا وعدوا المواد اللي عليهم
واللي حملوا مواد ان شالله تتعوض


انا عندي مادة مبادئ المحاسبه للمره الثانيه احمل الماده
اول مره ذاكرت الماده كويس وفهمتها بس ماكتب ربي وانجح فيها
اخذتها هالترم وبرضوا مانجحت لكن للامانه ماذاكرت الماده زين لأنو كثير كنت مقهوره تعبي راح ع الفاضي

سؤالي لو لا قدر الله وحملت الماده للمره الثالثه ايش بيكون وضعي!!

وانا عندي مادتين قبل كذا اللي هم (رياضيات واحصاء) وهالمادتين للآن مانزلتهم
تنصحوني الترم الثاني انزل مادة المحاسبة او اتركها لبعدين واخذ رياضيات او احصاء او اقتصاد جزئي

لأنو هالمره عزمت اخذ الماده عند مدرسه قلت مافي حل غير كذا وبدرس الماده بدري
لأني خلاص هالترم هذا اسوء ترم يمر علي من دخلت الجامعه

[مترك]

لا يهم حمل المادة لاكثر من مرة

اهم شيء المعدل ما يكون اقل من اثنين اكثر من ترمين

[المهندسكو]

تم تعليقي هنا على اساس محاسبة حكومية وقد قمت بمسحه ..

من وجهة نظري ان تنزليها الترم القادم لكون المعلومات عن المادة موجوده
والجهد حيكون اقل إن شاء الله ..فقط التركيز

[دائم النور]

الله يعينك
انا من وجهة نظري لاتنزلين المواد الصعبه عليك الأن

حاولي تنزلين اسهل المواد وخلي الصعبه اخر ترمين صحيح راح تنضغطين اخر ترمين لكن حتى لو لا قدر الله وحملتي ماراح ينزل في المعدل شي كثير لأنك اخذه ساعات كثيره وحتى لو جبتي اعلى الدرجات ماراح يرتفع المعدل في النهايه لكن في البدايات يرتفع وينزل بشكل كبير حسب الدرجات
وهذا اللي انا سويته الحمدلله كل ترم ارفع معدلي بشكل ممتاز لأن المواد سهله وان شاء الله انا خريج الترم الجاي صحيح انضغطت هذا الترم والترم الجاي بنضغط بس مو مشكله دام ماراح يأثر في المعدل كثير اهم شي اني احافظ الأن على المعدل ماينزل

اذا عندك معلومات تشوفينها كافيه عن المحاسبه نزليها الترم الجاي وترى المحاسبه الماليه تافهه والله اذا فهمتيها زين بتجيبين فيها درجات حلوه واذا ماعندك معلومات او نسيتي الماده وتشوفينها صعبه لاتنزليها الأن والرياضيات والاحصاء لاتتنزليها الأن خليك على السهله وارفعي معدلك

وبالتوفيق

[alreeemi]

صحيح كلام المهندسكو
اجتهدي انا حملتها 4 مرات وفي كل ترم بعد ترم اخذها
نصيحتي لكي اذا كنتي متجاوزه 50 ساعة خذيها في الصيفي هي والمواد الرياضية كاملة وان شاء الله تنجحين بجهد اقل
الله يوفقنا واياك

[ORAINI]

الله يعينك ..

انا الحمدلله اللي ساعدني فيها كنت ادرس في جامعة الملك سعود وتخصصي محاسبه .. فـ ماواجهت صعوبه في تعديتها من اول مره


بس نصيحتي مثل ماقال لك اخوي الريمي .. خذيها هي والمود الرياضيه في الترم الصيفي .. وجيبي لك مدرسه فيها


بالتوفيق .,

[عيوني حزينه]

انا مثلك رسبت في المحاسبة 101 مرتين وفي المرة الثالثة اجتزتها وبشق الانفس 60 بس الحمد لله عديت منها ولا حاولت اني اخرها لترم ثاني لان المعلومات لازالت حاضره ولو اجلتها بنسى بعض المعلومات حاولي تاخذين مدرسه متمكنه من المادة وتدرسينها من بدري عشان تجتازينها بالتوفيق

[ابو الغريب]

مرحبا فيك .. إن شاء الله ربي يوفقك وتنجحين في جميع موادك ..

اذا ما عديتي في هالمادة اكثر من مرة فانا أنصحك أنك تاخذين مدرسة أفضل لك وتدرسي وتراجع اول باول ..

لا تنسي ان مبادى المحاسبة متطلب للمحاسبة الحكومية ..

[ابو اسامه 106]

بالنسبه لي عديت المادتين والحمد لله

ولا عمري اخذت مدرس

مباديء المحسابه اعطوني 60

والحكومية نزلت اليوم 70

وبكذا انفكيت من شي اسمه محاسبه

طريقتي كانت

متابعة الدكتورة سحر في مباديء المحاسبه في شرح السنترا

وفي المحاسبه الحكومية اخترت جوهرة القحطاني

وكان لهم الفضل بعد الله في نجاحي


واي مادة ابغاه راح اخذها من السنترا كشرح

لا مدرس ولا خرابيط

اهم شي الاجتهاد

صحيح اني ماني مقتنع بدرجة مباديء المحاسبه

واحس اني حليت اكثر من حل رائع

لكن امري لله

اهم شي عديت وخلاص

لاني راجعتهم وكأنك تتلكم مع جماد


تحياتي