استفسار بخصوص كلية الصيدلة

[مسـتجد]

السلام عليكم

لو جبت 68 في الاحياء
و الكيمياء 85
والاحصاء 73

والانجليزي فوق 85
ودرجات عالية في الفيزيا والرياضيات

اقدر اخش صيدلة ؟

وايش افضل هندسة او صيدلة وسوق العمل يحتاج ايش اكثر وشكرا

[Eng.M7mmd]

,
,

~ وعليكم السلام ورحمة الله وبركاته

يوجد معايير للقبول في بعض الكليات, وهي عبارة عن نسبة خاصة + نسبة عامة

النسبة الخاصة هي نسبة معينة لمواد محددة تطلبها الكلية فـ مثلا : للقبول في الهندسة لازم تكون متوسط مجموع

درجاتك في المواد : ماث - فيزياء - انجليزي +80% , وبالنسبة للصيدلة على ما اعتقد تطلب

الكيمياء - فيزياء - احياء - انجليزي وتكون نسبة ومتوسط درجاتك فيها فوق الـ 80%

اما النسبة العامه فـ هي نسبة المواد كـ كل

عشان تفهم بالتفصيل :

http://www.skaau.com/vb/showthread.php?t=305937

والله اعلم من ناحية المستقبل لكن الهندسة لها تفرعات كثيره وكل تفرع له طلب في سوق العمل بس طبعا

تختلف نسبة الطلب من تخصص لتخصص : كهربائية - ميكانيكية - كيميائية.....

والصيدلة لها مستقبل برضو, انا كنت محتار ما بين نفس التخصصين, شوف الموضوع هذا

http://www.skaau.com/vb/showthread.php?t=336202

لكن اهم شي انتا لأيش تميل؟ ايش رغبتك؟ ايش طموحك؟ نصيحة لا تختار التخصص عشان الوظيفة

اهم شي ميولك


اسأل الله التوفيق لك , ولنا


.


\

[dr.ro0ody]

اخويا ازا كنت تحب الماث والفيزكس وتشوف حالك في الفهم افضل من الحفظ انا بنصحك بـ هندسه
لانو الهندسه تعتمد كتير على الفيزكس والماث

لاكن ازا كنت بتحب الكيمياء والاحياء وتحفظ وتفهم مع بعض وبتحب المختبرات وهادي الاشياء ادخل صيدله

ولازم يكون عندك ميول لأحد من هادي التخصصين لانو الهندسه عالم تاااني عن الصيدله
وازا دخلت تخصص عشان بس مستقبل وظيفي او سمعه صدقني ماراح تمشي
لازم اول حاجه واخر حاجه الرغبه

وللقبول السنه اللي فاتت كانت الموزونه 80
والخاصه حاول تشد حيلك السميستر التاني في الفيزكس وباقي الليفلات في الانجلش

[تركي4444]

انا اقدر افيدك من ناحية انو مستقبل الصيدلة افضل لانو تخصص جديد وطلابه قليل

عاد انت شوف ايش تحب اكثر واستخير وتوكل على الله


موفق ان شاء الله

[ymosh]

الصيدلة مطلوب في سوق العمل حاليا بس مااعرف وقت مانتخرج اش حيصير , و الهندسة هي كمان مطلوبة بس على حسب التخصص

[Eng.M7mmd]

,
,

\

المشاركة الأصلية كتبت بواسطة تركي4444 انا اقدر افيدك من ناحية انو مستقبل الصيدلة افضل لانو تخصص جديد وطلابه قليل

اهلين والله بالدكتور تركي =) عاش من سمع صوتك > مدري كيف بس خليك في المعنى

مافي تخصص افضل من الثاني والأرزاق بيد ربك عز وجل, ولكن طالما اني رح اتكلم عن تخصصي

فصراحة قليل جداً ما اسمع عن مهندس عاطل, إلا لو كان معدله مخسوف ( 2 ) ولا زي كدا

من اول ما يتخرج بـ معدل 3.5+ , يلاقي الوظايف في كل مكان, صح فيه ناس عانت في البداية

وممكن تلاقي عاطلين لكن هم قلة , والميزة في بعض التخصصات الهندسية انك تقدر تشتغل في اي مكان

مثلا الكهربائية نقول الاتصالات والالتكرونيات .. بإمكانك تشتغل في المستشفيات / الشركات بكافة انواعها / الوزارات / خطوط الطيران ...

بحيث مستحيل يكون فيه اي حاجة الا وتحتاج هذا التخصص وغيره من التخصصات الهندسية

الصيدلة لها مستقبلها ايضاً لكن لما كنت محتار ما بينها وبين الهندسة, اتفاجأت بموضوع الـ pharm d

انو الجامعة تُخَرِّج بمسمى دكتور صيدلي لكن للأسف مافي في وزارة الصحة هذا المسمى

فتشتغل بـ مرتبة الصيدلي العادي على الرغم انو مرتبك فوق كدا بكتير, السنة اللي راحت كان في كلام انو رح يتطبق خلال السنين الجاية

لكن برضو من خلال بعض معارفي انو بدون هذا المسمى وبرضو رواتبهم عالية وماشاء الله متهنيين في حياتهم



الله يسهلك امرك دكتور ويحفظك =)


::

\

[تركي4444]

المشاركة الأصلية كتبت بواسطة eng.m7mmd , , \ اهلين والله بالدكتور تركي =) عاش من سمع صوتك > مدري كيف بس خليك في المعنى مافي تخصص افضل من الثاني والأرزاق بيد ربك عز وجل, ولكن طالما اني رح اتكلم عن تخصصي فصراحة قليل جداً ما اسمع عن مهندس عاطل, إلا لو كان معدله مخسوف ( 2 ) ولا زي كدا من اول ما يتخرج بـ معدل 3.5+ , يلاقي الوظايف في كل مكان, صح فيه ناس عانت في البداية وممكن تلاقي عاطلين لكن هم قلة , والميزة في بعض التخصصات الهندسية انك تقدر تشتغل في اي مكان مثلا الكهربائية نقول الاتصالات والالتكرونيات .. بإمكانك تشتغل في المستشفيات / الشركات بكافة انواعها / الوزارات / خطوط الطيران ... بحيث مستحيل يكون فيه اي حاجة الا وتحتاج هذا التخصص وغيره من التخصصات الهندسية الصيدلة لها مستقبلها ايضاً لكن لما كنت محتار ما بينها وبين الهندسة, اتفاجأت بموضوع الـ pharm d انو الجامعة تُخَرِّج بمسمى دكتور صيدلي لكن للأسف مافي في وزارة الصحة هذا المسمى فتشتغل بـ مرتبة الصيدلي العادي على الرغم انو مرتبك فوق كدا بكتير, السنة اللي راحت كان في كلام انو رح يتطبق خلال السنين الجاية لكن برضو من خلال بعض معارفي انو بدون هذا المسمى وبرضو رواتبهم عالية وماشاء الله متهنيين في حياتهم الله يسهلك امرك دكتور ويحفظك =) :: \

عاش من شاف صوتك <<< ايش يقربلك القذافي بس وحدة بوحدة

ياباش مهندس والله كلامك صح لكن الهندسة لازم تجيب فيها غالبا جيد فما فوق وبعدين تنهال عليك الوظائف ... هذه نقطة

النقطة الثانية انا شهادتي قد تكون مجروحة

لاني ادرس صيدلة ف زي مايقولو * القرد بعين امه غزال *

وفي الاخير تبقى الاثنين حلوة ومعدلاتها مرتفعة يعني مو اي واحد يدخلها


لازم تكون فيك لمسة دفرنة عشان تخش صيدلة او هندسة


والسلام عليكم ورحمة الله وبركاته

مع تحيات / باش مهندس دكتور طيار وكيل رقيب / turki

[مسـتجد]

يعطيكم العافية

[كارولينا ر]

يارب اجعل لي نصيب فيها ( الصيدله ) :(