سؤال عن سحب الملف !!! ارجو الدخول بسرعة

[AboSharaf]

السلام عليكم

أنا رحت اليوم الجامعة ... وسحبت ملفي ووقعت وكل شيء وأخذوا البطاقة
عساس اسجل السنة الجاية من جديد

وقت مارجعت دخلت الاودس لقيت كل شيء موجود؟؟ ولاكأني سحبت ؟؟ أنا سحبت علشاني راسب في الفيزياء 3 مرات
وخايف انفصل نهائياً ... هل ملفي ماتمسح من النظام ولا ارجعلهم ثاني ؟؟


بالمناسبة وقعت على ورقة مكتوب فيها اني اقر بأني لن اطالب بمقعدي بالجامعة نهائياً
سألتهم عن الورقة قالولي يعني ماتقدر ترجع مرة ثانية لنفس الرقم القديم حقك لكن تقدر تسجل السنة الجاية

صراحة انا شاك هل الورقة اللي موقع فيها اني انفصل نهائياً من الجامعة ولاعاد انقبل مرة ثانية حتى السنة الجاية ؟؟؟ ياليت تجاوبوني

وآسف على الاطالة

[emma watson]

مساء الخير أخوي،،لا استنى عليهم مو معقوله بهالسرعه يمسح النظام ملفك..أتوقع يوم يومين بالكثير وما راح تلاقيه..وبالنسبه للورقه اللي وقعتها مو معناته انك ما راح تسجل فالجامعه نهائياً لأنه على حسب ما فمهت من كلامك انه كان مكتوب "لن أطالب بمقعدي الجامعي"وفعلاً هما يقصدوا رقمك الجامعي لأنك لما تقدم السنه الجايه حيكون لك رقم جديد..معوض خير وبالتوفيق ان شاالله..

[M!SS Lara]

اخوي استنى يومين عليه وبعدين جرب تدخل الاوديس مرة تانية وحتشوفه مايدخل ..

[AboSharaf]

شكرا على الردود اسأل الله لكم التوفيق
سؤال اخير

بالنسبة للفيزياء ؟؟ هل راح انفصل نهائياً قبل ماينحذف ملفي من النظام ؟؟؟

[اتوشا]

اخوي ..انا كمان اليوم رحت سحبت ملفي وسالتهم عن الاودس قالولي يتغير بعد اسبوعين
وقالوا لي نفس الكلام الي قالولك اياه بالنسبه للرقم واخذوا بطاقتي وكل حاجه
بعد اسبوعين ينزل في الاودس مو بعد يومين!!!!!
وبالنسبه لسؤالك الاخير :ما ح يقدرون لانه اسمك خلاص طلع من النظام (بس ينزل لك في الاودس بعد اسبوعين )وبعدين لو هم بيفصلونك كان ما استنوك لين تسحب ملفك ..
والاستماره معاك وحجتك قويه لا تخاف ما ح يقدروا فيك..

[عزجهينة]

الله يعوضك خيرا مما فقدت ولاتنسانا من دعائك

[اتحادي منتظم]

طيب ممكن اللي فآهم في الموضوع يفيدني لو سمحتو تكفون ~
آلآفضليه في القبول للخريجين نفس السنه صح ؟!

[سملّق :)]

المشاركة الأصلية كتبت بواسطة اتحادي منتظم طيب ممكن اللي فآهم في الموضوع يفيدني لو سمحتو تكفون ~ آلآفضليه في القبول للخريجين نفس السنه صح ؟!

مدري من قال الاشاعـة هذي !!!!

،،،

كذذذب ،، لا يوجد أفضلية في القبول في الجامعة ، القبول حسب النسبة الموزونة في القدرات والثانوي والتحصيلي ..

((( أنا سججلت في الجامعة ونسبتي الموزونة ماهي ذاك الزود ، ومن خريجي 1429 - 1430 وقبلوووني )))

الأفضليــة الوحيــدة هي : اللي عندهـ ( و ) فقط !!

،،،،،،،

بس شوف ، في شيء يغلط فيه أغلب الطلاب اللي مثل حالتي وحاالتك ..

عشان كذا ماينقبلون ،، وهو ( صلاحيــة أختبار القدرات والتحصيلي ) !!

أنتبه أخوي ، شيك على موقع قياس قبل كل شيءءء

ولو أنتهت صلاحيــة اي اختبار عندك ( سجل في الاختبار قبل تفصل من الجامعة )

والله يوفقك :)

[سملّق :)]

المشاركة الأصلية كتبت بواسطة abosharaf السلام عليكم أنا رحت اليوم الجامعة ... وسحبت ملفي ووقعت وكل شيء وأخذوا البطاقة عساس اسجل السنة الجاية من جديد وقت مارجعت دخلت الاودس لقيت كل شيء موجود؟؟ ولاكأني سحبت ؟؟ أنا سحبت علشاني راسب في الفيزياء 3 مرات وخايف انفصل نهائياً ... هل ملفي ماتمسح من النظام ولا ارجعلهم ثاني ؟؟ بالمناسبة وقعت على ورقة مكتوب فيها اني اقر بأني لن اطالب بمقعدي بالجامعة نهائياً سألتهم عن الورقة قالولي يعني ماتقدر ترجع مرة ثانية لنفس الرقم القديم حقك لكن تقدر تسجل السنة الجاية صراحة انا شاك هل الورقة اللي موقع فيها اني انفصل نهائياً من الجامعة ولاعاد انقبل مرة ثانية حتى السنة الجاية ؟؟؟ ياليت تجاوبوني وآسف على الاطالة

بالنسبة لملفك ( مو على طول يمسحوه من النظام ) أستنى شوي .. يومين كذا ..

وشيّك على الاودس وشوف ملفك ،، اذا كان ما أنمسح أرجع لهم !!

،،،،،،،

الورقة اللي توقع عليها أخوي ،، ماهي ( تنفصل من الجامعة نهائياً ولا تقدر ترجع لها !! )

الورقة تحتوي على مضمون فيما معنــاهـ ( انك تنفصل نهائياً ولا يحق لك تطالب بنفس مقعدك القديم في الجامعة ،، ولكن عندك فرصة أخرى بالتسجيل مرة ثانية متى مايفتح باب القبول في الجامعة )

يعني ماترجع لهم بعد بكرة ، تقول لا خلاص انا غيرت رأيي وابغا أكمممل !!

لازم ترجع تسجل من جديد وتأخذ رقم اكاديمي جديد وكل شي من جديد ( يعني من الصفر تبدأ )*_^

والله يوفقك أخوي ( أتمنى تكون أستخرت قبل تتخذ قرارك هذا ) :)

،،،،،،،،،،،،،

[AboSharaf]

الله يعطيك العافية ياأخ سملق :) وباقي الاخوة اللي ردوا

اختبار القدرات والتحصيلي من 1431 هـ
على ماقرأت ان صلاحية القدرات سنتين والتحصيلي 3 !!؟؟
الله يستر بس ويعديها على خير