هل تنصحوني بالانسحاب والعودة للدراسة الفصل القادم ؟!.

[ام دالين]

ياجماعه اختي كانت متفوقه في الثانوي واللحين طلعت درجاتها زي الزفت مع انها كانت تبي الطب اللحين بقولكم درجاتها وانتم شوروا عليه
الرياضيات62
الفيزياء63
مهارات حاسب 81
مهارات اتصال84 والانقليش لسه ماطلع
اللحين شوروا عليه نخليها تنسحب هالترم وتدرس من السنه الجايه لانها تبي تخصص حلو مثل علوم طبيه ولاكيمياء حيوي ولا اقل شي تربيه خاصه بايش تنصحوني لان اهلي خلاص قالوا عيديها السنه الجايه وانا جيتكم طالبتكم تشوروا عليه وخاصه ان الترم الجاي اصعب فابيكم توضحون لي مثل هالتخصصات كم يقبلوا عليها اونقدر اسحب الترم هذا ولا لازم تعيد من اول وجديد وهل فعلا السنه الجايه مافيه تحضيري بليز شوروا عليه الله يوفقكم

[رفيقي كتاب ربي]

والحال من بعضو كنا متفوقين في الثانويه وسرنا من جنبها في الجامعه

حسبي الله ونعم الوكيل بس ..

المهم

انا مثل حال اخت ما ابغى ادخل قسم مشي حالك وبس واسم اني في الجامعه وانتهى

بالنسبه ل التخصصات في كليه العلوم اذا رفعت معدلها الترم الجاي ان شاء الله تنقبل

واذا تبغى اعلى من كذا وتدخل طب ف احسلها تسحب لان الرياضيات والفيياء عندها معدوومه
وغير المهارات والحاسب ...!!!!

وبعدين اختك من جد كانت تذاكر ..؟>>معليش بس لا تجاوبي عليا بس جا في بالي مستحييل شااطره وفي النهايه هذي الدرجات
وكمان اذا شاكه منها الافضل ترااااجع

>>ترا حتى انا شاكه بس مافي احد يوديني الجامعه :(..

[سملّق :)]

والله يا أختي ، انا بشور عليك ،

وحطيت نفسي مكان أختك ..


صدقيني أول قرار اتخذهـ لو أنا مكانهــا ، افصصل ..

وارجع السنة الجايــة رجعة قوييية ( خاصة وأنا ماخذ فكرة مسبقة عن المواد ، وعن الصعوبة )

فما أعتقد في شيء السنة الجايــة يقدر يخلي معدل أختــك منخفض الى هالدرجــة :)


،،،،



قبل كل شيء ( لا تنسي الاستخـــــــــــــــــــــــــأارة ) انها هي المفتاح الاساسي للعبد !!

،،،،،،،،،

طبعاً ( تخسر سنة من عمرها ،، ولا تخسسر عمرها كلللـه في تخصص ماتحبه ! )


،،،،،،،

والله يوفقك ويوفقهـــــآ يارب :)

[IBRAHIM-Z]

تستخير الله وتشد حيلها الفصل الجاي اذا هذا اول فصل لها في السنه التحضيرية واذا كانت خلصت السنه التحضيريه تنتظر الدرجات الباقيه وتشوف كم معدلها ومن خلال المعدل تحكموووووون عليها وكذا كذا تواااااصل ممكن تشد حيلها لي انه التسجيل السنه الجايه في رجب شهر 7 /1433 يعني لا تستعجلووووووووووووووووون انتظرووووووووو معدلها واذا مو حلو تواصل الين شهر 6 تشوف هي لها نيه تواااااصل وألا لا والله الموفق ...

[iRe]

مرحبا ام دالين
بما انها تبغى علوم طبيعه وكيمياء حيوي ،، فخطتها الجايه كلها مهمه بهالمجال
وهي راح تحدد اذا هي اهل للمجال اللي تبغاه ولا لا !
راح تكون المواد عن اشياء تحبها ،، فبإذن الله راح تنجز
يعني خليها تشد حيلها بالخطه الجايه وتعوض نزف الدرجات بخطه أ
ابدا لا تفكر حاليا بإنسحاب لازم تعطي فرصه لنفسها ،، لو شافت درجاتها
بخطه ب مو تمام خليها تسحب بذاك الوقت ،،
بس لا تضيع الفرصه ترا مو سهل تعيد سنه
ولا تحط ببالها ان الخطه صعبه
خلي اهدافها واضحه وتتعلم درس من اللي حصل في خطه أ ،،
مع الاصرار والعزيمه المستحيل بيكون واقع بإذن الله ،،

[عزجهينة]

اختي اذا تبي نصيحتي خلها تستخير وتشوف وش ترتاح له وتسويه وبالتوفيق ...

[Astronomer]

ام دالين ماازيد على كلام الاعضاء ( استخيري ) واسألي اهل الثقة


بس شطحة

انتي كاتبة الموضوع ( هل تنصوحني بالانسحاب .....) < بضمير المتكلم

ونـــــــص الموضوع كاتبته بضمير الغائب

هههههههههههه ايش السالفه عادي ماحد درى عنك مين انتي ياام دالين

[سملّق :)]

^

وشسمه لازم من اللقافة بس أعتقد هي حركة ( اغراااااء ) يعني مسويه تشوقنا للموضوع !!؟

فهمتي :/


< لحد الحيين متأثر بالعنوان وقاعد ابكي هههههههه

[ام دالين]

اولا مشكورين لكل اللي ردوا اما عنوان الموضوع عدله المشرف مو انا بس احس انها خلاص ماراح تنجز عالترم الثاني يعني لاجابت 3 اللحين تقدر ترفعها ل4 ولالا

[جابر خواطر]

بسم الله الرحمن الرحيم
السلام عليكم ورحمة الله وبركاته

اسأل الله اني راح افيدك ..
قبل كل شئ الاستخارة اذا عزمت على امر ما.
اولا: بخصوص السؤال عن الانسحاب او لا. انا من وجهت نظري ان الانسحاب ما هو حل يغير من مشكلة انخفاض المعدل او لا, وانما الحل اين المشكلة؟,ايضا لا بد من ان تسأل نفسها هل فعلا كانت تذاكر ام لا,(وهذا اهم شي ممكن تبني عليه الانسحاب)
واذا الاخت الكريمة جوابها "لا" فممكن تعيد السنة الجاية وتشد حيلها اذا تبي تدخل التخصص الى تبيه .
واذا كانت"نعم"اي انها كانت تذاكر بجدية فأنصحها بأن تكمل الترم الثاني وتشد اكثر,ويكون انخفاض معدلها في هذا الترم سببه هو صدمة الدراسة الجامعية او( الحياة الجامعية) اللى تحتاج الى متابعة وتفرغ للدراسة ومراجعة الدروس اولا بأول.
ثانيا:بالنسبة للمشاركة الثانية بخصوص رفع المعدل من 3 الى 4 بنهاية السنة التحضيرية نعم بشرط اذا جابت في جميع المواد a+ تمام وهذا الشي جداااااااا سهل للى راح يذاكر بشكل دوري او يومي وكمان في نفس الوقت صعب جدااااااا للي يهمل وينظر للى ادنا منه ويقول (الحمد لله انا احسن من غيري ),نعم الواحد يقول الحمد لله عندما يكون من الاوائل كمان............... ليييييييييش لا ؟؟!!!؟!!؟؟..
طولت عليك لكن اسأل الله العلي القدير ان يوفق جميع الطلاب وخاصة طلاب السنة التحضيرية..تحياتي.