نداء للبنات اللي عندهم اختبار يوم السبت الانتساب طبعا

[تولاي الحربي]

هلا والله بالغوالي
لاحظت في الاونه الاخيره انا نحن بنات الانتساب لما ندخل الجامعة تنتابنا مشاعر الوحده
نمشي لوحدنا وناكل لوحدنا ونذاكر لوحدنا او تتعرفين على وحده عله ومصلحجيه تاخذ اللي تبغاه وماعد تشوفين وجهها طيب ليه
بعض الناس محظوظين تدخل هي وزميلاتها في الثانويه انتساب ومايشكل عندها فرق والله انا لما اشوف مجموعة بنات اقووول الله يديم جمعتهم واتحسر واتذكر
شلتي بالثانويه
ومن هذا المنطلق قررت انا محسوبتكم تولاي اننا نتجمع ونذاكر مع بعض ونفيد وندعم بعض بالمواد والكتب وكل شي
طبعا الاختبارات الساعه 4,30 تبدا
احنا نكون موجودين من الساعه2 عشان انتو عارفين زحمة الطريق والاشارات وبكذا قررت انو احرك من البيت الساعه 1 وبكذا ارتاح واريح راسي وجسمي قبل الاختبار
يلا يابنات نبي نشوف همتكم طبعا اللي تبي تدخل في القروب تقول عشان بعدين نبي نتفق على مكان نتقابل فيه
لا والف لا للمصلحه الخاصه

[تولاي الحربي]

وينكم
ليه مافي ولا رد

[miss.givenchy]

فكرتك حلوه ياعسل ..

بس لو كل حقين سمستر يجتمعون مع بعض احسن هذا اولا .. ثانيا : كل تخصص مع بعض بكذا يكون احسن واريح ..

انا عن نفسي مااروح الجامعه الا قبل الاختبار بنصف ساعه لاني متزوجه وعندي بنوتين صغار ربي يحفظهم لي ويجلسون مع ابوهم عند الباب لحد ماخلص لاني اجي من الشمال فصعب يروحوا البيت وبعدين يرجعون مره ثانيه ... وانا ماعرف في الجامعه ولا احد .. بس زي ماقلتلك وقتي مايساعد ابدا والله يعيننا ..

الله يوفقك ويوفقنا يااارب وان شاء الله تلاقي احلى صحبات وتنبسطي معاهم ..

[سديما 2013]

يا سلام تولاي فكرة حلوه عاد انا من يوم دخلت الجامعه ما لقييت صحبات وكلهم قروبات حلوو بس انا اولى ^^

[عنادفيك]

الفكرة حلوة وانا كمان وحـــدي بس انا اختباري يوم الاثنين ومستواي الخامس اذا انفع قوليلي هــــع

[تولاي الحربي]

شكرا لمروركم العاطر
الله يعينك يا mss وانا كمان عندي بنوتة ربي يحفظها ويحفظلك بناتك كمان بس خلاص انا من النوع اللى اذا رحت قبل الاختبار بنص ساعه اجلس طووول الطريق وانا قلقانه واقلق زوجي كمان لاكن خلاص لقيت الحل اني ارووح بدري و ارووق قبل الاختبار وامشي بالجامعة على هوووني
حبيبتي سديما عادي حيااك بس انتي مو خلصت اختبارتك بس السمستر الثاني لي لقاء معاك
عناد فيك انا عندي اختبار يوم الاثنين من الساعه 4,30 خلاص ابشري نتفق ونتقابل ايش رايك تعطيني الاوكي واقلك فين نتقابل
يلا وين الباقين

[عنادفيك]

خلاص اوكـــي قوليلي فين نتقابــل

[روح الهوى]

فكره حلوه وانا معاكم وين نتقابل

[منال عبد الغني]

ويوي ويوي ويوي الشغلة فيها بنات و مقابلات لالا خلاص جاية اتقهوا معاكم

يالله القهوة و كل متطلباتها و الحلا و كلوا عليا امزح عاد خخخخ يا حبي

للهرج و الثرثرة عن نفسي عادي مرة تلاقيني مع مجموعة بنات شوية

تلاقيني مع وحدة شوية مع مجموعة ثانية اوجب يعني و مرة تلاقيني ماشية

لوحدي احب التنويع و التغيير والفرفرة و اكره التقييد لدرجة انها صارت سمة

خاصة فيا احم احم

[تغاريد]

حلوة الفكرة وانا ان شاء الله ابدا يوم الاثنين الساعه 4 ونص

ماشاء الله والاغلبية ادارة عامه ..