نتائج الاختبارات

[سلفوري]

ياشباب احد عنده خبر عن النتائج متى بتطلع ياخوفي تكون زي نتائج السنة التحضيرية يطفشوك لين يطلعوهاوهل صحيح انه مايمديني اتخصص الا بعد ماكمل 40 ساعة

[واثقة الخطىء]

>>>مع انك قلت شباب بس بدخل عرض

النتائج كا المعتاد تنزل با القطارة
اما التخصص لا عاتي انا تخصصت قبل40

[شنبو]

اليوم سالت واحد متى الدرجات قال اسبوعين مدري عنده علم ولا من راسه

[ksd99]

ان شاء الله تنزل بدري مو زي كل ترم

[سلفوري]

انا اسف اخت واثقة الخطى بس انا متعود في الجامعة على كلمة ياشباب واشكرك على ردك

[لذة صعود المنحدر]

انا من طلبة الرياض سألت مدير اللجنه قال بعد اسبوعين

[سلفوري]

الاخ لذة صعود المنحدر قلك بتنزل دفعة وحدة ولا بنسنتر عند النت

[abdullah albahli]

احنا الترم الرابع ما نزلت لنا الا بعد شهربالقطارة خصوصا الاسلاميات


اما هالترم اتوقع انها راح تنزل خلال الاسبوعين القادمين والله اعلم

ابو معن

[من جد جدو من زرع حصد]

المشاركة الأصلية كتبت بواسطة شنبو اليوم سالت واحد متى الدرجات قال اسبوعين مدري عنده علم ولا من راسه

أقرب مخرج يمين يسلك لك علشان تمشي من عنده بس تعديل لكلامه بعد شهرين وخذ العلم من واحد ثقه ومتأكد من المعلومه ماهي من راسي يكفيك ان العام ما كان في دفعه معنا وتأخرنا شهر وتأخرت الثقافه علشان مشكله الورق والترم هذا مادتين ورق a4 يعني ردد ياليل مطولك فلها شهرين وارجع للنت وشف فضايح الدرجات

[لذة صعود المنحدر]

قالي بعد اسبوعين بس ماحدد

ان شاء الله تنزل جميع الدرجات كلها بوقت واحد عند درجات اعلى ومعدل مرتفع بما يتناسب الجهد و سهر الليالي مع النتائج تناسب طردي
ارسم منحنى الجهد والنتائج
وهل يعتبر التنبؤ بالنتائج من اساليب دلفي او ماكس ديلفي ؟