ابغى نصيحة ورأي جدي

Dr. Amira · #1 14-12-2011, 06:54 PM

السلام عليكم
انا عن نفسي متأزمة مررة
كنت حاطة في بالي طب
والين دحين
وصراحة ماابغى بعد التعب دا كلو ادخل مجال تاني
ماارضى بغير الطب
انا خطة ب
درجاتي الكيميا الاول 23 والتاني لسا ماادري بس اتوقع 23
الاحياء الاول 23 والتاني 23
الاحصاء الاول 27 والتاني 20
انجلش ليفل 3 جبت 90
واتوقع ليفل 4 كمان90
في امل ادخل طب ولا لا
ابغى رأي من جد احد عارف عشان لو لا بعيد التحضيري نقرتين لعرض الصورة في صفحة مستقلة

S.Bn · 14-12-2011, 07:24 PM

يشرفني اني اكون اول مين يرد عليك
جربي احسبي معدلك في الاودس
و شوفي المعدل الي يطلع لاني بصراحة ما اعرف معدلات الطب

BIgBOoOS · 14-12-2011, 08:47 PM

تقدري تدخلي طب
لان انتي مستواك ممتاز مع خطة ب الصعبة
ان شاء الله مع خطة أ ترفعي معدلك بقوة

بالتوفيق ان شاء الله

كنتاكي · 16-12-2011, 01:57 AM

درجاتك ماشاءالله كويسه ولسا في قدامك فرصة لسا الترم الثاني انا كانت درجاتي الاختبار الاول تفريبا زيك لكن مااستسلمت بالعكس زادني عزيمة واصرار وحمدلله كانت درجاتي كلها فوق 27 الاختبار الثاني وطلعت بمعدل حلو فنصيحة ياختي تشدي ع نفسك شويه ونشوفك في كليتنا السنه الجايه ان شالله

د. هدّولا · 16-12-2011, 09:50 AM

لااا تسحبي كملي ، الترم التاني راح تكون مواده خفيفة وتقدري تجيبي a بالراحة ...
خلصي السنة واذا ما انقبلتي طب لاقدر الله اسحبي وارجعي قدمي او حولي بجامعة ثانية ..
بس لاتحكمي على درجاتك دحين ولا تقارنيها بدرجات شعبتك ، لان انتي ماتعرفي مستوى البنات كيف وعلى كم راح يقفل الطب ..

على سنتنا العالم سوو اكشن وقالو ان الطب حيقفل على 95 من دفارة الدفعة والناس اتجننوا واتحطموا في الاخير قفل على 93 ونص نقرتين لعرض الصورة في صفحة مستقلة