البنوتات اللي اختبروا الحاسب العملي "ارجوا منكم الإفاده"

[اللهم صلي على المصطفى]

السلام عليكم ورحمه الله وبركاته
اختباري الحاسب العملي بكره بإذان الله وحابه اعرف كيف كان سهل ولا صعب؟؟

هوا اكيييد اسهل من النظري بكثير بس استفسر للطمانينة

وفي حاجه ماعرفتولها ياسمح الله !!
او نركز على شي معين تقولولنا عليه

وجزاكم الله خيرا

[Astronomer]

شكرا لانك فتحتي هذا الموضوع

ويارب يساعدونا

[hosoki]

لا مو سهل

[اللهم صلي على المصطفى]

المشاركة الأصلية كتبت بواسطة astronomer شكرا لانك فتحتي هذا الموضوع ويارب يساعدونا

لاشكر على واجب
واهم شي نستفيد

[اللهم صلي على المصطفى]

المشاركة الأصلية كتبت بواسطة hosoki لا مو سهل

هذا الجواب من الاخر ولا ايه
طيب حبيبي ايش تنصحينا نركز او ايش اللي الصعب اللي فيه
وشكرا

[M!SS Lara]

وسط ....
ماحتعرفله كاااامل إلا للي درست مررره كويس العملي..

كثير بنات حوسو في انو جالهم يعملو تقرير لإستعلام ..

بس عموما هو وسط بس انصحكم لاتستهينو فيه لانها ماده لاتقارن بالفزيكس والماث وفالنضمن درجاتنا فيها

والي تبي تجيب فيه الفل مارك تدرسه مزبوووووووووووط :)
الله يوفقكم يارب

[M!SS Lara]

انصحكم تركزو ع انكم كيف تعرضو الصف او تطولو العامود (للاكسل)

وركزو كيف تعملو الاستعلام ..

لانو حيجي يطلب منكم تعملو تقرير لإستعلام بس بطريقه ماهي مباشره


مثلا مثلا..
انا طلب مني اعمل جدول عن اسامي موظفين وكل واحد ايش شغلته ففي المهندس وفي المدير وزي كذه..

فجاني سؤال قالي : اعملي تقرير لأسماء المهندسين وسكت ..

فاالحل انو اول شئ اعمل استعلام للموظفين (المهندسين)
وبعديين اعمل تقرير عنه

[اللهم صلي على المصطفى]

المشاركة الأصلية كتبت بواسطة m!ss lara انصحكم تركزو ع انكم كيف تعرضو الصف او تطولو العامود (للاكسل) وركزو كيف تعملو الاستعلام .. لانو حيجي يطلب منكم تعملو تقرير لإستعلام بس بطريقه ماهي مباشره مثلا مثلا.. انا طلب مني اعمل جدول عن اسامي موظفين وكل واحد ايش شغلته ففي المهندس وفي المدير وزي كذه.. فجاني سؤال قالي : اعملي تقرير لأسماء المهندسين وسكت .. فاالحل انو اول شئ اعمل استعلام للموظفين (المهندسين) وبعديين اعمل تقرير عنه

الله يسعدك قلبك يآآآعسسل ويوفقك ربي
وبخصوص نعرض الصف ونطول العمود مو من تنسيق وارتفاع الصف وعرض العمود
وحق تقارير مو نسوي استعلام ونحط الحلقين الاسم والعمل وبعدين نكتب في المعايير مهندس ؟؟؟ ونحفظه وبعديييين تقرير ؟؟

[املي بك يالله]

بالعكس الاختبار كان مررررررة سهل
الاسئله واضحه

اهم شيء تكوني مذاكرة وتعرفي من فين تسوي

وبالنسبه لعرض العمود وكذا هذا من تنسيق

وذاكري تماام
وحتجيبي الفل مارك ان شاء الله

[M!SS Lara]

المشاركة الأصلية كتبت بواسطة اللهم صلي على المصطفى الله يسعدك قلبك يآآآعسسل ويوفقك ربي وبخصوص نعرض الصف ونطول العمود مو من تنسيق وارتفاع الصف وعرض العمود وحق تقارير مو نسوي استعلام ونحط الحلقين الاسم والعمل وبعدين نكتب في المعايير مهندس ؟؟؟ ونحفظه وبعديييين تقرير ؟؟

أيوا :
العفـــو :)