فوائد رهيبة للمسحة الطبية...

little Angel · #1 04-12-2011, 10:38 AM

بسم الله الرحمن الرحيم
السلام عليكم ورحمة الله وبركاته ..

طبعا انا من خلال تصفحي للنت وشفت موضوع عن المسحه الطبيه وانصدمت من فوايدها ..

طبعا اهي عندنا بالبيت بالدرج ولا ادري عنها ولا استعملها ..

بس يوم قريت عنه قلت خلني اجرب واشوف اذا هو صدق ينفع ولا لاء ..

انا كنت اعاني من حبوب على كتفي .. حبوب والله مزمنه حدها .. ويطلع منها دم ساعات..
كل اللي يشوفني يقولي من جرحك يعني والله العظيم كان شكله دمار .. كنت احط كريمات ومقشر على كتفي بس مافاد معاه ..

اللي صار ذاك اليوم شفت المسحه الطبيه بالدرج ولإ اخذ لي حبه وافتحها وقعدت امسح فيها منطقة الكتف المتضرره بالحبوب..

والله اني شفت الفرق ثالث يوم بالضبط .. يوم شفت ان الحبوب خفت وصارت جافه وبتتقشر قلت خلني استمر . وفعلا استمريت حوالي اسبوعين والله انه فرق السما والارض .. هالحبوب فيني صارلها سنتين ويمكن اكثر ماراحت الا بهالمسحه ..بصراحه صرت مااستغنى عنها والحين خلصت اللي عندي وبروح اشريها مره ثانيه ..

اللي مثل حالتي خلها تجرب المسحه الطبيه وان شاء الله يفيدها مثل مافادني

،،،،

وهذي بعض من فوائد المسحه الطبيه :

1- تستخدم كحل سريع لإزالة البقع على الملابس وقت حدوثها

2- تلميع وتنظيف الكثير من الأدوات

3- تستخدم لإزالة بقايا تيب الجروح إذا بقى على الجلد مدة طويلة

وأيضا اللصقات التي تستعمل للعمليات ويبقى الأثر

4- إذا وجد أي لون على الجدار يمسح بالمسحة الطبية

5- إذا الفيديو يكون مشوش عليك بمسح راس الفيديو بالمسحة الطبية

6- إذا الطابعة معلقه معك وماهي راضيه تطبع عليك بمسح المحور
الذي يتحرك عليه رأس الحبر << كوكتيل مره فصحى ومره عامي

7- تنظيف الكيبورد أيضَا

8- إذا فيه حبة طالعة بوجهك عليك تعقيمها بالمسحة

9- عند صبغ الشعر وأثار الصبغ اللي على الجبين عليك بمسحه بالمسحة

10- تستخدم بعد العملية القيصرية كمطهر ومعقم للمكان..

11- تستخدم لتعقيم سر الطفل

12- تنظيف الفواحه.

13- إزالة المناكير ..

14- تنظف الوجه و تزيل المكياج و المتبقي من آثاره ..

15- إذا حس الإنسان بدوخه من منظر الدم أو أي شي يشمها ....

16- تستخدم في تلميع الأحذية والشنط الجلديه

17- تستخدم لتفتيح الركبة السمراء مع الحرص على ترطيبها

لان المسحه بتجففها

18- تستخدم لتنظيف جهاز التليفون مع السماعه

19- تعقيم الأظافر بعد تقليمهم وخاااصه لمرضى السكر

20- تنظف شاشة الكمبيوتر

21-لشد البشرة

22-لتضييق المسامات

23-لازالة اللزق اللي يبقى بعد شيل سعر المنتجات او اي ملصق بقى اثره

24-علاج سريع وفعال للدغة الحشرات مثل النمل والبعوض والنحل وغيرها يمسح مكان اللدغ ويخف الالم وبعد قليل يختفي الالم والاحمرار

25-تنظيف المجوهرات خاصه الذهب الابيض الي فيه زركون شي خيال .-

ملاحظه : اللمسحه الطبيه متوفره في الصيدليات بس قولوا لهم ابي المسحه الطبيه وبيعطيكم العلبه ..

ولا تكثرين من استخدامها .. يعني في اليوم استعمليها مره وحده او مرتين .. تجنباً للعوارض الجانبيه ..

منقووووول للفآئدهـ