جامعة الملك عبد العزيز و تخصص الطب

[روعة المزن]

هذه اول مشاركة لي بالمنتدى بس كنت طول العام متواجدة اقراء مواضيعكم وتعليقاتكم واشوف معانتكم
فحبيت الحين اشارك واقولكم تجربتي او قصتي وإن شاء الله بعدها اكون عضوة مميزة معكم بالمنتدى

طبعا البداية كانت لما انقبلت سنة تحضيرية بجامعة الملك عبد العزيز كنت مرة فرحانة ومتحمسة وماكنت اعرف ايش يعني تحضيري ولا حاجة بس المهم اني انقبلت جامعة .
بس ماما كانت مرة متخوفة من التحضيري عشان كانت تبغاني طب وكانت تقولي المواد صعبة وكله بالانجليزي وحاتقدري تجيبي معدل وهما طالبين 150 طالب وطالبة للطب وانت ايش بينهم ومن الكلام هادا .
المهم وصلتني رسالة من جامعة الملك عبد العزيز على الجوال اللي يبغى يقدم في جامعة الحدود الشمالية وهي جامعة تابعة لجامعة الملك عبد العزيز يعني اللي يتخرج منها كأنه اتخرج من جامعة الملك عبد العزيز وفي الرسالة موجود الويب سايت حق جامعة الحدود الشمالية
فأنا يومها كنت مرة طفشانة فقلت خلني ادخل كذا اشوف كيف شكل الجامعة وايش فيها لما دخلت لقيت من بين التخصصات انهم اول سنة يفتحوا طب فيها و 30 مقعد للطالبات و 30 مقعد للطلاب عشانها اول سنة وماكانوا طالبين درجات القدرات ولا التحصيلي يعني انك تدخل الطب بمعدل المدرسة فا أنا هنا طنشت وماخذت اعتبار للموضوع فكنت جالسة اتكلم مع ماما عادي واتكلم معها عن الطب وعن التخصصات فقتلها انه في جامعة كذا وكذا فماما مرة اتشجعت وقامت تترجاني انه اقدم على جامعة الحدود الشمالية وانا كنت رافضة الفكرة نهائيا كيف انه انا ادرس بالحدود الشمالية وهي تترجاني ولما عرفوا اخواني الكبار بالموضوع قعدوا يشجعوني ويقولون لي احسن لك وهناك على الاقل انك ضامنة الطب احسن من انك تدرسي سنة كاملة وماتعرفي مصيريك فين
فتوكلت على الله وقدمت على معدلي بالثانوية وطبعا قبلوني طب .
وانا الحين ادرس سنة اولى طب بجامعة الحدود الشمالية اللي هي تابعة لجامعة الملك عبد العزيز وعشان مافي سنة اولى طب دحين بجامعة الملك عبد العزيز فقالوا لازم ندرس زي موادكم سنة اولى اللي هي خطة أ عندكم والسمستر التاني مواد خطة ب بس الفرق انه هنا مايحتاج معدل بس اهم شي النجاح لان خلاص انا ضامنة حالي انه طب لما قدمت قدمت على طب فا أهم شي النجاح بس احنا ندرسهم كلغة وعشان مافي عندكم طب
الحمد الله لقيت المواد مرررة سهلة والدكاترة عندنا كلهم حلوين وطيبين ومتساهلين معنا بالاسئلة لدرجة انه كلنا بالاختبارات الدورية ناخذ الفل مارك و كان اختبار الفاينل تبعنا من شابتر 1 الى شابتر 4 فقط لكل المواد .
و جدول الاختبارات كان عندنا اسبوعين سبت واربعاء من كل اسبوع وخلصنا الاختبارات يوم الاربعاء من الاسبوع هاذا والحمد الله كانت الاختبارات مررررررة سهلة
وإن شاء الله الحين بعد ماكتبت قصتي اصير صاحبتكم عشان افيكم وتفيدوني
اختكم روعة المزن

[يلدرم]

على فكرة بالنسبة للفروع وهذا بيحصل دائما

بعد ماتبدأ الجامعة تكتمل تنفصل عن الجامعة الام ( جامعة الملك عبدالعزيز) وهذا اللي حصل في جامعة جيزان وجامعة طيبة فكانت تابعة لجامعتنا والان فصلت بعد مابنتها الجامعة بخبرتها

[kittkaat]

مرحبــــا فيكي ياعسل والله يوفقك ويووفقنا وترى خيره ربي اختارها لكي .. والله يوفقك استمررري واي خدمه انا حاااضره :)

[نونـــــا]

السلام عليكم هذي اول مشاركتي انا كمان حبيت اسال الاخت روعه دي الفرع من الجامعه في تسجيل السمستر التاني ارجو الرد سريعا.

[~Sm!le ^_^ Face~]

ابغى اجي عنك طيب كيف؟؟ وانا قد سجلت سنه تحضيريه اقر اجي ولا لا
الله يوفقك ويوفق الجميع يااااااااااااااااااارب

[طيوف المملكة]

ما شاء الله

الله يبارك لك والله ارتحتي من الهم اللي احنا فيه وفوق هذا ضمنتي مستقبلك


حبيبتي حاولي تسألين الادارة عندك يمدينا نسجل عندكم السنة الجاية كمستجدات؟؟ أو بعد التحضيري؟؟؟

[m!ss bonbon]

ماشاء الله الله يهنيكي

سبحان الله كل واحد رح ياخد نصيبو واللي مكتوب ومقدر

الله يوفقك ويوفقنا حبيبتي

[سحـــر]

كل واااااااااااحد ونصيبه...
يعني مع كل الجامعات والمجالات الا انفتحت ليييييييي...
ربي قدر انـــــــي اكون في هالجامعــــــــة...
اني مرتاحة فيهـــــا لو بس كانت المواد اقل دسامة...
وضامنيييييييين تخصصنا كانت نمت قريرت العين...
يارب....اشوفوا لييييييييييينا حل...
ساعات احلم اقول لو يرجعوا ياخذوا على نسبة الثانوووية...مو انة شيء مستحيل...

[روعة المزن]

المشاركة الأصلية كتبت بواسطة kittkaat مرحبــــا فيكي ياعسل والله يوفقك ويووفقنا وترى خيره ربي اختارها لكي .. والله يوفقك استمررري واي خدمه انا حاااضره :)

kittkaat شكرا حبيبتي والله يوفق الجميع

[روعة المزن]

المشاركة الأصلية كتبت بواسطة نونـــــا السلام عليكم هذي اول مشاركتي انا كمان حبيت اسال الاخت روعه دي الفرع من الجامعه في تسجيل السمستر التاني ارجو الرد سريعا.

والله ماعندي فكرة بس بحاول أسألك وانت تقدري تسألي من الجامعة عندكم لان جامعة الحدود الشمالة تابعة لجامعة الملك عبد العزيز
الله يوفقك حبيبتي