يابنات وياشباب

[asma5217]

سلام اسمعوا ياحلوين مو يقولو بوكرا اجتماع مادة الاحياء فنبغى نكتب اقتراحات في ورقة ونعطيه يادكتور او دكتورة هذا فرصتنا ممكن يتغير شيء مو نجلس نتكلم ع الفاضي ياليت نساعد بعض ونكتب الى مايسمعون ونوصلها للعميد

[asma5217]

هدي اقتراحات الي سمعته
1-ينحذف الشابتر 7و16 هو ينحذف حتخف الشباتر
2- وضع نماذج اسئلة زي الامتحان الاول مررا استفدنا منهااا يعني نقول نقدر نضمن 10 اسئلة ونكلمهم يزودوو عدد الاسئلة وتزيد تصير 15 سوال تجي منها .
3- زي ماقال احد الشباب ...انو يحطوو 300 او400 سؤال ونذاكرهم بدل السلايدات ونحن راضين بالاكثر
4-يعطون واجبات لرفع الدرجات
5- يحددو الترينق كم عدد الاسئلة وياليت الدكتور نزار ينزلها ع ملف (في بنات بيقولوا انهم كلموه وقال نزلت ع ملف بس بحثث ومالقيت شيء ادا احد يعرف ياليت يفيدنا )

[Gــريب الأMــــل]

وكمان نبي اللي جاء في الدوري الاول مايجي في النهائي

[the change]

أيوااا كلامكم سليم

وخصوصا شابتر 16 طويل ودسم بشكل مو طبيعي




(غدا وضرووري لمصلحتنا ياجماعة )


- إحنا من الشرفية حنكتب رسالة طلب للدكتور نزار باسمائنا والتوقيع

- وكمان طالبات السليمانية يكتبوا رسالة من عندهم باسمائهم والتوقيع

- والطلاب كمان يتفقوا ويكتبوا رسالة , باسمائهم كلهم والتوقيع

ونوصلها للدكتور نزار والعميد

لانو على حسب كلام وحدة من الطالبات هنا انو يقلها انو المسؤول عن هذه القرارات هو المدير

فإحنا مارح نكلم المدير , حنكلم عميد كلية العلوم وهوا المسؤول والمشرف اكيد


(( أهم شيء مضمون الرسالة واحد : الشابتر الـ16 طويل و نتمنى حذفه ))

ولو تبغوا الشابتر السابع كمان مافي مانع و زيادة الخير خيرين , لكن مادري حيوافقوا انو يحذفوا شابترين ؟



بس سؤال : نروح للدكتور والعميد ونديهم الرسالة باسمائنا ولا كيف نوصلها ؟

.........................


المهم رجااااء تحركوا ولاحد يعتمد على الثاني

شخصيا بكرا بنفسي حاخذ ورقة وقلم واشوف مين اللي مؤيدين لكلامي ويكتبوا اسمائهم ويوقعوا << أساسا كلهم موافقين مايحتاج

وكل واحد فيكم الان يحط في باله بكرا ياخذ ورقة ويكتب رسالة ويمررها على الطلاب يكتبوا أسمائهم والتوقيع

أكرر : لاتعتمدوا على بعض كل واحد بكرا بنفسه ياخذ الورقة ويمررها ويتأكد منها بنفسه , ونشوف بعدين كيف نوصلها لهم كلنا مرة وحدة طلاب وطالبات


الله يوفقنا إن شاء الله , ثقتي فيكم كبيرة لا حد ينسى ولا يسحب ويقول غيري بيسوي انتبهوووا

[نونا كراميلا]

The change

صح كلامك والله معاكي حق شابتر 16 جداااااااااا جدااااااا دسم ويلخبط وصعععب
الصراحه لاازم يحذفووه..وبالفعل كتبنا ورقه بأسمائنا ووقعنا هذي احسن طريقه..

الدكتوره منى قالتلنا انو اللي اختبرنا فيه خلاص ما نختبروو فالنهائي ..فالحمدلله هانت..

[the change]

بالفعل



إحنا كتبا ووقعنا , ولسا بنكمل بقية الشعب إن شاء الله بكرا لاااازم

لكن نستنى بقية الطلاب و الطالبات في السليمانية <<< مطولين ياحبايبي ولا ايش عندكم ؟؟!!





وترا ياطلاب العلم : مابقي شيء هاه

الاسبوع الجاي أخر اسبوع وبعدو الاختبارات