كل مايخص التسويق والنظم (الدوري الأول)

[غروووومة]

السلام عليكم ورحمة الله وبركاته

يسعد صباحكم جميعا

كيفكم مع حوسة التسويق والنظم......؟

الله يعديهم على خير

المهم ماعلينا

أنا فتحت هدا الموضوع عشان هذا الشيء اللي هوا إختبار الميد تيرم
واللي نحنا حايسين من فين نذاكر هذي المادتين
والأدهى والأمر إنه مافي وقت يعني السبت تسوويق والإثنين النظم
فعشان كدا لازم نساعد بعض...

يعني ماينفع إنه كل وحده منا جالسه مع نفسها وبس

المهم أنا لخصت الفصل الأول في النظم ونزلته من أول
ودحين جالسه ألخص الفصل الأول في التسويق

اللي أتمناه منكم إنه كل بنت تمسك فصل وتلخصه يعني شيء من الكتاب وشيء من السلايدات
وكمان إذا في شيء مهم قالت عنه الدكتورة وهو مو موجود في السلايدات

أتمنى إنكم تتفاعلوا معايا

طبعا كلكم شايفين دكتوراتنا الحلوات مو راضين ينطقوا بشيء

ع العموم أنا بأنزل التست بانك للمادتين وملخص النظم اللي أول سويته
وكمان الهوم وورك اللي أعطونا هوا تبع النظم اللي حليناه في الموقع
طبعا كلها جمعتها من المواضيع تبع المنتدى << يعطيهم ألف عافيه
وإن شاء الله أول ما أخلص ملخص التسويق بأنزله هوون

بس مثل ما قلتلكم لازم نتعاون


بالتوفيق للكل

[غروووومة]

وهدي بقية الأشياء الموجودة عندي

بس بقي ملخص التسويق

إدا خلصته بأنزله هووون

بس لازم كمان إنتوا تساعدوني

مووووفقين

[Joda Majed]

يعطيك العافيه ياعسل ،

وان شاءلله بحاول الخص النظم او التسويق لمن امسكه ،

بس تلخيصي انا يعني تلخيييييييييص ، ممكن اجمعلكم الشابتر كله بورقه وحده وجه وقفا هههه يعني لاحد ينفجع >_<

[غروووومة]

فديتك جووودا

تسلمي حبيبتي

بس أهم شيء يكون التلخيص اللي حتسويه شامل للشابتر
يعني نقدر نذاكر منه .....

موووفقه ياعسل

[battota]

^^^

يسلموووووووو

[غروووومة]

بطوطة يادوووووبه

حتى إنتي حتمسكي شابتر من أي مادة منهم وحتلخصيه

بنات بليزز لازم نوقف مع بعض
اللي ماتقدر تلخص تمسك التست بانك وترتبه أقل شيء تحذف الأشياء اللي مالها داعي

عارفه إني قروووشه.... بس كلنا في الأخير حنستفيد

ضروووووري نتعاون

موووووووووووووفقين

[نوفا ابراهيم]

الله يوفقك يا غرومة ويفتحها لكي من اوسع ابوابه ماقصرتي

وياارب كلنا الفل مااااركـ

[نوفا ابراهيم]

بس ع فكرة غرومة بالنسبة لتست بانك النظم (1) لمن اضغط عليه يحولني لصفحة تسجيل الدخول

اتمنى ترفعيلنا الملف تاني :) ثانكس

[nsetk]

ياعمري ياغرووومه ربي يسعدك ويسهلها عليكي وعلينا << حايسه حوسه في التسويق

[lojy]

شكرا