مدرس محاسبه ماليه شرق الرياض مستوى ثالث

[نسناس الشرق]

السلام عليكم انا طالب مستوى ثالث بشرق الرياض لمن يرغب ان يدخل معاي او نشكل قروبات لمدرسين خصوصيين لماده المحاسبه, والقصد من هذه الرساله لتعم الفائده وتقل التكلفه وخصوصا ان المدرسين يبالغون في دروس التقويه يرجى لمن يريد المشاركه يراسلني على الخاص,علما بانه يوجد لدي ارقام مدرسين اكفاء مشهود لهم من زملاء لي سابقين بالجامعه وشكرآ000

[أميرة الورد2010]

فكره حلوة بالتوفيق لكم ان شاء الله

[وافي الوقت]

طرح جميل يا اخوي نسناس

بس ممكن سوال هل المدرس له المام في الماده ومتمكن فيها ؟
لاني حصلت كثير وكل واحد يقول اعرف وما يهمك

بالتوفيق

[نسناس الشرق]

شكرآ وافي واميره,بالنسبه لسؤالك اخوي وافي معاك حق وانا معك في هاالنقطه بس المدرس الي حكيت عنه انا واحد من الي بيدرسون عنده وبأبدا يوم السبت إن شاء الله اذا بتدخل معي حياك الله والمدرس مشهود له من طلاب سابقين وملم بالماده وعنده خبره ولاازكيه على الله لكن انا قابلته وحكيت معه وعندي خلفيه عن اسلوبه بالشرح وطريقة تعامله وتوصيل المعلومه ببساطه مع اعطاء امثله تحل بالبيت لترسخ المعلومه.بأختصار يقول المثل (اسأل مجرب ولاتسأل طبيب)

[عبآدي العتيبي]

نسناس ابرسلك رساله بس ماسمح لي النظام
انتم كم الي بتدرسون وبتدرسون المنهج كامل او نظام حصص ومتى بتكون مواعيد المدرس وليت ترسلي رقمك علشان نتفاهم

[نسناس الشرق]

نفس المشكله ياعبادي مااقدر ارسلك لان لازم مشاركه بالمنتدى اكثر من 100 مشاركه, بالنسبه لسؤالك هذي فكره طارحها مابعد شفت ردود ولا تفاعل اما عن نفسي ببدأ يوم السبت القادم لضيق الوقت وقرب الاختبارات, واذا بتشاركني حياك الله شف لك طريقه نتواصل فيها وبالتوفيق للجميع...

[وافي الوقت]

نسناس
مشكور طيب اناحصلت دوره تبي تبدا يوم السبت في معهد الزرقاء الى في طريق المكلك عبدالله والى سوف يقوم بالماده دكتوراسمه طارق الحصرى وقالو لى سعرها 700 ريال

وش رايك ندخل معه ومعنا عبادي ومعي زميل لى يعني بنكون اربعه طلاب

برسل لك رساله على الخاص وعلى فكره عندي ملخصات لجميع المواد المستوى الثالث

[نسناس الشرق]

شكرآ على اهتمامك اخوي وافي وبارك الله فيك على حرصك وحب الخير للغير, ونصيحه مني لك بمدرس بدأت معه اليوم ممتاز جدآ ولا اريد اكثر المدح فيه بس عندي افضل من الفصول التي تكون مليئه بالطلاب ويكون وصول المعلومه ضعيف او بدون فهم لان الماده معقده شوي وهم هدفهم الاول مادي وتجميع فلوس لذالك الرجاء ارسال رقمك على الخاص لأتواصل معك واكمل لك باقي التفاصيل.وشكرآ...(بإنتظار رسالتك)

[موجي العرب]

ممكن لو سمحت رقم الاستاذ او رقمك انت اذا مافاتنا شي من الدرس ووننظم لك