عيدكم مبارك " أقتراح لأهل الرياض وخاصة اللي عندهم بحوث وعمليات pad 351"

[مستشفى]

السلام عليكم ورحمة الله وبركاته
كل عام وأنتم بخير جميعا
المهم مالكم بطويله
كلمت أليوم أستاذنا المعروف " أحمد الغزالي " و أخبارك ياطويل العمر, بخير يافهد , وينك الحين , بمصر , قلت متى أن شاء الله تجي الرياض , قال ماعنديش أي أحد بالرياض راح أرجع لجدة نهاية الشهر هذا
المهم قلت له : ياخي ليش ماتجي للرياض خصوصي عدد الطلاب اللي يطلبونك كثير خاصة في مادة بحوث وعمليات " pad & bus "
قال ودي يافهد بس كيف أضمن عدد يكون كافي لي عشان أجلس حتى ولو أسبوع
قلت هذي بسيطة
أكتب لك في المنتدى و اللي حاب يتواصل معك من الشباب ينزل موضوع مستقل و يجمع أكبر عدد من الطلاب
قال أن شاء الله و سلمي على أخونا " فهد العنزان " قلت أبشر هذا شيخ المنتدى ولزوم نواصله له السلام
فا أيش رأيكم ياشباب اللي عنده هذه المادة يتواصل مع الأستاذ الغزالي قبل وصوله للجدة ويكون عامل قروب
تراه ياشباب أقتراح بسيط " وليس دعاية للغزالي لانه معروف من قبل كثير من الشباب خصوصي الملخص اللي عمله أخونا حسان الطيار كان بالتعاون مع الأستاذ الغزالي والمادة مخلصها من السنة اللي راحت "
هذا رقم الغزالي أتواصلوا معه للي حاب يعمل قروب يخليه يجي للرياض
0507654467
وبكذا تستفيدوا من وجوده قبل الاختبارت بفترة كافية أفضل من أنك تأجله الى حين الوصول الى جدة بفترة قصيرة و تبلش بزحمة اللي عنده
أخوكم

[فهد العنزان]

بارك الله فيك أخوي فهد وفي استاذنا الكبير أحمد الغزالي صاحب العلم والآخلاق لو عندي المادة هذا الترم بأذن الله أنسق معه الموضوع :)هههههههههه
وقتها إذا لنا عمر بأذن الله نتواصل مع الاستاذ أحمد بخصوص الموضوع :)
وكل عام وانت بخير

[ماجد عبد العزيز]

سلام عليكم

اانا بصراحه خايف انزل ها الماده لاني حاسس انها بتاخذ معي وقت في الروحه للمدرس يعني اقل شي اسبوعين وغير كذا من كلام الشباب انها صعبه عشان كذا محتار مدري وش اسوي ؟؟

[ممدوح حائل]

اولا كل عام وانت والاسرة الكريمة بخير وصحة وسلامة ،،،

وتشكر أخي فهد على البادرة الغير مستغربة ،، ودائما ما شاء الله اقتراحات في الصميم ،،،

وفكرة جداً طيبة وممتازه أن الغزالي يقتنع ويجلس في الرياض لمدة ( 10 ) ايام مثلاً وبعد كذا
يسحب إلى جده ،،، .

تشكر أخوي فهد مع العلم انك مخلص المادة لكن ماشاء الله حب الخير للغير غير مستغرب
من شخص مثلكم ،،، ولا هي أبداً غريبة ،،، .

دمت بود ، وتوفيق ،،،، .

[atlas]

كل عام والجميع بخير وعيدكم مبارك

اقتراح جدا رائع من شخص اروع / شكــــــــــــرا فهـــــــــــد

سجل عندك واحد نفر وبمشيئة الله راح اكلم الدكتور هاليومين

[أبو دانا]

السؤال بكم الدروس عنده؟

لان بصراحه لو غالي,, معهد افضل

صار الواحد الحين يشيل هم رسوم وهم سفر وهم خصوصي

[ليل الرياض]

سجل معاك احنا ثلاثة طلاب قاعدين نبحث عن مدرس نبدأ معه بعد العيد
وان شاء الله راح ارسل للدكتور الغزالي

[D. ADEL]

السلام عليكم ،،،

عوافي يا مستشفى دايم سباق ،،،

انا منزل الماده وأضيفوني معكم ،،،

[فتى النماص]

انا منزل الماده وان شالله يوافق يجي للرياااض لان الماده صعبه على كلام الشباب

[مشوار طويل]

وسجل عندك انا ..اثنين طلاب ....

بعد اذن الاداره...
نبي طالب عن طريق الخاص نرسل له ارقامنا ويشوف عدد الطلاب وينسق مع الغزالي يجي للرياض .. ويتفق معاه على السعر وعلى موقع التدريس..وعلى عدد الحصص..اقل شي لمدة عشر ايام.... بالنسبه لمكان التدريس .. اقرب مدرسه اهليه يأجرون علينا فصل وبسعر حلو..

بالتوفيق....