خبرتي في ثلاث مواد حره

[ام سجو]

الماده الاولى هي علم نفس النمو241psy
الكتاب يحتوي عل تشابترات كثيييييييييييره بس تقريبا اللي كان معانا من اول تشابتر الى الثالث او الرابع فقط وزياده اللي محدد منها الماده سهله تتكلم عن مراحل النمو وتركز على المراحل الاولى
عيبها الوحيد كثرة العلماء والحل حفض كل عالم ونظريته مع انهم مو هداك الكثر بس لان دايما المادهالحره حقها مهضوم مع الانجليزي....رأيي الشخصي ..انتباه رايي فقط اللي ينبني على ثقافتي وقدراتي..اشوف الماده حلوه لكن وقت الاختبار بالرغم من سهولته تجيكم قائمة العلماء ودش النظريات وتبدأ بجد خرجت لقيت الاستاده تنتظر الطالبات انا خرجت زعلانه والباقي مبسوطين(مواقول الناس تختلف قدراتها)لكن الحمد لله نجحت بالسبعين.

السيره النبويه والخلفاء الراشدون212 hist
الماده هدي لها كتابين الرحيق المختوم وسيرة الخلفاء الراشدون لكن بصراحه حلووووه كل اللي فيها نعرفه من اول مافي شيء جديد عن الصحابه طبعا ابرز الصفات والاعمال والفتنه اللي حصلت بين عثمان والخوارج ولو ان المنهج بصراحه طوييييييييييل كتابين لكن كلها مرت علينا وماهي كلها الكتابين معانا الماده تحتاج قراءه بفهم مرتين ثلاث الاختبار كان صح وخطأ واختيارات رايي الماده حلووووووووووه ومريحه ماتجيب التوتر والقلق ممتعه بعد مااختبرت اقرأ الكتاب من حبي له.

تاريخ العلوم العربيه والاسلاميه رقمها334 hist
الماده هدي حلوه ...شرح الاستاده كان يعتمد على سلايدات وكنا نأشر من الكتاب الموجود في السلايدات مره الماده تزيد من الثقافه حول تاريخ المسلمين وحضارتهم ومافيها تعقيدات كل بلد اسلامي واحداثه الحضاريه اللي جرت فيه طبعا ماهي بالتفصيل لكن بصفه عامه والعلماء ومؤلفاتهم من ألف كتاب الموطأ وكتاب تفسير الجلالين ..الماده مااقدر اقيمها لان الاستاده حدفت كثييييييير من العلماء والكتب بس وقت الاختبار كان ابداع العالم الفلاني وكتابه بس مطلوب نوصل بالرغم اني مااعطيت الكتاب حقه من المداكره بس والله جبتa+والفضل لله وحده ..وصحبتي نفس الشيء في التسعين درجتها.

[شودي]

الله يعطيك العافيه كنت محتاجه لموضوع زي كذه لان باقي لي ماده حره واحده
اخذت علم نفس النمو وكان لابأس واخذت سيره نبويه كانت جدا راائعة الماده


الان انا محتاره بين نصوص تاريخيه باللغة الانجليزية وبين تاريخ العلوم العربيه والاسلاميه
بس لما قريت كلامك حمستيني اخذ تاريخ العلوم العربيه بس اذا ممكن تقولين لي مع مين كانت يعني اسم الاستاذه الي ادتك هذي الماده

وشاكره لك مره ثانيه

[ام سجو]

الاستاده جت من كلية التربيه ومااااااعرف اسمها وماادري راح تجي او لاء ادا لقيت اسمها ان شاء الله اقولك على طول

[لصممتي حكممه]

مشكوره على طرح تجربتك اللي راح تساعد كثير محتارين مع المواد الحره انا الترم هذا اول مره اخذ ماده حره واخذت علم نفس النمو احس اني متخوفه شويه منها بس ربك يسهل بالنسبه للكتاب انا ماشريته شريت ملخص لاني عارفه وقتي ماراح يساعدني اني اذاكر من كتاب ولاني ضاغطه نفسي هذا الترم مشكوره مره ثانيه وبالتوفيق للجميع ...

[مروره]

جزاك الله خير

[my-nana]

انا كانت تجربتي مع علم نفس النمو مع الأستاذه ريم الحربي
الماده رائعه جدا جدا بس مسألة العلماء تلخبطت فيها رغم اني ذاكرتها بس تعرفون العقل وقت الإختبارات يفلسع احيانا >>ياكثر مايفلسع معي ههههه
المهم بنات خديجه باوزير اعتقد كذا اسمها مامدحوا الإختبار معها كان اصعب مننا بشوي مو مره يعني
احنا كان خيارات بس على ماأفتكر و50 سؤال بس
بينما بنات خديجه كان منوع و100 سؤال وطلعوا دايخين من الإختبار

[my-nana]

لصمتي حكمه بديك اللي كانت تشرح منو الأستاذه طبعا مافي غنى عن الكتاب بس مشي حالك هلا فيه بتلاقيه بقسم علم النفس موضوع خاص بالماده وبكل اللي صار فيها ماقدرت انزل الملفات مرفقات
وكمان ملخص للعلماء واعمالهم وكل اسألة العلماء ماطلعت منو
صاحبة الموضوع سوري على إضافاتي بس غرضي نفس غرضك وحبيت تكون المشاركه معك بدل مانشتت البنات
سامحيني على التطفل :)

[nour al3mr]

الله يعطيك العافية ويبارك بعملك وعلمك

معلومـــــآت مهمة تفيد الطلبة

سَـ يضاف الموضوع للفهـــــــــــرس المثبت بإذن لله =)

فالك أعالي الدرجات