انتساب خطه أ (محتاجه مساعدتكم ضرووووري)

[loli2]

السلام عليكم ورحمه الله وبركاته ،،،

بنات انا انتساب سنه تحضيريه خطه أ ، اشتريت الكتب بس مررره حايسه مو عارفه من فين ابدا اذاكر ، بليز ساعدوني ، حابه اعرف اذا في ملخصات او اي شي بالذات لماده الثقافه الاسلاميه والعربي ، في اشياء محذوفه ولا لا؟ ولا احفظ الكتاب كلو :(
مو عارفه من فين ابدأ ابدااااا

[Blair]

يالله انا زيك

بس شوفي انا حقولك على طريقتي ان شاءالله تفيدك

انتي تقدري تشوفي محاضرات السنه الي فاتت للفهم بس مثلا انا ابغا ابدأ بالعربي والثقافه حملت محاضرات السنه الي فاتت للفهم بس لكن ما اعتمد عليها يعني حرجع للمحاضرات الجديده عشان اشوف اش المحذوف و اش الموجود فهمتي؟ واخر الاسبوع مثلا يوم الجمعه او الربوع على كيفك اختاري يوم تشوفي الدروس الي اخدتيها زي كدا وبعد العربي والثقافه اروح للمواد الاصعب منها شووي زي الحاسب والانجليزي واسوي نفس الطريقه واخر شي الرياضيات << انا المواد الماشيه عليها قبل ماتبداأ السنترا حقتنا حشوف من حقت السنه الي فاتت للفهم فقط الين يجي وقت السنترا عاد خلاص اشوف الجديده والي قد شفتها امر عليها بس واشوف اش المحذوف واش الموجود

يارب تكوني فهمتي من كلامي اذا مافهمتي شي انا موجوده

بس قوليلي مناسبه لك ولا لا؟

بس طبعا زي مايقولو تبدأي بالمواد الاسهل او الاحلللللى =)

[حنين الزمن]

انا والله زيك حايسه ومااعرف شو اعمل

[loli2]

تسلميلي blair على الرد ، انا نفس الشي فكرت ابدا بالعربي والثقافه الاسلاميه ، بس من فين احمل محاضرات السنه اللي راحت؟؟ ، ترى انا مررررررره ميح ، مو فاهمه شي ولا قريب مني احد في الجامعه عشان استفسر منو :(

[استوبري]

بسم الله
يا اختي انا زيك خطة أ الستوى 1 اسمع المحاضرات الانتساب في موقع الجامعة بس مابعرف هي صحيحة ولا لازم اسمع حق الاستاذة حقي بس هذي المحاضرات ترى تنورك شوي
ياجماعة انا سويت خطوات السنترا كلها بس كيف اعرف انها شغالة لاني كلما فتحتها قال اسم
المستخدم وكلمة المرور خطا ؟ قالولي ان السنترا ماينفتح الا قبل المحاضرة بربع ساعة طيب كيف اعرف انها شغالة علشان ما اضيع وقتها
رجاء رجاء ساعدوني

[فوفوfofo]

وانا بعد زيكم حايسه ولا كمان ما اشتريت الكتب لسى

blair كيف تحضري محاضرات السنه اللي فاتت ليه الكتب ماتغيرت

[حلا*و*غلا]

هلا صبايا
مذاكرة المواد الصعبة اولا الرياضيات
كل وحدة على حسب كيف مذاكرتها
احسن شي انكم تحضرون محاضرات السنترا
يكون في حذف

[حلا*و*غلا]

هذا الرابط اسئلة الثقافة
http://www.skaau.com/vb/showthread.php?t=199230
رابط ملخاصات اسئلة رياضيات و الانجليزي
http://www.skaau.com/vb/forumdisplay.php?f=142
هذا الرابط تحميل المحاضرات حق العام (منقول)
http://www.skaau.com/vb/showthread.php?t=464386

اتمنى افتكم

[عمو زينو]

يسعد مساكم بليييييييييييييييييز ابي مساعدتكم انا جديده بلمنتدى ومو عارفه كيف اتواصل معاكم من شان استفيد منكم واول سنه بلجامعه والمشكله انو مو ساكنه بجده انا بابها

[المتفائلة بعفو الله]

اللهم عليك التكلان وانت المستعان يسر لنا امورنا ونجحنا يارب العالمين يامفهم سليمان فهمنا ويامحفظ داود حفظنا
اميييييييين