مواعيد المحاضرات للتعليم عن بعد

[ابونور]

السلام عليكم اخواني واخواتي

انا حبيت اسال عن وقت المحاضرات للتعليم عن بعد هل تكون صباحا والا مساء في الاغلب

انا في الانتساب وممكن احول الى الدراسه عن بعد اذا كان وقت المحاضرات ما تتعارض مع دوامي والله يجعل والدينكم الجنه يارب

[احمد السيف]

هلا والله ابو نور

وفقك الله بجميع امورك الانتساب والتعليم عن بعد وغيرها

انا هذي اول سنه لي توي لي اسابيع يعني بالتعليم عن بعد

عندي خمس مواد
اخذهن يومين بالاسبوع
عندي يوم السبت محاضرتين من الساعه 6 المغرب إلى الساعه 8 ونص تقريباً

وعندي يوم الثلاثاء ثلاث محاضرات من الساعه 4 العصر إلى الساعه 8 وشوي

وكذا اغلب الطلاب بعد الساعه 4 إلى الساعه 8

واذا صار عندك ضرف ولا قدرت تدخل النت وتحضر مع المدرس
المحاضره تكون مسجله في النظام معك مهله اسبوع تدخل بأي وقت ويسجلك النظام حضور
بعد الإسبوع تعتبر غياب

والمحاضرات كلها تكون مسجله ولاتنمسح الا اخر الترم
ترجع لها بأي وقت وتحضرها

وانصحك بالتعليم عن بعد بشده ( لا اقضب صابره احسن ) < مونه معليش ابو نور

لأنه يربطك بالماده , وعندك اختبارات وواجبات ومنتديات يطرح الدكتور موضوع وترد عليه
وتنشئ مواضيع مع زملائك , ورسائل

كلها ممتعه وعلى النت وانت تسدح وتشرب شاي تسويها

وفقك الله بكل امورك
والله يصلح نور ويرزقك برها
واذا هو نك من دون مولود عسى الله يرزقك بالمولود الصالح