إللي عندها ذوق في ابتكار الهدايا تدخل مشكووورة ...!

[rnd]

بسم الله الرحمن الرحيم


صبــــاحكم \ مســــاكم ... ورد

الله يوفقـــكم جميعــاً في اختبـــاراتكم ..

الزبــده :

الحقيقه بقسمنا في دكتورة تغذيه أكثر من رائعه ..

رائعه بأخلاقها .. وتعاملها .. واخلاصها وامانتها في تصحيح الدرجات ...ووو.

تعبت معانا كثير في المحاضرات والواجبات ..

ومثل هالشخصيه طبعاً .. يندر وجودها في جامعة الملك عبدالعزيز .. الا من رحم ربي..

حبيت اني اهديها شي هدية حلوة لها .. و تليق بمقامها .. وتكون مميزة ..

لانه هالهديه ولاشي جنب اخلاقها ..

فحبيت انكم تشاركوني بفكره حلوة لهديه .. غير باقة ورد و عطر ..


أتمنى انكم ما تخجلوني او تردوني ..

الله يسلمكم و يعافيكم ..

[R-Kh]

احسن العطر والورد شي مؤقت
...
شوفي شي يبقى على طول معاها
..
مثلا درع اكتبولها فيه شي منكم
..
افضل شي درع
في محل اسمو زنكوجراف
اشيائو مره حلوه
وعندو اشياء شكلها غريب
...
وكمان في محل عناقيد(بيت الهدايا المبتكرة)
عندو هدايا افكارها غريبة مره
واشياء مميزة
..
روحي وممكن يعجبك شي هناك
...
واذا تبغي شي كمان مميز
افتكر مره وحة قالت اهدت استاذتها
سجادة وشرشف صلاة ومصحف
وحدة حرمه لبستهم بنفس القماش
وطلعوا مره حلوين مع بعض
هادي برضو شي حلو ومميز
..
:)

[R-Kh]

على فكرة
زنكوجراف موجود بشارع صاري
...
وعناقيد في فرع في الرد سي
وفرع في طريق المدينة عند مركز الشعلة
..
:)

[فتفوتة سكر]

لا ماعندنا افكار
ومشغولين بالامتحانات
ومانا فاضيين لهيك شغلات





















هههههههههههههههههههههههههه
نورتي رنوووود المنتدى كله
ولي رجعه ادلو بدلوي هنا
يلا صبايا بليز ساعدو اغلى واعز صحباتي

[لحن الوفا]

ممكن تهديها ساعة فخمة ... عني أحب الساعات

[rnd]

R-Kh

الله يعطيك العافيه يا قمــر ..

جبتيلي فكـــره حلوة ..

مشكـوووره على مساعدتك ..

اول مره اعرف انه في فرع من عناقيد بالرد سي ..

يسلمووووو


-----------

فتفوتة سكر >>> اطلعي برااا .. ما ابغى منك شي .


---------

لحن الوفا

يسلموووو يا قمر على مساعدتك ..

ما قصرتي ..


مشكورين كلللكم ..

:)

[فتفوتة سكر]

فتفوتة سكر >>> اطلعي برااا .. ما ابغى منك شي

ههههههههههههههههههههههههههههه
انتي الخسرانه >>> لامه عفشها وطالعه