سؤال في الفيزياء،، السقوط الحر =(

[Ma3QoLa!]

السلام عليكم

باختصار

فيه سؤال في ملخص طلعت سالم وقفت عندو =(

السؤال يقول

An object is released from rest. how far does it fall after 2s of its fall?

فـ الاجاية طلعت

y = -19.6 m

بعدين كتب

الاشارة لانه في حالة هبوط

.:. y = 19.6

انا فاهم انو الاشارة السالبة عشان الجسم في حالة هبوط،، ولو كان في حالة صعود ح تكون اشارة موجبة

لكن دحين ابغا افهم في السؤال هوا طالب المقدار؟ عشان كدا شلنا الاشارة السالبة في الجواب النهائي؟

ومتى نكتب الاجابة بالاشارة الصحيحة؟ ومتى نكتبها موجبة دايم؟

طبعاً اتكلم عن y و x بس

[Sweet Dreamz]

يمكن غلطان طيب ><"
لأنو الصح في القذف لأعلى يكون موجب والعكس يكون سالب
المهم لو انت مو عارف اسأل دكتورك احسن عشان لحد يفتيلك هنا ويشتتك ..

[мαѕooяy]

المقصد هنا انو الاشاره تدللك نازلة
لكنهـآ بالحقيقة قطعت 19.6 مسافة عادية وبالتاكيد موجبة
how far يعني كم قطع او كم يبعد ... ؟
ماقال بأي اتجاه .. هو كم تحرك -- تحرك 19.6

اتمنى فهمتني لو مافهمتني ممكن اوضحها لك بطريقة ثانية .. ،


يعننننني مممم لو انت رجعت للخلف 4 خطوات حتقول انا مشيت -4 بدلالة اتجاهيي للخلف
لكن لو قلتلك طيب كم خطوة مشيت ماحتقلي -4 حتقلي مشيت 4 خطوات ^^

لو طلب الماقنتيوود دائما + في أي شيء .. ،
لو distance او how far ---- +

الاشاررره علشان تعوض فيها بالمسائل يعني لو مثلا ً كان طالب تسارع
وكان في هيئة هبوط .. ، واعطاك yهي 9 مثلا
فلما تيجي تعوض لازم تعرف من نفسك مدام هو هبوط يعني حعوض بالواي بـ -9

بس

[Ma3QoLa!]

المشاركة الأصلية كتبت بواسطة Sweet Dreamz يمكن غلطان طيب ><" لأنو الصح في القذف لأعلى يكون موجب والعكس يكون سالب المهم لو انت مو عارف اسأل دكتورك احسن عشان لحد يفتيلك هنا ويشتتك ..

لو الدكتور يعرف يشرح كان فهمتها من اول

لكن الله يسامحو بس =(

الف شكر لك ع المرور خيتو ^^

المشاركة الأصلية كتبت بواسطة мαѕooяy المقصد هنا انو الاشاره تدللك نازلة لكنهـآ بالحقيقة قطعت 19.6 مسافة عادية وبالتاكيد موجبة how far يعني كم قطع ... ؟ ماقال بأي اتجاه .. هو كم تحرك -- تحرك 19.6 اتمنى فهمتني لو مافهمتني ممكن اوضحها لك بطريقة ثانية .. ، يعننننني مممم لو انت رجعت للخلف 4 خطوات حتقول انا مشيت -4 بدلالة اتجاهيي للخلف لكن لو قلتلك طيب كم خطوة مشيت ماحتقلي -4 حتقلي مشيت 4 خطوات ^^ لو طلب الماقنتيوود دائما + في أي شيء .. ، لو distance او how far ---- + بس

يعني كان المطلوب في السؤال المقدار

يعني لو جاني نفرض نفس السؤال دا

وفي الاختيارات كان مكتوب 19.6 ،، وخيار ثاني -19.6

اختار 19.6 صح؟

وسؤال ثاني

متى احط الاشارة في الجواب؟

يعني زي السؤال دا اجابتو الاشارة مو مهمة لانها ح تكون موجبة

لكن ممكن يجي سؤال بصيغة ثانية تكون اجابتو مثلاً y = -19.6 ؟؟

والف شكر لك مسوري وسوري تعبتك معايا

[мαѕooяy]

ايوة انت افهم نفس السؤال ^^ كم المسافة اللي قطعها بعد ثانيتين
او كم صار يبعد بعد سقوطه بثانيتين

بالتأكيد مسافة موجبة .. ،
انا ماعتقد يجيلك خيارين كذااا على اياامناا تجينا
y=19.6 up
او
y=19.6 down

يعني هنـآ اتجاههـآ اما فوق او تحت .. ،


انا ان شاء الله كلامي اكيد بس برضه مو متذكره تمام لكن المفهوم من السؤال بالتاكيد موجبه
كم يبعد مرآ ماتجيني سالبة .. ، .. ، بس اذا حابب تتأكد
ممكن تتصل على نفس الاستاذ وهو يشرحلك وممكن يقلك لو جاك كدا ولو جاك كدا ×_×
انا كنت اسوي كذا كثير

العفو الله يوفقك

[Ma3QoLa!]

^^

وضحت الصورة يا مسوري الله يديك العافية،،، الف الف شكر لك

بس معليش،، انتي قصدك اتصل ع طلعت سالم؟

اذا ايوا،، عادي يشرح ليا النقطة هذي؟

[Astronomer1]

مثل ماقلت لانه مقدار والمقدار مايهتم بالاشارة

وانا عندي مكتوب بالملخص حق اشرف بركات ، التسارع a قيمة مطلقه يساوي g تسارع الجاذبية ( المقدار) <<< يعني اكيد بيكون موجب

والله يوفقك ويوفق الجميع

[мαѕooяy]

المشاركة الأصلية كتبت بواسطة ma3qola! ^^ وضحت الصورة يا مسوري الله يديك العافية،،، الف الف شكر لك بس معليش،، انتي قصدك اتصل ع طلعت سالم؟ اذا ايوا،، عادي يشرح ليا النقطة هذي؟

ايوة عآدي .. كلمه او بأي طريقة تواصل معاه كل بياناته تلقاها بالملخص
وعآدي طبعا يشرحون لنااا اللي نبغآه

[Ma3QoLa!]

المشاركة الأصلية كتبت بواسطة Astronomer1 مثل ماقلت لانه مقدار والمقدار مايهتم بالاشارة وانا عندي مكتوب بالملخص حق اشرف بركات ، التسارع a قيمة مطلقه يساوي g تسارع الجاذبية ( المقدار) <<< يعني اكيد بيكون موجب والله يوفقك ويوفق الجميع

الف شكر لك يا غالي،، وضحت الصورة تماماً ^^

وياك يارب

المشاركة الأصلية كتبت بواسطة мαѕooяy ايوة عآدي .. كلمه او بأي طريقة تواصل معاه كل بياناته تلقاها بالملخص وعآدي طبعا يشرحون لنااا اللي نبغآه

تم الاتصال على طلعت سالم << ماصدق خبر

ويادوب بس قلت اول كلمتين من السؤال ع طول قال لا يكون قصدك اننا اول حاجة حطينا سالب وبعدين حطينا موجب

فـ وضح ليا السؤال،، ونفس تقريباً كلامك يا مسوري

انو دائماً زي هذي الاسئلة يطلب المقدار،، فـ المقدار دائم موجب

والاشارة كانت فقط للتوضيح انو الجسم في حالة سقوط

،،،

بالتوفيق للجميع ^^

[мαѕooяy]

^
شكلوآ السؤال عآمل آزمة للشعب كلوآ

بس ترى هالشبآتر من آسهههل الشآبترز ^^

ربي يوفقكم ^^