بدايه موفقه :)

[ahat_nagd]

السلام عليكم ورحمة الله وبركاته
كيفكم يا اخواني واخواتي يا طلاب الانتساب الدوافير
انا سجلت بالجامعة كنت حاس نفسي اني دفره
المهم اني شريت الكتب أمس وعددها ٨ كتب واول ما شفتها وانا باقي في المكتبه جاني اول شي مغص في بطني والله اتكلم جد جالس اطالع كتاب الرياضيات وماني فاهم اي شي اما الباقي عادي بخارج نفسي فيها .... انا قلت الكلام هذا مو اني ابي احطم احد بس عشان نشجع بعض ونفيد بعضنا بأي شي من ملخصات او مدرسين ايه على طاري المدرسين ابي مدرس رياضيات وانجليزي علما بانني من سكان الرياض ابي مدرسين قريبين انا من سكان شمال الرياض واللي لقيتهم في النسيم مشواااااااااااار .... تكفون اللي عنده احد او يعرف احد يدلني عليه ... واخيراً الله يوفقنا ان شاء الله
تقبلوا تحياتي. ahat_nagd

وهذي صورة للكتب

[تاج المشاعر]

وعليكم السلام ورحمة الله وبركاته
اخوي الغالي

الامور سهله
وان شاء الله تتيسر امورك في الجامعة وعقبال التخرج

انا مريت على نفس اللي انت تمر عليه الان والحمد لله تخرجة

المشكلة في الموضوع واللي مسوي لك عقده انه اول فصل في الجامعة يكون الطالب جديد على طريق الدارسة

بس مع شدة الحيل من بدري تكون اسهل وعقبال الدرجات العلية a+

المواد النظرية ذاكرها قبل العيد مذاكرة مكثفة

وبالنسبة للمواد العلمية والانجليزية ,
فإن لجنة مجموعة طلاب الرياض تعقد كل فصل تدريس الطلاب

اسال الله لنا ولكم جميعا التوفيق والنجاح في الدنيا والاخرة

[emano0o]

انا اول مااشوف الكتب اللي زي كدا اقول واااااو انا جامعيه <<ماهي مصدقه طبعا كان اول مادخلت الجامعه

بعدين الكتب شايفتها تفتح النفس

بس ان شالله يفيدوك حقين المنتدى

حقيقه من كتاب the secrt <<

بقولها لك بالعاميه ادا قولت انو الكتب صعبه او شفت شي وقولت ماراح انجح فماراح تنجح قول انا حانجح واتفوق وراح اجيب
A+

وارفع راسك انك بالجامعه في غيرك ماهم لاقينها ربي يوفقهم ويوفق الكل يااااااااااااارب

[Jeje.1]

الله يسهل علينا وعليك

[زحمة مشآعر]

اخوي الله يوفقك يارب وبالنسبة للرياضيات لا تشيل هم ابد مرره سهله سهله بشكل ماتتوقع

احب ابشرك واقول لك //

عندي مدرس طال عمرك مصري (كلمة خطير قليله فيه ) شوف نظام المدرس يعطيك المهم لاتقول والله انا نفسي من الجلده للجلده لا مايمشي معه النظام هذا عطه فلوس وخليك ماشي معه تصدق اخوي اني داخل الامتحان وانا اضحك اقول والله يالمصري هذا بضيعني ولكن سبحان الله ( طلع مو بسيط ) انا من سكان الرياض وفي شمال الرياض بعد والمدرس ساكن في شمال الرياض والحمد الله جتني الاسئلة وحليتها كلها وبذهول الله يجزاه خير وكان يقول لي لو اخذت اقل من 95 تعال اعطيك فلوسك والحمد درجتي في النهائي 98 من 100 اللهم لك الحمد

اذا تبغاه خبرني واعطيك رقمه وماراح تندم صدقني ( منصح وبشده لهذا المدرس لخبرته ) وراح تدعي لي واهم شي الدعوه يالغالي

اما المواد الثانيه لا تشيل همها مره سهله سهله مرره بس ذاكر من البدايه وخصص لك وقت للمذاكره يومين في الاسبوع او ثلاثه ايام بمقدار ساعة ونص ودقق على ( الاحصاء ) تمنياتي لك بالتوفيق

[Jeje.1]

اخوي زحمة مشاعر تقدر تسال المدرس المصري
( اذا زوجته نفس الخطورة في التدريس)

والله اني صادقة ابي مدرسة خطيرررة

[نجد العذيه]

بالـــــــــــــــــــــــــــــتوفيق

[ahat_nagd]

تاج المشاعر : يسلمووو على مرورك وعلى كلامك الحلو وان شاء الله بشد حيلي وتكون الامور تساهيل ..


emano0o : تبين الصراحه احس اني مفتخر اني في الجامعه واحس اني بجيب الشهاده باذن الله وبالنسبه للكتب كنت مستصعبها اول ما شفتها لاكن مع المدرسين صارت سهله .. شاكر لك مروروك ..


Jeje.1 : امين يارب ويسهل على الجميع .. منوره



زحمة مشآعر : اااااه ليتك رديت بدري لاني حصلت مدرس لاكن من النسيم وانا من سكان شمال الرياض طبعا هو اللي يجيني للبيت بس ان شاء الله اني احصل فيه ثلاث ارباع المدرس اللي عندك هههههه <<< متحطم *_^
وبالنسبه للمواد الثانيه ما فتحتها الى الحين اذاكر رياضيات وانجليزي بسسس مدري متى ناوي على الباقي هههههه .... نورت اخوي




نجد العذبة : امين يارب الله يوفق الجميع .. شاكر مرورك ..

[زحمة مشآعر]

ههههههههههههههه اجل بالتوفيق وعسى ربي يوفقك ولا تشيل هم المواد سهلة ولا تتعقد ابد


جي جي بسالك ان شاء الله ارد لك خبر بخصوص هالموضوع

ربي يوفقك