احتاج خبرتكم ..مرتبة الشرف بعد التخرج لميييييين؟؟؟!!

[ذكرى الاحلام]

بسم الله الرحمن الرحيم


صباحكم /مسائكم ورد...

انا طالبه قسم احياء والخطه الي رح ادرسها مقسمه ل3 سمسترات وبعدها اتخصص..

والان انا في ورطه جدولي ملعوب فيه وساعاتي قليله تقريبا 12 وانا المفروض اخد اكثر بس ما قدرت المواد الي ابغاها يقولوا قفلت <<<< طبعا كذابين لان كل يوم اشوف عدد الطالبات في الشعب يزيد وهي مقفله..( حتى فيتامين واو صار في الجداول )
وحتى المواد الي في السمستر الي بعده كنت حضيفها بس متعارضة مع جدولي وبعضها لها متطلب ..
يعني ما في امل..
المهم فقلت رح ادرس 4 سمسترات بعدين اتخصص بس بدون صيفي ان شاء الله ..لاني ما ابغى الصيفي وبعدين اتخصص..

لكن في وحده قالت لي لو اخدتي ترم زيادة عن الخطه مارح تاخدي مرتبة الشرف الا اذا اخدتي صيفي
رح تاخدي مرتبة الشرف بعد التخرج..

والحين ابغى اعرف ايش الكلام الصح ..وايش اسوي لازم اخد صيفي عشان اخلص المواد الباقيه الي مادرستها .. عشان اخد مرتبة الشرف ولا عادي ادرس ترم زياده على الخطة المطلوبه ما رح يفرق ..

[BARGAIN]

اختي ذكرى
بالنسبه لمشكلة الجداول فالكل محتاس منها ما اقول الا الله يعينك
بالنسبه لمرتبة الشرف
اللي اعرفه ان مالها دخل بعدد الاترام
هي على حسب معدلك
واهم شي ماتحملي ولا ماده
وترتيب مرتبة الشرف على حسب المعدل
الاعلى فالاعلى
إن شاء الله اكون افدتك

[ذكرى الاحلام]

شكرا ياقلبي bargain يعطيك العافيه كنت قلقانه من ناحية الشي دا
بالتوفيق والله ييسر للجميع ..

[BARGAIN]

العفو ياقلبي ماسوينا غير الواجب

الله يوفق الجميع

[الحــــربيهـ]

عذرا لصاحبة الموضوع

دحين اللي اخذت بأي ترم f

وتبغى مرتبة شرف مايعطوووها ؟؟

[BARGAIN]

اختي الحربيه

والله كما سمعت انه لا
بس كان فيه شكوك اذا كان ال f في التحضيري يمكن مايحتسبوه

بس ما اعرف

[البتول 2010]

المشاركة الأصلية كتبت بواسطة BARGAIN اختي الحربيه والله كما سمعت انه لا بس كان فيه شكوك اذا كان ال f في التحضيري يمكن مايحتسبوه بس ما اعرف

طيب ابغى اتاكد من f التحضيري انو ما يحسبو فين اروح اتاكد؟؟

[حنو123]

والله اللي سمعته انو لازم تمشي على الخطة وممكن تزيدي ترم أو اثنين لكن لو أكثر ماراح تاخذي مرتبة الشرف

بالنسبة للجدول روحي للشئون وبطريقة حلوة كلميهم وانو حتتأخري في التخرج وصدقيني راح يوسعولك الشعبة ويضيفوها لكِ

أهم شيء حاولي ولا تيأسي

[BARGAIN]

سوري بس شفت الرد متاخر
والله ما اعرف ياقلبي
بس انا اروح لعمادة شؤون الطلاب بكليتي

[ǁ غــلأآإ ، رٍوٍحــي ǁ]

^^

شروط مرتبه الشَرف .

- عدم الحصول على الـ f سواء في التخصص او بالتحضيري ..
بمجرد وجود الـ f في كشف الدرجآت يحرم الطالبه من المرتبه ..

- عدم تجآوز سنوات التخرج ،، والعدد الاقصى للتخرج هي 6 سنوآت ..