ابشـــــــــــــــــــــــــــركم

[ابو دارين]

السلام عليكم

يسعد مسائكم للجميع


الظاهر انا اول واحد يطلع من الجامعه اليوم بعد الماناه في اختبار اللغه العربية

اول شي اتمناء للجميع التوفيق ان شاء الله

انا اتكلم عن نفسي انا ابشركم اول واحد راسب في اللغه العربية بالنسبة لي كانت الاسئله صعب عليه الله يخارجنا خلاص قررت اني انسحب من الجامعه هذي مو جامعه والله تعقيد تخيلوووو الاسبوع هذا كان عندي اختبار في الصباح في الطائف وفي العصر في الجامعه وانا يوميا طالع نازل صراحه ليه ابهذل نفسي في الجامعه واخر شي اطلع بلووووش

اهم شي اني تعرفت عليكم اتمناء لكم التوفيق بااااااااااااااي

[مشعان بسكلاني]

تفائل بالخير

[المصر]

أخي الحبيب ..........
السلام عليك ورحمة الله وبركاته
من وجهة نظري أنك استعجلت بالحكم على نفسك بالرسوب بالعكس ياأخي الحبيب المسئلة أبسط من كذا .....؟
لاكن يرجع السبب إلى عدم ترتيب الأولويات ..... فقط....!!!
وبعدين عندك فرصة تعوض بالترم الثاني بإذن الله وصدقني والله اعرف واحد من زملائي منتسب ...بجامعة الإمام بالرياض ...سنة تحظيرية والله يبكي من شدة الأسئلة وكثرة الملازم وكأنهم منتظمين ؟؟؟وفق الله الجميع .
تحيات ....الــــــــــصــــــــــــــر

[الوايلي1]

اخوي تفاءل في الخير


لو كل شخص قال مثل ماقلت قرار الانسحاب

كان ماشفنا دكاترة ومدرسين وغيرهم

اخوي خل ايمانك بالله قوي ولا تعجزك عثرة بسيطة

صدقني اخوي لو قدر الله وتعثرت في مادة او مادتين ( لا قدر الله )

فعندي احساس انك رايح تعدي يالذيب

اسرجك فرسك يالذيب وانطح القوم

[المنتسب الجديد]

الضغوط النفسية في لجان الاختبارات ، الاستهتار واللامبالاة في حقوق الطلبة

تفرز النتائج

اتمنى ان تواصل فطريق النجاح كله عقبات وهذه اولها

[الدامح111]

لاحياة مع اليأس

و

لايأس مع الحياة

بالتوفيق ياغالي

[بكالوريوس]

اخوي ، لاتستعجل في اتخاذ القرار ، اول مستوى طبيعي تكون هذي اللخبطة واللوية الطويلة والعريضة ، اكيد لأنه اول ترم ماندري وش السالفة وماندري متى نذاكر وماندري كيف طريقة المذاكرة ، لكن اخطائنا خلال هذا المستوى إن شاء الله نعدلها في المستوى الثاني ونتلافها .

اقرب مثال اخوي ، في جامعة الملك سعود اول مستوى سقط في ثلاثة مواد وبعد كذا ، درس المواد اللي عليه في الصيف ، والحمد لله نجح لأنه شد حيله وعرف القوانين والانظمة وطريقة التعامل مع المواد .

وغير هذا نزل معدله عن 2 عطوه انذار وقطعوا المكافأة عنه والآن رجع كل شيء لطبيعته لأنه شد حيله وصبر وفي الاخير ظفر وعلى فكرة لاتنسى انه انتظام مو انتساب ودلع مثلنا .

اتمنى تراجع نفسك وتقرر بس بعد ماتحكم عقلك ،،،

[حكيم زمانه]

خلك وااااد قدع مثل على قوله اخواننا المصاريه

ابعد الهم وو الغم عنك تعيش سسسعيد

[الباطن]

ولا تنسا حبيب قلبي

ان مخترع المصباح ما نجح الا في المحوله 1000

يعني ما يأس وحاول الى ان اخترع شيئ من اهم عوامل العصر الحدييث


والله يوفقنا وياكم يارب العالمين

[ابو دارين]

اول شي اشكركم على مروركم الذي اسعدني بصراحه انا افتخر فيكم لانكم رجعتووووو الامل فيه

بصراحه للمرة الثانيه اشكركم واتمناء لكم التوفيق يارب وللجميع آآآآآآآآآآآآآآآآآمين