استفسار

[amb7]

السلام عليكم ورحمة الله وبركاته
لو سمحتوا انا طالب في الجامعه وناوي ادرس بره على حسابي وش افضل اسحب من الجامعه ولا اسوي اعتذار وهل اذا بحول على البعثه لازم اكون ساحب ملف من الجامعه ؟ . تكفون سعدوني

[Eng.SouL]

وعليكم السلام ورحمة الله وبركاته ..
إذا كنت تحضيرية ما راح تقدر تعتذر خلال هذي السنه :)

فـ إما إنك تسحب ملفك، أو إنك تسافر وما تقولهم،، وأنا أشوف إنك تسوي الخيار الثاني ..
سحب الملف تقدر تسحبه بأي وقت ما يبيله شي ..

وبالنسبة لتحويل البعثه، أعرف طلاب سافروا وحولوا البعثه، واحد فيهم ملفه للحين في جامعة الملك عبدالعزيز (وما داوم فيها ولا يوم سجل وسافر على طول) وواحد ملفه في جامعة أم القرى.. داوم سنة ونص وبعدين تركهم وسافر
لكن هذولا راحوا قبل فترة :) أيام ما كان التقديم يدوي، السنه هذي تغير الوضع وصارت الملحقيات تعتمد عالكمبيوتر وكل شي إلكتروني فما أدري إن كانوا يدققون ولا لا، لكن أهم شي وقت ما يطلبون الشهادة لا تعطيهم الأصل لأنها مختومة من الجامعة، حاول تعطيهم طبق الأصل
وعن نفسي أنا الآن في بريطانيا أنهيت السنه التحضيرية وسافرت مباشرة وفتحت ملف طالب عند الملحقية وقدمت الآن طلب إلحاق بالبعثه وجالس أنتظر الرد وملفي لا يزال في جامعة الملك عبدالعزيز ..

بالنسبة لسحب الملف أو لا أقترح إنك تسأل شخص مختص إما في الملحقية أو شخص كانت له تجربة شخصية

بالتوفيق :)

[amb7]

الله يجزاك خير