نبذة عن الخطة والكتب والاساتذة واللبس والدشرات تفضضضلو..

[dr.imey]

سلام ياحلوييييييييييين

اول شي مبرووووك للي انقبلو

ثاني شي شدو الهمممة هاذي اول خطوة لاحلاااااامكم

والله يوفففقكم يارب

ف البداية لاحد يسالني اي الخطتين اسسسهل؟
لانو كولها زي بعض سهلة بس تفرق باللي يبدا بها
عموما السمستر التاني حيكون اسهل ف كلتا الحالتين
قوووووولو ليش؟؟

عشان تكونو اتعودو على النظام والدوام والاستاذات والاختبارات

ولاحد يقولي من افضل استاذة ؟؟
لانو كول وحدة لها راي ولها تاسيس ف الثانوي مختلف للمادة على حسبو حتفهم مع الدكتورة والا لا

وطبعا زي ماتعرفو كووووول الاختبارات موووحدة و30 فقرة كول وحدة بدرجة
ومن دحين اقلكم
لاحد يخرج من الاختبار يبكي يقول ماحليت
ترى ف التحضيري اللي حل تطلع نتيجتو مخبببببص
واللي ماحل يجيب الامعجزو ودرجة حللللوة

نبدأ..

خطة ب

الكيمياء..

الاستاذات

اكرام دانش.. مشهورة انها فنانة
وانا درست مع
الهام باعيسى..بالنسبة لي رائعة
الحضور..كانت محاضرتي 8 فكانت 8 و10 تحضر اي احد يتاخر اكتر من كدا ماتحضرو
الشرح..بالعربي كولو لكن اذا كان عندك مصطلح بالانقلش تشرحلك معناه بعدين خلاص تبدا تنطقو بين العربي وانتي افهمي ماتشرح ببور بوينت بالعكس تكتب بيدها وكانت جيدة وطيبة انا حبيتها

الكتاب..

كتاب اسمو كيمستري كبييييييييييييير ودوبا ويخووووف وتقييييل يكسر الظهر وف النهاية ماندرس الا ربعو
نصيحة لاتشتروه باول محاضرة تعطيكم "سيلبلز" هاذا ياحبايبي جدول فيلو كول الصفحات اللي ندرسها من الكتاب خدو كتاب اي بنت وصورو الصفحات بسسس

الاختبار..ذاكرو من الكتاب او الملزمة اللي تسووها ومري على نماذج اختبارات تلاقيها من النت بس اعرفي طريقة الاسئلة

الاحصاء..

الاستاذات..

انا درست مع
نهلة عبد الجبار..جيدة وطيبة وقدنا بسس على حسب حبك للمادة انا عن نفسي ماستسغتها وكنت ماحضر وجبت درجة خايسة مو من الاستاذة انما انا اعطيت نفسي احساس انها مقرفة وصعبة وماقعدت لشرحها
الحضور..تمرر ورقة ف نص الكلاس كول وحدة تحضر نفسها
الشرح.. زي الكيميا

الكتاب..

نفسسس حكاية كتاب الكيميا

الاختبار.. زي الكيميا بس ذاكرو النماذج كويسسس لانهم لازم يجيبو منها 4 اسئلة او اكتر بنفسسس الصيغة بس يغيرو االارقاام

الاحياء..

الاستاذات..

نسيت اسمها والله بس اذكر وحدة اسمها فريال يقولو مرررة مو كويسة
عموما الاحياء حففففظ كلو الاستاذة مالها داعي
انا كنت ماحضر بالاسابيع والحمدلله جبت درجة حلوة

الكتاب..

لاتشترو ويضحكو عليكم عشان رابط وخرابيط
نزززلو التست بانك من النت واطبعوه ف اوراق واحفظوه صم تجيبو 100
التست بانك هادي زي اوراق المراجعة 3 اجزاء
1 يكون اسئلة اختيار متعدد كتيرة تحفظيها زي ماهي وتجيكي نفسسسسسها حتى بنفس الترتيب
2 يكون رسمات وعليها اسئلة قليلة مرررة سهل وحلو
3 اسئلة مقلوبة لاتطالعو فيها ولاتذاكروها

ونصصصيحة لاحد يغلط غلطتي ويترجم كول كلمة ف اسئلة الاختيار المتعدد حاولو تفهمو من نفسكم او تربطو السؤال بالجواب وخلاص

الاختبار.. مايحتاج نماذج وكتب كللللللو من التست بانك واحفظوه اول باول عشان ماتخربطو لانو ممكن تلاقو الاختبار الدوري الاول تذاكروه من تست بانك 1 تقريبا 50 صفحة كووولها اختيار فلازم تركزو

الانجليزي..

كانت كلاساتو اثقل شي على قلبي من طوووووولها
والمادة الوحيدة مقدر احد يحضرني او اشرد لانو من كترتها الاستاذة حافظة وجهي وعددنا قلييييييل
عاد دي المادة على حسب مستواكي
وحسب استاذتك
والله يعينكم تعدوها

خطة أ

فيزيا..

الاستاذات..

درست مع
نعمة عوض..جيدة وطيوبة
الحضور..نهاية الكلاس عندها الورقة تروحي تحضري نفسك
الشرح..جيد وتفهم
عموما اصلا انا دخلت ف دروس بالنت مع يوسف زويل والحمدلله كان شرحو رائع ونفس المنهج وذاكرت من ملخصاتو وكووول شي
اللي حاب يشترك هاذا موقعو http:///ss/
يشرح كول درس بفيديو صوت وصورة
ويحل نماذج اختبارات قبل الاختبار
وماشالله مرررة فنان

الكتاب..

زي ماقلتلكم ولاشميت ريحتوو ولاحتى اعرف اسمو
لانو يوسف كان يشرح بخرايط ذهنية وملخصات وتمارين اطبعها واذاكرها والحمدلله جبت درجة حلوة

الاختبار.. عندهم بونس الاختبار الدوري الاول يكون 33 فقرة كول وحدة عليها درجة
والدوري الثاني 33
والنهائي 44
يعني مجموع الدرجات 110 هادي العشرة بونس لو اي وحدة جابت ف اي اختبار اكتر من 30 ترفعها بعدين

الرياضيات..

الاستاذات..

درست مع
مها نور ولي..طيوبة وقدنا
الحضور..نهاية الكلاس زي الفيزيا عندها مشكلة ..اللي يرن جوالها تحطها على طول غياب
الشرح..حلو وتفهمي

الكتاب..
امركم لله حتشتروه لازم ب 100 وشي لانو معاه يجي رابط في النت للاون لاين
بس برضو فيه سلبلز ودوه لمكتبة يشق الاوراق اللي ماهي معاكم ويسوي الكتاب سلك عشان يصير خفيف
الاون لاين ياحبايبي هادا موقع زي الاودس كول وحدة لها حساب فيه وكول فترة ينزلو اسئلة على الدرس تحلوها طبعا الحل خدوه من النت تلاقي ف نفس الوقت البنات حلو ونزلو الاجابات وطريقة الحل عشان تضمني 100 يفيدكم كتيييييييير لاحد يستهين به تراه يرففففعك 10 درجااااااااااات

الاختبار.. من الكتاب تقريبا زي التمارين اللي فيه وفيه بونس الاون لاين يفيدكم

مهارات اتصال

الاستاذات

سارة الشهري..عسسسسل
الحضور..فلسسسعي ونص السنة غايبة لانو ف يوم تخلصي باب
الشرح..حلو اصلا المادة ممتعة وحلوة وكانت كانها بريك بالنسبة لنا مرررة انبسطت فيها

الكتاب..

حتقلكم عليه اسمو مهارات الاتصال اصلا مايحتاج حتى تحضري للكلاس قبل الاختبا اقرئيه قراءة فقط وادخلي تبدددددعي

الاختبار.. من الكتاب قراااااااااااااااااااااءى فقققط لاحد يجتهد اكتر لانو زي الوطنية بالزززبط

الحاسب..

الاستاذات

ناسية مع مين كنت لكن المادة سسسسهلة اسهل من الثانوي واختباراتها مرة حلوة وسهل تجيبي فيها 100 كانت عسسل جنب ديك المواد الدسسمة

الكتاب..

تقولكم عليه الدكتورة تروحو تشتروه وعندكم المعمل تطبقو واحلى شي انو كان فيه نت يعني لو ماعجبك الدرس اقعدي عالمسن خخخخ


الاختبار.. مايحتاج ولاشي غير الكتاب ف النظري احفظو والعملي كولنا نعرف للوورد والباور بوينت مايحتاج

اللبس..

بنات المسار العلمي..
البسو لاب كوت حق الدكاترة الابيض
والبسو تحتو بنطلون ولاتشيلو هم التنانير وكدا خلاص كول يوم خلوكم ببنطلون ولاب كوت
محايكلمووووكم

خلللللصنا من الجد

نجي للترفييييييه

تطبيقا لمقولة "ان لنفسك عليك حق"

كان لابد من الفلسسسعة والفلة شوية بماانو ماعندنا ايام اوف
حاديكم نصايح للدشرة خخخخخ
1- لازم من كل كلاس اتعرفيلك على بنت تتمصلحي معاها شويتين ولمن تحسي انك تموني خليها تحضرك
2- اذا ماقدرتي تحضري نفسك غيبي لكن احسبي لنفسك 6 غيابات لاتكثري عشان ماتصيري حرمان
3- حاولي تغيبي في الايام اللي فيها مواد قليلة وانجليزي طويييل
4- الجامعة ماتشرع ابوابها للخروج الا بعد الساعة 9 يعني تعالي واحضري كلاس الصباح من 8 وبعدين قرري تدشري
5- لاتفكري بتكاسي وخرابيط لانو ممنوع كول وحدة خليها تدبر سواقها
6- الجامعة تقفل ابوابها وتصيري شبهة لودخلتيها عالساعة 3 يعني حاولي الساعة 2 تكوني فيها
7- لاتخلو الدشرة همكم يابنااااات خلوها ترفيه في الشهر مرررة انتي وصحباتك
8- انا ابرأ نفسي للي يستخدم نصايحي للاشياء الغلط لانو الله يراقبكم بكل اعمالكم انا كنت اروح افلها انا وصحباتي حدنا نتغدا ونرررجع بعد ضغط الدراسة

اخييييييرن..

بالتوفييييييييق وشدو الهمة حبايبي ولاتنصدمو بمعدل اول سمستر لانو اكييييييد السمستر الثاني حيرفعك اكتر

[تركي4444]

تطبيقا لمقولة "ان لنفسك عليك حق"

كان لابد من الفلسسسعة والفلة شوية بماانو ماعندنا ايام اوف
حاديكم نصايح للدشرة خخخخخ
1- لازم من كل كلاس اتعرفيلك على بنت تتمصلحي معاها شويتين ولمن تحسي انك تموني خليها تحضرك
2- اذا ماقدرتي تحضري نفسك غيبي لكن احسبي لنفسك 6 غيابات لاتكثري عشان ماتصيري حرمان
3- حاولي تغيبي في الايام اللي فيها مواد قليلة وانجليزي طويييل
4- الجامعة ماتشرع ابوابها للخروج الا بعد الساعة 9 يعني تعالي واحضري كلاس الصباح من 8 وبعدين قرري تدشري
5- لاتفكري بتكاسي وخرابيط كول وحدة خليها تدبر سواقها لانهم ممكن يمسكوكي
6- الجامعة تقفل ابوابها وتصيري شبهة لودخلتيها عالساعة 3 يعني حاولي الساعة 2 تكوني فيها
7- لاتخلو الدشرة همكم يابنااااات خلوها ترفيه في الشهر مرررة انتي وصحباتك
8- انا ابرأ نفسي للي يستخدم نصايحي للاشياء الغلط لانو الله يراقبكم بكل اعمالكم انا كنت اروح افلها انا وصحباتي حدنا نتغدا ونرررجع بعد ضغط الدراسة



^^^^^^^^^^^^^^^^^^^^^^^^^^^^^^^^^^^^^^^^^^^



مع احترامي لك


نصائح الترفيه خطا في خطا


يعني بدال ماتنصحيهم يذاكرو ويركزو على هذا السنة المهمة والتي تعتبر مرحلة انتقالية تنصحيهم بالدشرة

[دجه ورجه وفله]

هههههههههههههههههههههههههههه

موضوع كوووويس عن الدكآترهـ

بس أنا أوآفق تركي إنو لايسمعو نصآيحك . .~

لآنه إهمـال بسيط في السنه التحضيرية تندمي عليه طول العمـر ~> آسألو مجرب

بالتوفييييييييق وشدو الهمة حبايبي ولاتنصدمو بمعدل اول سمستر لانو اكييييييد السمستر الثاني حيرفعك اكتر

وإللي كان السمستر الآول فرحـان بمعدله لآ يرتاح السمستر الثآني . . =(

[●Dαηtєl●]

المشاركة الأصلية كتبت بواسطة dr.imey وطبعا زي ماتعرفو كووووول الاختبارات موووحدة ومن دحين اقلكم لاحد يخرج من الاختبار يبكي يقول ماحليت ترى ف التحضيري اللي حل تطلع نتيجتو مخبببببص واللي ماحل يجيب الامعجزو ودرجة حللللوة

هذآ الشي الوحيد اللي صصصصح
مانخرعكم بس ذاكروووو زيين ترا والله سسسهله بس يبغى لكم تشدون حيلكم شوي

[dr.imey]

انننننننننن لنفسسسسسسسسك عليييييييييييك حققققققققققققق

انا ماقلتلهم لاتذاكرو

لازم الترفيه وقلت مررررة بالشهر

بعدين ترى المذاككرة حلوة بس اللي يزيد عن حدو ينقلب لضدو

الواحد لازم يفتح نفسو شوية لانو احنا جربنا وشفنا تطفشي وتكرهي من عمرك من اول شهر

عموما حبايبي انا قلت اللي عندي

كول واحد يدخل ياخد اللي يفيييييدو ويعجبو وخلاص

وبرضو بالتوفييييييييييق

[trateel]

شششوكرآ ويعطيك العافية
=)

[clood]

وناسه النصائح

بس ارجو الالتزام وعدم الاخذ بنصائح

لانو بصراحه ما اتوقع بيمشي السمستر الاول


الله يعين

وموضوعك وناسه وريحني شوي لاني مقبل على السنه التحضيريه غدا اول يوم لي

[أميره الاحساس]

يعطيك العافيه حبيبتي

حبيت آسسسسسسسسأل عن اللبس بالشرفيه عآدي لبس العبايه
وكيف نظآم اللبس عندهم

والله يسسسعدك : )

[مفتون قلبي]

جزاكي الله خير

بس معليش سؤال ايش اتخصصتي ؟

و هل هو القسم اللي تبغيه ؟

[تركي4444]

يا حلوين وناسة مو معناته انك تسحب عالمحاضرات وتضيع دروسك وتجي يوم الاختبار بذ ا الفيس ولا هذا ههههه

لا بس حاولو تنظمو وقتكم يعني ركزو اكثر شي على مستقبلكم وترى هيا سنة والله بتروح كلمح البصرولا تنسو تفلوها شوية يعني حبتين نت وحبتين طلعات وحبيتين كورة والعاب

وبلايستيشن و.... الخ يعني


بس حاولو تخلو الاولوية لدراستكم




موفقين يارب