استفسااار ضروووري الله يوفقكم

[عالية بطبعي]

السلام عليكم ,,,
اليوم رحت اتخصص والحمدلله دخلت احياء ..
والجدول حقي نزل بس مرررررررررررررة غريب ما فهمت منه ولا شيء ..

هذي هي المواد اللي نزلت :::__
اللغة العربية 101
امن وسلامة مختبرات 200
احياء عامة (2) 202
معمل احياء عامة 281
ك.عضوية لغير طلاب الكيمياء 230
معمل كيمياء عامة 281
الثقافة الاسلامية (1) 101
................. وفي تعارض كثير بين المواد ..
سؤالي .. اقدر احذف مواد واضيف مواد بدالها .. والا خلاص مجبورة اني ادرس هذي المواد في النفس الترم .. ما ابغى المعامل تكون مع بعض ..
..............
لمن احط الحذف والاضافة يطلع بس حذف ما يطلع اضافة ...
..
وفي الترم الثاني موجود وراثة عامة .. وبيولوجيا الخلية ,,
ابغى وحدة فيهم تجي الترم الاول .. اقدر اضيفها والا ما اقدر..

سوري طولت عليكم ..

الله يوفق الجميع يااارب ...

[غموض..~]

وعليكم السلام ورحمه الله وبركاته
تقدري تسوي جدولك زي ماتبغي..
شوفي من قائمه الشعب المواد اللي تبغيها وضبطي جدول ..
بس كيف منزلين لك جدول فيه تعارض؟؟

يجب الإنتظار على الأقل (24) ساعة بعد تحديد التخصص أو المسار ,لكى يتم تحديث البيانات ,ثم ادخل على الحذف ولإضافة لتسجيل المواد؟

[عالية بطبعي]

مشكووورة ,, الله يوفقك ..
بس عندي كم محاضرة في نفس الوقت

[سبحانك اللهم ..~]

حبيبي اول حاجا منتي مجبورا تاخدي 18 ساعه تقدري تاخدي اقل منها
بس مو مرا تنزلي لو تاخدي 14 ساعه حلو ليكي كأول تيرم عشان تعرفي وضع التخصص وماتتوهقي

وحابا ابين لكي الفروق بين المواد
عندك احياء 202 هادي ماده ب 4 ساعات ولها معمل , ومعملها يختلف عن معمل الاحياء 281
والكيميا لها معمل يختلف عن معمل الكيميا 281
, خدي مادة العربي والثقافا ومعمل الكيميا والاحياء والامن والسلامه
والكيميا 230 يمدحو دكتورا نسرين بس شعبتها اتوقع قفلت !!
ويب تقدري تضيفي اي ماده من اي جدول ,,! الا ااذا كان لها متطلب قبل
فاتوقع الوراثا مالها متطلب وتقدري تضيفيها
الموهم لاتضغطي ع نفسك وتكتري معامل وخدي ببالك انو لكل ماده ابو 4 ساعات ا 3 لها معمل ومعملها ب 3 ساعات
ما اخوفك انا لنو مافي شي صعب بس اقولك تحطيه بعين الاعتبار ع اساس تضبطي وضعك وماتتوهقي
وموفقا ياارب

[عالية بطبعي]

تسلمييييييييييييين ي عسل ...
انا خلاص اتوهقت حذفت المواد وما طلعت اضافة ..
ايش الحل ؟؟؟؟

[سبحانك اللهم ..~]

حبيبي لاتتوهقي كنا بمكانك وصارت الامور كولها تمام لاتقلقي اوكي !!
ودي مشكلة كل البنات الجدد انو ماتنزلهم الاضافا
وفي ناس عندهم مشكله اكبر منك انو لسا ماحددو التخصص لسا >_< ولا جاهم بالاوديس انو تتخصص
فلازم تروحي انتي السبت كلية العلوم مبنى 7 انتي بعزوز مو؟!!!!
ااادا ايوا تروحي للشؤون حق الحدف والاضافا
فرح تعطيكي ورقه فيها جدول للمواد الي تبي تحدفيها وجدول تحتو للي تبي تضيفيها فانتي تاخدي دي الورقه
وكمان تاخدي ورقه فيها الخطه الدراسيه لتخصصك كلو
وتروحي ع يسار الشؤون في ممر يعلقو فيه اوراق فيها الموااد ورمزها واوقاتها ~
فانتي شوفي الماده الي تبها باي ورقه وشوفي وضع الماده دي بجدولك هل لها مكان ووقت مناسب وفاضي ؟ او لا
فادا لها مكان خير وبركه وادا لا فاتربعي ع الارض وابدأي زبطي جدولك من اول وتاني لين ترتبي جدولك الي يناسبك
وتروحي للشؤون وهيا بعدين رح تفهمك كيف تكتبي الحدف والاضافا بالورقه ترا هوا حوسة الجدول اول تيرم وبعدها تتعودي ع الوضع
ويارب تكوني فهمتي البطبطه حقتي ـ_ـ