الانسحاب من الدبلوم العالي......

[يوولاند]

السلام عليكم

في بالي سؤالين واتمنى اني احصل على الاجااااابه

دحين انا انقبلت في الدبلوم العالي وسددت و رحت طابقت اوراقي وناقصني توصيتين ولحد الان ماكملتها
ودحين حابه انسحب ,,,, فهل سيتم استرجاع المبلغ لي ؟؟؟

وسؤال تاني :: اذا حبيت اقدم السنه الجايه على نفس الدبلوم اللي بنسحب منه دحين هل حيقبلوني او حيتم رفضي بسبب انسحابي منه في السابق؟؟؟

وشكررررررا

[NisReEn]

وعليكم السلام ورحمة الله .
ممكن أسأل عن الأوراق اللي آخذها للمطابقة ؟
بكرة بروح أطابق

[skys]

وعليكم السلام ورحمة الله وبركاته

يوولاند اللي اعرفه أن الرسوم ترجع كاملة قبل الدراسة وبمجرد بدأ الدراسة يخصم منها , والله أعلم

المشاركة الأصلية كتبت بواسطة nisreen وعليكم السلام ورحمة الله . ممكن أسأل عن الأوراق اللي آخذها للمطابقة ؟ بكرة بروح أطابق

الأصل والصورة لكل من:

كرت العائلة

وثيقة التخرج

سجل كشف درجات البكالوريوس

وصورتين شخصية

وسند السداد

[يوولاند]

نسرين نصيحة روووحي بدري وخذي رقم ,, لانه يمشوا بالارقام
والمطلوب زي ماقال الاخ الاصل وصورة طبق الاصل للوثيقة وكشف الدرجات والايصال تبع السداد وصوور شخصية 2 او 3 و صورة من بطاقة الاحوال تبعك مع الاصل طبعا لانه ماتدخلي الجامعة بدونها او كرت العائلة
و توصيتين لانه رفضت تستلم اوراقي بدون التوصيات بس قلتلها انه مش مكتوب في الموقع وباالعافية رضيت تاخذها مني وكمان لاتنسي استمارة الترشيح اللي مكتوب فيها تم قبولك برضو تحتاجها وانتي داخله عند البوابه

وبالتوفيق


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ


واخ skys تقصد قبل ماتبدء الدراسة يعني يوم السبت

واذا بدئت الدراسة كم يخصم

ومشكور ويعطيك العافية