بخصوص جدولي في او سمستر في التصميم

[leeloo]

السلام عليكم

بليز ياجماعة الخير انا نزلو لي جدول 18 ساعة انا حاسة انو كتير ومني عارفة ي ريت اللي عندهم خبرة يقولي لي ضغط والا لا ؟؟

صحة الفرد
استديو التصميم 1
رسم معماري
نظريات التصميم الداخلي
تقنية خامات
الثقافة الاسلامية 3

[مجنونه بس تجنن]

ياعسل جاتني اخبار انو مو بيدك تزيدي وتحذفي غير في المواد العامه والحره

يعني زي الثقافه وصحة الفرد لكن الباقي اساسي

انا نزلي 12 ساعه مرره قليل لان مانزلت لي مادة تقنية خامات ..
وصحة فرد اخذتها السمستر الماضي
ومب عارفه شو المفروض اعمل بس اتوقع ننتظر لين السبت ونروح للمرشده ونستلم جداولنا ونشوف هرجتهم

[leeloo]

تسلمي ي قلبي الله يوفقك ويعطيكي العافية .. خلاص ان شاء الله اشوفك عند المرشدة .. طيب تعرفي مين هيا دكتورة ميرفت والا غيرها

[smahir]

بامكانكم تعدلو من الاودس
انا غيرت جدولي كامل

نزلت 13 ساعة وحذفت ثقافة 4
ممكن انتي تلغي صحة فرد او ثقافة شوفي اللي يريحك
حتصير لك 15 ساعة

[مجنونه بس تجنن]

يب انا بعد زدت على جدولي تقنية خامات ع اساس لا تضيع علي المادة وصار معي 15 ساعه

وللحين مب عارف اقرر بخصوص ثقافه 3 خاطري احذفها ولسا ماقررت ...

وبخصوص المرشده مآ بعرفها بس مو صعبه نسأل مسؤولة القسم او الشؤون التعليمية

[leeloo]

ماادري والله بس انا احس الثقافة وصحة الفرد سهلة يعني مو هيا اللي بتاثر في الجدول ابس في نفس الوقت مستكثرة الساعات وانا متاخرة بالساعات كتير لانو كدا كأنو ضاعت عليا سنة

[Lina ~]

وعليكم السلام

هلا ببنات التصميم ^^

بالنسبة للجدول أحس كثير 18 ساعة لأن التصميم تخصص دسم وفيه شغل كثير

عندك استديو التصميم مو مرة سهل ومادة عملية بحتة تقريبا فأحسن إنك تقللي المواد

+ مو مشكلة انك تزيدي ترم أو سنة أفضل من أنك تضغطي على نفسك وبالتالي ما تتوفقي لا سمح الله

الدكتورة ميرفت دي اذا مرشدتك كويس أما لو تدرسك استديو فالله يعينك عليها شويه ><

بالتوفيق لكم

[leeloo]

الله يعطيكي العافية ي عسل وشكرا على الرد .. لا ان شالله اول استديو مع دكتورة ابتسااام خميس .. يبغالي اشوف كيف احزف شي

[ملآك الكون]

دحين انتي أخذتي المستوى ٢ ثقافه لانو لو مااخدتي ماينزلوا الدرجه..انا مو دا التخصص بس حبيت اسأل

[noHope]

متى يقفل الحذف و الاضاقة ؟