ابا اتاكد من معلومة مهمة رجاء افيدوني (أحياء)

[Ana555]

السلام عليكم جميعاً

عندي اسئلة كتيره في بالي مابا اطفشكم بس بلييز جاوبو على اي سؤال تبووه


دحين انا ان شالله حتخصص أحياء
وناوية ادخل تقنية حيوية بإذن
ومعدلي 3 وابا ارفعو ل 4 ان شالله
مو عارفة ايش حكاية الحذف والاضافة


المعلومة اللي ابا اتاكد منها هوا ممكن تكون فيه مواد في الخطة وما تكون متطلب لتخصص الهندسة الوراثية يعني حاخدها عالفاضي مثلا ؟؟


1 دحين ابا اعرف اذا مشيت على خطتهم حتكون صعبة عليا وطويلة و هل حتنزل معدلي ولا في خطة اسهل ؟؟


2 ابا ارررفع معدلي مرره حسب ما جربتوا تتوقعوا اقد ارفع معدلي ل 4 في خلال 3 مستويات ؟؟؟

3 ورآثه عآمه بيولوجيآ الخليه حسب الخطة بالترم التاني مع بعض , حيكون صعب ولا اخد كل مادة بترم ؟؟؟



واخر شي واهم شي واهم طلب أرجوووووووووووووكم ابا احد متخصص يزبطلي جدول يكون معقول ويرفع المعدل ويفيدني في تخصص الهندسة الوراثية بس ما يكون فيه صيفي ويكون فيه مواد حرة ترفع المعدل مرره ,,

واكوووون لكم من الشااااكرييييين والداعين لكم في ظهر الغيب ^_^

[بيو كيميائية ^_^]

شوفي الخطة تبع الترم الأول مافيه إلا مادتين صعبين إذا بتاخذي العضوي مع نسرين ضيفيها لا لاتاخذيها

خذي كيمياء حيوي بدالها

غير كذا لاتخلي البيولجي مع الوراثة كل وحدة في ترم عشان لازم تجيبي فوق 85

وإن شاء الله تقدري توصلية بس لاتقلي عن 85 في المواد ويفضل لاتقلي عن 90

مواد أربع ساعات إذبحي نفسكـ فيهمـ عشان هم اللي يرفعونك وهم اللي يخسفونكـ

إمشي على الخطة عشان إذا إتخصصتي لا يصير عليكِ ضغط غير كذا المستوى الثالث مافيه صعوبة واجد

بس ذاكري محاضرة بمحاضرة لو ماذاكرتي ماراح تجيبي

حتى لو حطيت لك مادة بس

وخلي المواد الحرة في الأترام اللي فيها بيولجي و وراثة عشان تخفف عليكِ

[Ana555]

الله يسعدك كنت حاسة انك انتي اللي حتجاوبيني
دحين حبة حبة معايا بلييز
قلتي انو الترم الاول في مادتين صعبة كيميا عضوية (مع نسرين) طيب والمادة التانية ايش هيا ؟؟

كدا حتكون الخطة ان شالله الترم دا
شايفتها تمام ؟؟ احس انو ضغط 7 مواد

وايش التوزيع الافضل للخلية و الوراثة
يعني احط خلية بالترم دا واللي بعدو وراثة ولا المستوى الرابع خلية والخامس وراثة


ثقآفه إسلآميه1
آحيآء عآمه2
معمل كيميآء عآمه
معمل آحيآء عآمه
آمن وسلآمه مختبرآت
ك.عضويه لغير طلاب الكيميآء
لغه عربيه1


المستوى الرآبع
كيميآء حيويه لغيرطلاب القسم
ورآثه عآمه
بيولوجيآ الخليه
لغه عربيه 2

المستوى الخامس:
الآحيآء الدقيقه العآمه
النبآت العآم
الحيوآن العآم
آسآسيآت علم البيئه
ثقآفه إسلآميه2


بالنهاية كدا ايش رايك بالخطه بشكل عام

^_^

[بيو كيميائية ^_^]

المشاركة الأصلية كتبت بواسطة ana555 الله يسعدك كنت حاسة انك انتي اللي حتجاوبيني دحين حبة حبة معايا بلييز قلتي انو الترم الاول في مادتين صعبة كيميا عضوية (مع نسرين) طيب والمادة التانية ايش هيا ؟؟ أحياء 202 كدا حتكون الخطة ان شالله الترم دا شايفتها تمام ؟؟ احس انو ضغط 7 مواد لا مو ضغط أنتِ شوفيها كيمياء 281 بايخ جدًا أحياء 281 متوسط ثقافة سهلة أمن وسلامة من اسمها سهلة عربي سهلة كيمياء عضوي وأحياء بس اللي يبي لهم ذبح نفس وبعدين أنتِ فكري فيها على المدى البعيد لو أخرتي مواد بتتطلع لك مواد مع بعض في نفس اليوم إحتمال ضغط في الجداول الأترام الجاية يعني ممكن تنكبكـ وايش التوزيع الافضل للخلية و الوراثة يعني احط خلية بالترم دا واللي بعدو وراثة ولا المستوى الرابع خلية والخامس وراثة ثقآفه إسلآميه1 آحيآء عآمه2 معمل كيميآء عآمه معمل آحيآء عآمه آمن وسلآمه مختبرآت ك.عضويه لغير طلاب الكيميآء لغه عربيه1 المستوى الرآبع كيميآء حيويه لغيرطلاب القسم ورآثه عآمه بيولوجيآ الخليه لغه عربيه 2 المستوى الخامس: الآحيآء الدقيقه العآمه النبآت العآم الحيوآن العآم آسآسيآت علم البيئه ثقآفه إسلآميه2 بالنهاية كدا ايش رايك بالخطه بشكل عام ^_^

خلي المستوى الرابع بيولجي والخامس وراثة

خطتكمـ ترا حلوة أخف منا خطتنـا

[Haioof]

بيوووو حبيبتي

فيه وحده تمدح البيولوجي مع منى الشريف
وفكرت انو اخذو في المستوى الثالث يعني امي ع نفس الخطة بس ابدل بين الكيمياء العضوية بالبيولوجي
اش رايك ؟؟
تتوقعي سهلة ولا صعبة ؟؟
والبيولوجي كمان لازم اخذ فيها فوق 85 عشان ادخل هندسة وراثية ؟؟؟

[Ana555]

شكرا لكي الله يجزيكي الجنة ياااارب

طيب كدا تمام الحمدلله فهمت حاجات كتير

طيب كيميا عضوية اذا ما كانت مع نسرين يسير احذفها يعني
و الترم الجاي اضيفها موو واضيف بدالها كيميا حيوية صح ؟ (صعبة المادة ولا سهله)

دحين خلصت من هم الحذف والاضافة بفضل الله ثم بفضلك يا عسل

عارفه اني بس اسال بس استحمليني معلييش

طيب الوقت انا كان نفسي اخلي دوامي تلاته ايام بالاسبوع عشان اقدر ازاكر للاختبار او اقد احضر بحث معين طلبتو الاستاذه فاهمه قصدي موو

بس في مواد 4 وحدات يعني كيف حتتتوزع ع كدا
يعني عادي اقدر اخليه تلاته ايام بالاسبوع ؟؟ ولا ح يأثر

واذا خليتو كل ايام الاسبوع حنضغط وقت الاختبارات وفي الواجبات وكدا ؟؟
ولا عادي

وااخر شي خلاص ما حطفشك اكتر ايش المواد الحره او العامه وايش اسهلهم ويرفع المعدل ؟؟

[بيو كيميائية ^_^]

المشاركة الأصلية كتبت بواسطة haioof بيوووو حبيبتي فيه وحده تمدح البيولوجي مع منى الشريف وفكرت انو اخذو في المستوى الثالث يعني امي ع نفس الخطة بس ابدل بين الكيمياء العضوية بالبيولوجي اش رايك ؟؟ تتوقعي سهلة ولا صعبة ؟؟ والبيولوجي كمان لازم اخذ فيها فوق 85 عشان ادخل هندسة وراثية ؟؟؟

أنا ماأعرفها لأنها في الفيصلية

والله ماأدري

لأنك بتاخذيها مع أحياء 202 يعني مادتين حفظ ودش

وبيولجي ماهي سهلة ترا يبي لها

فأخاف عليكِ تهتمي في وحدة وتهملي أحياء2 وهي بأربع ساعات

لو مابتهملي عادي

المشاركة الأصلية كتبت بواسطة ana555 شكرا لكي الله يجزيكي الجنة ياااارب طيب كدا تمام الحمدلله فهمت حاجات كتير طيب كيميا عضوية اذا ما كانت مع نسرين يسير احذفها يعني و الترم الجاي اضيفها موو واضيف بدالها كيميا حيوية صح ؟ (صعبة المادة ولا سهله) دحين خلصت من هم الحذف والاضافة بفضل الله ثم بفضلك يا عسل عارفه اني بس اسال بس استحمليني معلييش طيب الوقت انا كان نفسي اخلي دوامي تلاته ايام بالاسبوع عشان اقدر ازاكر للاختبار او اقد احضر بحث معين طلبتو الاستاذه فاهمه قصدي موو بس في مواد 4 وحدات يعني كيف حتتتوزع ع كدا يعني عادي اقدر اخليه تلاته ايام بالاسبوع ؟؟ ولا ح يأثر واذا خليتو كل ايام الاسبوع حنضغط وقت الاختبارات وفي الواجبات وكدا ؟؟ ولا عادي وااخر شي خلاص ما حطفشك اكتر ايش المواد الحره او العامه وايش اسهلهم ويرفع المعدل ؟؟

يب

تقدرين تخلين المحاضرات أحد وثلوث ويوم لاب مثلًا يوم الإثنين أو السبت

وخلي الربوع اوف أو خفيف

بس مو شرط يطلع لك اوف

حاولي ولو ماضبط لك عادي مرة ثاني يضبط معاكـِ

العامة هي العربي والثقافة سهلين طبعًا

الحرة فيه مواد واجد

مثل مؤسسات ومصادر وفلك وسيرة وصحة نفسية ومقدمة علم النفس

[Ana555]

شكرا ليكي يااا عسوووله
الله لا يحرمنا من امثالك

ان شالله خير يارب
الين دحين ما نمت من امس المغرب صاحيه بس طووول الليل اقرا عن النواد وازبط الشعب وازبطلي جدول كدا يريحني

الله يكتب الخير للجميع وبالتوووفيييق