مادة بحث وتدريب مع الدكتور مجبور النمري كيف؟

[mody-09]

كيف الدكتور وكيف اسلوبه رجاء الي عندو معلومة لا يبخل علينا وكمان فين افضل مكان للتدريب

[ღ king of loveღ]

انا حطوني مع فيصل المالكي الله يستر بحاول اغيره
يا باشيخ او النمري يقولو مرره كويس
الحقيقه انا ما درست عنده ولا ماده للحين
الفصل هدا اخذ عنده تطبيقات بالحاسب والله يعين الجميع

[alix]

انا درست عند مجبور تطبيقات بالحاسب
اما بالنسبة لماد البحث والتدريب ما اخدتها عندو بس طريقة الدكتور يقلك لخص اي بحث متعلق بالمحاسبة وفي نهاية الترم يناقشك على البحث وبالنسبة لمكان التدريب يقلك شوف اي مكان واتدرب فيه

اما الدكتور عبد اللطيف باشيخ تاخد عندو a+ وانت مغمض عينك
طريقة الدكتور يقلك روح نادي المحاسبة او مكتبة القسم تلاقي عندهم مجلدات عن المحاسبة يقلك اختار موضوع في المحاسبة ولخص الموضوع تقريبا في صفحتين او ثلاثة بعد ما يشوف التلخيص يقلك كمان لخص الي انت لخصتو في صفحة وحده
اما بالنسبة للتدريب يقلك روح اي مكان واتدرب فيه

انا اخدتها عند محمود باعيسى << الحمد الله اخدت عندو الدرجة كاملة
يطلب منك الدكتور بحث في اي موضوع عن المحاسبة او المراجعة
وتقرير عن المكان الي تدربت فيه
وفي نهاية الترم يناقشك على البحث والتقرير
البحث الي سويتو انا كان 8 صفحات فقط طبعا الدكتور ما راح يقلك في كم صفحة
اهم شي مكان التدريب << مو تروح اي مكان ... لان بعض مكاتب المحاسبة ما راح يدربك على الواقع العملي
راح يقلك اقرأ معايير المراجعة واذا في شي منت فاهمو قول لي وانا اشرحلك .
طبعا الدكتور ما يحب المكاتب الي زي كدا ..انت درست محاسبة نظري كمان تروح مكتب ويقلك اقرأ معايير ومدري ايش ... لازم تطبق عملي

[alix]

انا تدربت في مكتب ارنست ويونغ وهي تعتبر واحده من الشركات الأربعة الكبار
عندك كمان : برايس ووتر هاوس, ديلويت, كي بي أم جي

[أبو عبدالعزيز2020]

بوركت يا alix على هذه المعلومات الهامة

[mody-09]

شكر alix
بس يعني احول وله خلاص ابقى عند الدكتور لانه كل الطلاب يبغه شعبة التدريب عند الدكتور عبد اللطيف باشيخ

[alix]

خلاص خليك عند مجبور مابو شي الدكتور كويس

اهم شي وقت المناقشة لازم تكون فاهم موضوع البحث الي سويته لانو راح يسألك فيه << عاد انت اقعد افتيلو من عندك

ويطلب منك تقرير عن المكتب الي تدربت فيه << 'طبعا انت الي تسوي التقرير

وراح يسألك عن المكان الي تدربت فيه

اذا تعرف مكتب تدرب فيه يعني يزبطك يكون احسن لان نهاية التدريب راح يقيمك الي كان يدربك يعني لو

تعرف احد يكون احسن

لان تقييم المكتب مهم عند الدكتور مو بس الدكتور مجبور
اغلب الدكاتره مهم عندهم تقييم المكتب

,,,موفق ان شاء الله ,,,

[يارب أتخرج]

الله يعطيك العافية