نصائح قبل يوم السبت

[البارود2007]

بسم الله الرحمن الرحيم

والصلاة والسلام خير المبعوثين محمد ابن عبدالله ... وبعد

كل عام وانتم بخير وسنة جديدة ومليئة بالجد والإجتهاد أنا أخوكم طالب من دفعة 10 لكن أحن للأيام اللتي أنتم مقبلين عليها السنة التحضيرية (الكبوس الكاذب) سمعنا إشاعات إنو السنة هذي أصعب سنة بالصراحة والله هي أخف سنة على مدة السنتين إللي درست أنا فيهم ولكن همها في الضغط إللي راح تواجهو والتحدي الكبير لكن والله بعزمتكم وإصراركم إذا كل واحد شاف معدلو عالي سرعان ماينسى تلك المتاعب لعبة السنة التحضيرية هي لعبة نفسية وليست مواد دراسية صعبة كل ماتم دراسته في الثانوية يعاد بشكل أوسع قليلاً وباللغة الإنجليزية أو العربية في الأقسام الإدارية مواد جدا ً سهلة وماينشلها هم لكن مانفلت ونفل وننسى لازم نضبط أنفسنا.راح أطرح بعض النصائح تحت

-الدوام من أول يوم وليس من ثاني أسبوع كما يروج لكم لأن جداولكم جاهزة ولاتحتاج للحذف والإضافة.

-الغياب إياكم والغياب لأنو الطالب إللي يغيب يحرم نفسو من الزيادات(Curve up) ويمكن ياخذ حرمان من المادة (DN) والحد الأقصى للغياب 25% من إجمالي عدد المحاضرات والطالب الذي لايغيب يكون موقفه أقوى عند طلب أي شيء من دكتور المادة أو المنسق.

-التأخر على المحاضرة أكثر من 5 دقائق يجعلك متأخرا ًعن المحاضرة وبعد الــ10 دقائق غائباً

نجي للطرق المذاكرة

-الدكتور اللي ماتفهم معاه توجه فوراً إلى مكتبة الشقري واشتري الملخصات لاتكابر على نفسك الدكتور ماراح ينفعك ولو قاعدت تكت عشان تجامل دكتورك حاتمص حمر

-أغلب الدكاترة شرحهم سطحي ومبسط والبعض يفتح الله لاشرح ولاهم يحزنون عكس أسئلة الإختبار إللي تجي بشكل متعمق في المنهج للذلك إحرص على الملخصات الجيدة وقت شرائها.

باختصار الملخصات في المقام الأول للمذاكرة ماعدا الحاسب ومهارات الإتصال

خلاصنا من طريقة المذاكرة نجي للبعض الملخصات الجيدة اللي فادتني أنا شخصيا ً(أنا هنا لا أسوق للأي مدرس أو أعمله دعاية)

-الكيمياء: أستاذ سايد ساكن في السلامة ملخصتو مرررة جيدة

-الإحصاء:عليكم بملخصات أشرف بركات

-الأحياء:تست بنك

-الرياضيات:في أشرف بركات وفي عبدالعزيز الحريشي وأنا أنصح بـ الحريشي

-الفيزياء:أشرف بركات وبقوة

بالنسبة للكتب خذو كتاب الرياضيات وبس عشان الواجب كمان لأنو الكتاب شرحو مو قد كذا

والإنجليزي ذاكرو من المقرر إلي حيعطوكم هو

والسلام عليكم ورحمة الله وبركاته

[جيزان]

ماشاء الله عليك كفيت ووفيت
وفعلا كلامك كلللله صحيح
والسنه التحضيريه مو صعبه ولاشي .. هيا فعلا كااانت مرحله جديده ومختلفه عن الثانوي مليون في الميه وراح تحسون بفرق واختلاااف كبييير عن الثانوي
في الجامعه انت تجري ورا نفسك وتعرف مصلحه نفسك
وهيا مثل ماقال الاخ دروس من الثانوي معاااده وماافي تقريبا شي جديد بس بلغه مختلفه

باااختصاااار السنه التحضيريه هيا لعبه نفسيه فقط
يعني انا بصراااحه مااشوف شي جديد عن الثانوي في المناهج .. بس الاسلوب والمكان والتعليم والنظام وطريقه المذاكرة ومراجع المذاكره هوا الي راح يتغير
وهذا الشي للأسف أثر عليا كثير ونزل معدلي بسبب الاحباط والشعور بالضعف
فنصيحه من اخت لكم مهما شفتوا شي صعب لاتقولوا كيف ننجح ؟ كيف نجيب معدل ؟

هذا الافكار هيا الي فعلا راح تنزل معدلكم

ذاكروا اول بأول + لاتهملوا الملخصات + اسئله السنوات الي فاتت لاني تجي منها كثير

وياااااااااااااارب السنه الجايه نشوف كل واحد دخل رغبته والتخصص الي يحلم فيه

مشكووووووور اخوي ع الموضوع واسفه اني كتبت بس فعلا من كلامك تذكرت نفسي مثل هالايام

[SoSoooo B]

جزاك الله الف خير على النصائح والله كلامك صح 100%
والله يوفقكم دفعة 12 وتخصصوا في اللي تبغوه :)

[قادم]

والله كلام يفرح القلب

طيب ومكتبة الشقري وين تصير؟

[AM00NA]

^^
مكتبة الشقري مقآبل كلية الهندسة ..

[قادم]

المشاركة الأصلية كتبت بواسطة am00na ^^ مكتبة الشقري مقآبل كلية الهندسة ..

مشكورة اختي طيب وهالمكتبة فيها كل الملخصات؟

[lovely one]

نصيحه لوجه الله اذا محا تذاكرو اول باول لا تفكر انك تجيب درجات عاليه ولا تحلم اصلن تخش التخصص الي حلمت فيه ... ولا تحسب نفسك عبقري زمانك وانا كنت انجح في الثنوي بدون ما ازاكر او الماده دي ما تحتاج مذاكره <<< لا تعملو غلطتي x|...
يعني حددلك اوقات او ايام تزاكر فيها دايمن لا تسيب نفسك لاخر اسبوعين لانك محا تفلح انا ما ابى احطمكم بس خذو العظه والعبره مننا ما في داعي تتعاد ماساه التحضيري كل مره وناس تتحطم وناس تسحب وناس على حافه النجاح !!
تانيا لا تشغل نفسك في الطب ولا الهندسه ولا الفيزيا كم عدد الطلاب الي يقبلوهم او اهتم باي ماده و اطنش اي ماده
..ذاكر المواد كلها كويس لا تهمل الماده الفلانيه او ما تهتم بالماده العلانيه ... لانو في الاخير حتتقبل بمعدلك العام وليس فقط النسبه الموزونه الي رشحتك للكليه الي تبغاها ... ما اقصد انك ما تسأل بالمره بس لاتشغل وقتك وتفكيرك باشياء محا توصلها من غير المعدل
ثالثا : طنش تعش تنتعش ...طنش الاشاعات والناس السلبيه الي حولينك اسمع من هنا وطلع من هناك ممكن تمر عليك فتره من الفترات تقول ياعمي هيا شهاده وبس ما يفرق اش التخصص الي حدخلو ... او تقول انا جبت العيد في الاختبار الفلاني خلاص انا غاسل يدي من الجامعه و ما يفرق معايا انجح ولا ارسب في اختبار بكره <<لانك كدا حتاثر بسلبيتك على الاختبارات الي بعدها
اذا حسيت دكاترتك فاشلين اعتمد على المخصات والكتاب و اسئله السنه الي فاتت
و اختر التخصص الي يناسبك اعمل اختبارات في النت او في دورات تبين اش ميولك
صدقوني على قد جهدكم حتجيكم الدرجات
ازا زاكرت كويس وجبت درجات وحشه ف تاكد انو في حاجه غلط سواء في طريقة مذاكرتك للماده او في طريقة توصيل الملخص الي بتزاكر منو لمعلومات المنهج ... لا تحسس نفسك انو انتا الضحيه و الجامعه تباكم ترسبو باي طريقه لأ اعمل الي عليك والباقي على ربنا
ربنا يوفقكم جميعا و يسهل اموركم

[AM00NA]

المشاركة الأصلية كتبت بواسطة قادم مشكورة اختي طيب وهالمكتبة فيها كل الملخصات؟

العفو ..
مكتبة الشقري
تلآقي فيها
جميع الكتب + ملخصات اشرف بركات + ملخصات طلعت سآلم ..

وفيه مكتبه 2000
( اللي اعرفه انها قريب من كارفور وجنبها بآسكن روبنز )
تلآقي فيها
ملخصآت جمال السعدي + يوسف زويل ..

[تركي4444]

موضوع بطل والله


انا عندي عدة نقاط اشوفها مرة مهمة

1 / لازم تذاكرو اول بأول

2 / نصيحة لا تعتمد على دكتور المادة


3 / اذا تقدر تاخذ مدرس خصوصي خذ


4 / ركزو على نماذج الاختبارات تبع السنوات الماضية واللي اختبرو قبلكم



5 / اول اختبار حاولو تجيبو فيه اعلى درجة لانه غالبا يكون سهل وراح يعطيكم دفعة معنوية للاختبارات القادمة


6 / حاول تبعد عن المحطمين ولا تصاحب الا الناس المواظبين والشطار اللي بيفيدوك على عكس المبزوطين اللي بيودوك في خبر كان


7 / وعشان اكون صريح معاكم

انا كنت اخذ خصوصي عند زويل للكيمياء والفيزياء


وجمال السعدي للرياضيات والاحصاء وهما صراحة يجي منهم وساكنين في حي السليمانية

واانا اخترتهم عشان قريب من بيتي


لكن كثير عيال كانو معتمدين على اشرف بركات ويمدحونه صراحة بس مشكلته ساكن بشمال جدة

8 / زي ماقالو الاخوان اللي فوق التحضيري صعوبتها في الحالة النفسية اكثر من صعوبة المواد الدراسية

لكن انا متأكد انو كل واحد عنده طموح وياجبل ماتهزك ريح يعني حط في بالك انها سنة بتتعب فيها وتشد حيلك وتذاكر اول بأول وربنا في الاخير ماراح يضيع تعبك


وبتصير دكتور ولا مهندس ولا مبرمج و........الخ

وبعدين تذكرو

ان الله لا يضيع اجر من احسن عملا ومن يتق الله يجعل له مخرجا ويرزقه من حيث لا يحتسب


يعني لا تنسو القرب من الله فوالله انو بالقرب من الله راحة في قلبك وطمأنينة ووقار


وخلي واسطتك الوحيدة هي الله اعز ما في الوجود القادر على كل شي


يعني حاولو تكثرو من الدعاء والاستغفار ورضا الوالدين فوالله ان رب دعوة من الوالد او الوالدة نغير حالك من حال الى حال .



وكمان حاولو تبعدو عن المعاصي


يعني زي ما انتو عارفين ان العلم نور ونور الله لا يعطى لعاصي


وفي الاخير سامحوني عالاطالة انا عارف اني طفشتكم وتحسبوني مطوع


لكن والله قلت ماخرج من الموضوع الا بعد ماكتب كل اللي في قلبي

فأنا اعتبركم اخواني واخواتي

ملاحظة / في تباين في الاراء حول المدرسن الخصوصيين يعني انا استفدت منهم فلذلك احبهم وانصح بهم واحد غيري ماناسبوه راح يسبهم ويذم فيهم وهكذا وكمان عندكم شغلة المذاكرة اول بأول مو معناتها انك تحبس نفسك في البيت وتعزل نفسك عن المجتمع لازم يكون عنكم اوقات فراغ عشان ترجع متحمس للمذاكرة من جديد


تحياتي لكم ومعليش عالفلسفة الزايدة

[glass fleet]

الله يوفقكم يارب انا راح اضيف شيء واحد بس
انه فيه ناس تصعب عليهم الملخصات فا يجربوا يحضروا عند الدكاتره اللي يشرحوا كويس معليش لو تاخرت او فوت البريك عليك بس اهم شيء انك تفهم, واسألوا الدكاترة في كل شيء روحولهم في المكتب كتييير يكون تعاملهم راقي وماراح تخسروا شيء بالعكس راح تستفيدوا اكثر مما تتوقعوا.., وان شاء الله تتفوقوا وتقبلوا في الكليات اللي تتمنوها.