الإعفاء من الرسوم

[قموره اموره]

السلام عليكم ورحمة الله وبركاته

يا جماعة رحت برمضان عشان الإعفاء قالولي الحين وقت المستجدين تعالي بشوال

متى يبدا التقديم بشوال احد عنده خبر؟؟

[*$ الوردهـ الورديه $*]

افيدونآآآ يا عالم،،،

[لمار عزوز]

تقريباً بنهاية شهر11 أو بداية 12

[قموره اموره]

المشاركة الأصلية كتبت بواسطة لمار عزوز تقريباً بنهاية شهر11 أو بداية 12

متأكدة

قلبي يقول لي روحي الأسبوع الجاي واسئلي

اخاف يفوتني الوقت

والمرة قالت لي شوال مو ذو القعدة

[لمار عزوز]

العام بدا بـ 16 /11
أكيد الحين بيتأخر شوي

[جــــ طموح ــــامعي]

بالتوووفيق اختي

[miss-busy]

أحسن ننتظر التقويم ونشوف متى يبدأ

ويارب مايأخروه عشان نلحق قبل المحاضرات


وانا قلبي يقولي بداية السنة روحي للجامعة وانشبي في حلوقهم لين يعفوك غصب ولا تنتظري تقديم ولا يحزنون

[العمدهA]

وعليكم السلام ورحمة الله وبركاته
اسمعي نصيحتي وإن شاء الله راح يعفونك

اولا/ لازم النسبة تكون فوق 2.75
ثانيا/ شوفي التقويم متى يبدأ وقت السداد وبعدين زبطي خطاب يوضح وضعك الاجتماعي
من ديون وقروض البنوك على ولي امرك واذا البيت ايجار سجليه واذا كان الوالد او الوالده
او انتي لا سمح الله عند مرض مزمن او قد اجرى عملية مثل القلب المفتوح او اي عمليه كبرى
سجليه وسجلي ايظا راتب ولي امرك الذي يتقضه سواء كان على راس العمل او متقاعد

ثالثا/ كل ما ذكرتيه في الخطاب ارفقي منها صوره مع صورة بطاقة ولي امرك
وكل ما هو ملون باللون الاحمر يدل على ذلك

رابعا/ وانتي بتقدمين الخطاب الاعفاء نصيحتي خذي معاك الوالد اذا كان موجود
او الوالده في غياب الوالد وتوجهي الى مدير الاعفاء مباشرة المكتب بجوار
عمادة القبول والتسجيل وادخلي عليه وخلي ولي امرك يشرحله الوضع
واذا قال قدمي على البرنامج الاعفاء عن طريق النت قدمي وانتظري النتيجة
اذا قبلوك كان به واذا رفضوك ارجعي لمدير الاعفاء ولا تروحي لاحد غيره مهم كان
واذا اخذ الخطاب واكتب عليه رقمك الجامعي فا عتبري نفسك خلاص من المعفيين من السداد

ونصيحه لاتروحي تقدمي على القسم النسائي ما راح يعطونك وجه

انا سوت كذا والحمدالله هذا الترم الثاني معفي من الرسوم
وايظا اخواتي الثلاثه سويت لهم في رمضان مثل كذا واعفاهم من الرسوم

تريني الدكتور الاعفاء مرررررررررررره متواضع ويتفهم الوضع بكل اريحيه

وموفقه باذن الله

ولا تنسيني من دعائك

[miss-busy]

وايظا اخواتي الثلاثه سويت لهم في رمضان مثل كذا واعفاهم من الرسوم

لو تصير أخوي يوم واحد بس


الله يكون بالعون ان شالله

[ديديAA]

لو سمحت يا العمدهa اعطني اسم الدكتور..
لأني انا قدمت العام عن طريق النت والشروط تنطبق علي..
وما قبلوني.. مع ان معدلي4:30
وابغى أبوي يروح للدكتور وينفع يروح الحين قبل موعد التقديم للاعفاء