ساعدوا المسكين

[algarny93]

السلام عليكم ورحمة الله
يا اخوان انا طالب جديد في جامعة ((عزوز)) تحضيري
وانا ابغى ادرس علوم حاسبات ان شالله << كم المعدل المطلوب لدخول هالقسم؟؟
وثاني شي .. سمعت انه في مدرسين خصوصيين<< هل هم مهمين << يعني قصدي بيساعدوني على رفع المعدل<< واذا كان كذا .. وينهم؟ وكم ياخذون؟وهل في اسماء معروفة؟؟

[د.كلي اشراقة وطموح]

مممم بالنسبة للمعدل ترى كل سنة يزيد يعني شوف حق ذي السنة وزيد درجتين تقريبا عليه "مع انو مره بدر عليك تسأل هالسؤال"انت اهم شي شد حيلك والباقي ربي ييسرو
ثاني شي ما انصحك بمدرسين خصوصين من بداة الترم احيانا الدكاتره يكونو كويسين مره
وعندك ملخصات كمان واذا ما فاد دا كلو شفلك مدرس

[memo_o]

بالنسبه للمعدل مادري بس نحنا البنات اقل موزونه قبلت بالكليه 86 لانو القبول بالنسب الموزونه ماعتقد فيه علوم حاسبات بس هذا بالنسبه للحاسبات وتقنية المعلومات واعتقد انو القسم اللي انتا تقصدو

وهذا متطلبات التسكين لهذا القسم اخدتها من موقع الجامعه

كلية الحاسبات وتقنية المعلومات
معايير التسكين

اجتياز جميع متطلبات السنة الأولى بنجاح.
+

الحصول على تقدير جيد جداً b) 80) بحد أدنى في جميع المواد التالية
إنجليزي ( elcs101 - elcs102 ) – مهارات الحاسب.
+

الأفضلية للمعدل النسبي الأعلى و حسب الطاقة الاستيعابية للكلية .

[algarny93]

شكرا د.كلي اشراقة وطموح
بس تعرفين الخوف والحماس والرغبة شغالة فيني من الحين
شكرا ياميمو
بس وش المقصود بالموزونة
يعني برضو الموزونة لاحقتنا في الجامعة؟
والانجليزي المهم فيه الاول والثاني بس؟ ولا كيف

[Eng.SouL]

انت ابدا دراسة اول شي بعدين لاحق تعرف النظام وهالرابيط

وبالنسبة للانجليزي انتم عندكم ٤ مستويات لكن الدفعات ٩ و١٠ كانوا يدرسون مستويين بس
الموزونة هذي نسبتك في السنة التخضيرية تنحسبلك من ١٠٠ زي نسب المدرسة بالضبط ومالها علاقة بالقدرات او التحصيلي او درجات الثانوي

بالنسبة للمدرسين الخصوصيين.. انا الحمدلله ما قد جاني مدرس ودخلت هندسة، واعرف طلاب جاهم مدرسين وراسبين وطلاب ما شموا ريحة المدرسين وداخلين طب (المدرس ما يشكل فرق كبير)
كله يعتمد على الطالب وقابليته في تلقي المعلومة والتأقلم مع الطريقة الجديدة للمذاكرة
وحط تحت كلمة تأقلم عشرة خطوط
الملخصات تغنيك عن حضور المحاضرات حتى
انا ما شفت دكتور الفيزيا الا مرتين بحياتي وجبت بالاختبار النهائي ٣٨ من ٤٠، كله يعتمد على عقلية الطالب واجتهاده الشخصي لان كل مادة لازم تذاكرلها قبل الاختبار باسبوع عشان يمديك تخلصها صح وتراجعها

راجع المواضيع اللي فيها نصايح للطلاب المستجدين وان شاء الله تستفيد

[dr-sh0sha]

والله ي اخوي اللي اقدر اقوله دحين انك تحاول تجيب معدل عالي اعلى من 4.5 عشان حتى لو بعدين غيرت رأيك متلا تدخل الكلية اللي تبغاها وانتا مرتاح .....

بالتوفييق اخوي ..

[algarny93]

شكرا لكم اخواني عالردود الطيبة
واسأل الله ان يعدي هالسنة على خير

[rival soul]

Eng.Soul
كلامه صح ومية مية بالنسبة للمدرسين الخصوصين حتى انا دخلت هندسة بدون اي مدرس انت اهم شي تشد حيلك وتعيش جو الجامعة يعني لاتقعد تحط براسك متى تخلص المحاضرة بنطلع نفرفر ولا في نص المحاضرة تقعد على البي بي خخخخخ يعني محاضرة ركز قد ماتقدر واحضر عشان لاترسب لانو ليك عدد معين من الغيابات وفي دكاترة مايحضرو وكان في واحد دكتور مايحضر عندنا جا بعد شهر حضر شاف في غياب كتير صار احيانا واحيانا يحضر وفي النهاية كم واحد راحو فيها فانتبه احضرها كاااااااااملة المادة الوحيدة اللي عادي غيب براحتك الانجليزي لانو عندك 18 غياب وبعدين حرمان بس سيبها للاسبوع قبل الاختبارت اذا كنت بتغيب وتقعد تذاكر والله يوفقك بس زي ماقلتلك احضر وذاكر وسوي اللي عليك وبعدين روح فرفر وخلص عشان لاتشغل مخك ولايحتاج مدرسين ولاشي عندك ملخصات في مكتبة الشقري وقرطاسية 2000 على خط سوق السلمانية وطبعا كل تيرم ينزلو جديد مو شرط نفس حقتنا وبالتوفيق ^_^

[algarny93]

المشاركة الأصلية كتبت بواسطة rival soul eng.soul كلامه صح ومية مية بالنسبة للمدرسين الخصوصين حتى انا دخلت هندسة بدون اي مدرس انت اهم شي تشد حيلك وتعيش جو الجامعة يعني لاتقعد تحط براسك متى تخلص المحاضرة بنطلع نفرفر ولا في نص المحاضرة تقعد على البي بي خخخخخ يعني محاضرة ركز قد ماتقدر واحضر عشان لاترسب لانو ليك عدد معين من الغيابات وفي دكاترة مايحضرو وكان في واحد دكتور مايحضر عندنا جا بعد شهر حضر شاف في غياب كتير صار احيانا واحيانا يحضر وفي النهاية كم واحد راحو فيها فانتبه احضرها كاااااااااملة المادة الوحيدة اللي عادي غيب براحتك الانجليزي لانو عندك 18 غياب وبعدين حرمان بس سيبها للاسبوع قبل الاختبارت اذا كنت بتغيب وتقعد تذاكر والله يوفقك بس زي ماقلتلك احضر وذاكر وسوي اللي عليك وبعدين روح فرفر وخلص عشان لاتشغل مخك ولايحتاج مدرسين ولاشي عندك ملخصات في مكتبة الشقري وقرطاسية 2000 على خط سوق السلمانية وطبعا كل تيرم ينزلو جديد مو شرط نفس حقتنا وبالتوفيق ^_^

شكرا لك يا باش مهندس

[Tony7]

بالنسبة للمدرس الخصوصي
اول شي انت كيف كان مستواك في الثانوية ؟
لانو اللي حتدرسو في التحضيري هو نفسو اللي في الثانوي
بس اللهم بالانجليزي حتاخدو وفي كم حاجة جديدة معاه

ثاني شي قبل ما تاخد مدرس خصوصي انت شوف الدكتور اللي حيدرسك
اذا في نظرك ما يعرف يشرح روح شوف دكتور تاني غيرو في الجامعة
يعني حول الشعبة قبل لا تشوف مدرس خصوصي
واذا ما لقيت مكان ليك في اي شعبة وقتها روح دور مدرس خصوصي


وبعدين ما شاء الله في دكاترة في الجامعة يعرفو يدرسو
انت لا تستحقر الجامعة وتسمع كلام اللي قبلك اللي يفتي عليك

وان شاء الله انك ما تحتاج مدرس خصوصي
بس احب اقلك حتى اذا كان دكتورك يعرف يشرح تحتاج انك تشتري ملخصات كمان