معلومات لا تسر لمن هو خارج جده لماستر الخدمة الإجتماعية

[خالدرر]

الله يسهلها يارب
.
.
.
تم الإستفسار من رئيس القسم عن اوقات الدوام للطلاب المقبولين لماجستير الخدمة الإجتماعية مدفوع التكاليف بقرار من مجلس القسم بأنه يومي الأربعاء والخميس إسبوعياً.

والله هذا مهلك لمن هو خارج جد خاصة لسكان الرياض والقصيم متعب جداً.

ياليت يكون مثل برنامج ماستر ادارة مستشفيات واغلب البرامج المدفوعة كل اربعاء وخميس اسبوع بعد اسبوع ومكثفة الدوام يكون كالتالي :
يوم الأربعاء من الساعه 1 ظهراً إلى الساعة 11ليلاً
ويوم الخميس من الساعه 9 صباحاً إلى الساعه 5 عصراً
بحيث تكون إجمالي مرات الذهاب للجامعه بالترم 6 مرات لأنها اسبوع ورا إسبوع وتكون مريحه للطلاب القريبين والبعيدين .

ياليت تتعدل حتى يكون فيه مجال لجمع البحوث والأمور المتعلقه بالدراسه ويكون فيه فرصه اوسع .

اتمنى للجميع التوفيق والسداد والقبول ...

تحياتي ...

[حلم الغرام]

حتى يوم الاربعاء الساعة 1 ظهرا ما يناسب بتاتا سواء للقصيم او الرياض... اصلا ماتخلص دوام اقل شيء

الا الساعة 12 ظهراً فكيف بيكون مناسب............

[عماد الحسن]

جزاكم الله خير لهذه الأخبار أخي خالد رغم أنها غير سعيدة لبعض الطلاب من خارج جدة
أتوقع إن القسم يعدل الخطة قريباً لتناسبكم أو يأخروا المحاضرات .. الله يكتب الخير.

[حلم الغرام]

كل ما تضيق صدورنا واقرء مشاركات دكتورنا عماد ترتاح خواطرنا... الله يريح بالك دوم....

للأمانه منطقياً كيف المقيم بالرياض يلحق على محاظرات الأربعاء وعنده دوام لحد الساعة 1 ظهراً كحد ادنى..

[خالدرر]

المشاركة الأصلية كتبت بواسطة حلم الغرام حتى يوم الاربعاء الساعة 1 ظهرا ما يناسب بتاتا سواء للقصيم او الرياض... اصلا ماتخلص دوام اقل شيء الا الساعة 12 ظهراً فكيف بيكون مناسب............

ياليتها تكون على كذا وبس.
لاتصير كل اسبوع والله مافيها مجال ابداً متى يمدي الواحد يجمع بحوثه من المكاتب ومتى يلحق صعب جدا خصوصاً انه لايمكنك عمل ابحاثك و متطلبات الدكاتره الا في ايام الأسبوع من السبت الى الثلاثاء وهذا جداً مستحيل للموظفين لمن هو (خارج جده وداخلها ايضاً) صعب مره ماعندك ويكند ابد كلها دراسه وعمل وزياده على ذلك تبي تدفع رسوم لكن الله يكتب اللي فيه خير وخيره .

أتمنى من المتقدمين لهذا التخصص إرسال رساله على إيميل الدكتور عائض بن سعد الشهراني
المشرف على البرنامج (ABS222@hotmail.com) لكي يتم تغيير الدوام اسبوع بعد إسبوع لكي يتناسب مع الموظفين لمن خارج جده وداخلها فالجميع مستفيد إذا كان اسبوع بعد اسبوع مل بعض البرامج الخاصه المدفوعه .

تحياتي....

[بطاش]

بس نقبل
والله لنا جدا مناسبة الأربعاء والخميس
الله يوفق الجميع

[king143]

أفا يالعلم

كيف الطالب يوفق بين عمله ودراسته وهو من خارج جدة؟

اتمنى اعادة النظر في الموضوع

[خالدرر]

وش صار على القسم هل هو مازال على قراره الدوام اسبوعياً ام تم التعديل الى اسبوع بعد اسبوع .
ياليت من لدية علم يفيدنا ...

[طالب الهمة العالية]

المشاركة الأصلية كتبت بواسطة خالدرر وش صار على القسم هل هو مازال على قراره الدوام اسبوعياً ام تم التعديل الى اسبوع بعد اسبوع . ياليت من لدية علم يفيدنا ...

بشأن الموافقه من العمل هل يكتبون الدوام مسائي حتى ناخذ درجة بعد التخرج او المستوى السادس ياليت الرد لمن قدم واخذ موافقة

[سليم العبدالله]

تم الحصول على الموافقة من ادارة تعليم مكة اليوم ولله الحمد

بس الدوام متى بالظبط باليوم والتاريخ