في بيتنا عمل سحري / الهيئة لاتتجاوب / أحتاج مشاركتكم ونصائحكم

[إحساس ناجح]

صباحكم فل وعسل أدخل في الموضوع على طول في 15 شعبان جبنا شغالة سيرلانكية مسيحية علشان تشتغل عندنا برمضان وكانت طيبة وشغلها حلو وأعطيناها غرفة وصالة لحالها فوق البيت يعني شيء متوفر لها في يوم 25 شعبان ليلة رمضان راحت الشغالة لأمي وقالت لها عندي عشاء بروح وأجي بعد ساعتين قالت لها الوالدة روحي وإرجعي بسرعة بعد نص ساعة من خروجها جاء أخوي الكبير مستغرب ويسأل ليش شغالتكم شايلة معاها عفش كامل أنا من أول حاس إنو وراها شيء مو طيب طلعت غرفتها بالفعل مافي ولاشيء شالت كل عفشها عدت ساعيتن ولارجعت إتصلت فيها الوالدة وأخواتي الجوال مقفل بديت أوسوس وأشك وكل خمس دقايق أطلع وأفتش الغرفة حقتها وما أحصل شيء وتاني يوم صحيت الصباح شفت الوالدة متوترة وقدامها كيس في شيء أسود سألتها إيش الهرجة أمي قالت صحيت الصبح بدري ورحت أشيل زبالة الحمام ( أكرمكم الله ) تقول ما أدري إيش خلاني أقوم وأروح أشيل كيس زبالة تقول لما دخلت الحمام وشلت الزبالة حصلت فانيلة ستريتش أسود حقت أخوي الصغير في كيس لوحده طلعتها وحصلت فيها دبابيس وعقد شريط أحمر وأبيض طبعا هي كم طويل بس الأكمام مو موجودة تقول الوالدة طاحت عيني على علبة الكلوريكس نزلتها وفتحتها وحصلت الأكمام داخلها وطلعتها وللمعلومية أنا كنت لابسها الليلة اللي خرجت فيها الشغالة ونزلتها وشكلها أخذتها بعدي وجمعت كل الأشياء وحطتها كلها في كيس وحطتها على جنب بس أختي الصغيرة الله يهديها فتحت الكيس وجلست تفك العقد وتقرأ المعوذات عليها ( لقافة زايدة ) اخذت الكيس ورحت أقرب مركز هيئة ويا ليتني مارحت أول ماوصلت أعطيتهم الكيس وشرحت لهم الموضوع وأكدو لي إنو سحر وقالو لي يصير خير بس إلين مايجي المختص بفتح الأعمال السحرية إرتحت وشكرتهم أنا ماهمني السحر إن شاء الله أكون أنا المسحور مو مهم بس مارفع ضغطي غير مركز الهيئة إلى دي اللحظة لا أحد إتصل علي ولا أحد يتجاوب معاي كل ما أتصل يقولون لي المختص مو فيه أمس إتصلت عليهم وشوفوا إيش ردهم أول ما إتصلت عليهم سألتهم : فين الشيخ قالوا لي الشيخ مو فيه قلت له والنهاية ثلاثة أسابيع ولاتقدرون تفتحون سحر قال لي معليش الكيس اللي جبته ضاع قلت له هذي نهايتها لاتهمتون ولا تقدرون قال يمكن كانو الموظفين يأكلون سمبوسة ونسو موضوعك ( شوفو الإحترام ) نهاية الموضوع إن الشيء اللي صار مايهمني بس مايزعل إلا لما تروح للمسؤولين وتحصل إهمال منهم ويستخف عليك والشيء اللي إستفدته إنو تنتبهوا لأي شغالة تجيكم مو شرط تكون طيبة ومحترمة ومسلمة أو كافرة أشكركم على مشاركتكم في مواضيعي وتقبلو تحياتي [motr] محبكم / إحساس ناجح [/motr]

[بيو كيميائية ^_^]

يالله فعلًا شيء يقهر

المفروض يكونوا مهتمين مو كذا مهملين


أنا أشوف تروح أفضل من الإتصال يمكن يصرفنوكـ

الله يبعد عنكمـ الأسحار


والحمدلله إحنا مانجيب شغالات ولا نحبهمـ الله فاكنا منهمـ والله لايحوجنا لهمـ

[RHF]

مممممممم احساس على طول الاشياء دي ودوها الشيخ يتصرف

//

ونصيحة لا توسوس تحسب انك انسحرت و كدا ، بازن الله ما يكون عملت حاجة حسبي الله عليها

مممممممم ممكن هي اخدت من اشياءكم ، عشان في حالة ضريتوها ، تضركم ،

لاكن برضو ودو الاشياء عند شيخ ،،

ولا اوصيك في التحصين ، وازا كنت متحصن ، ان شاء الله ما يكون حصل شي :)

الله يعين

[إحساس ناجح]

ما أبغى أروح لهم بيو
بس راح أكبرها معاهم
الله يعين بس

[إحساس ناجح]

المشاركة الأصلية كتبت بواسطة rhf مممممممم احساس على طول الاشياء دي ودوها الشيخ يتصرف // ونصيحة لا توسوس تحسب انك انسحرت و كدا ، بازن الله ما يكون عملت حاجة حسبي الله عليها مممممممم ممكن هي اخدت من اشياءكم ، عشان في حالة ضريتوها ، تضركم ، لاكن برضو ودو الاشياء عند شيخ ،، ولا اوصيك في التحصين ، وازا كنت متحصن ، ان شاء الله ما يكون حصل شي :) الله يعين

طيب وأنا فين وديتها لشيخ مختص بمركز الهيئة بس وقتها ماكان فيه
والله مو مزعلني إلا أمي اللي طوال وقتها قلقانة وتسألني إيش ردو
وأنا ما أبغى أقولها ضاع الكيس ويزيد همها

[صقر الشمال]

لاحول ولاقوه الا بالله العلي العظيم
سحر مره وحده دوبها جايه بعد حسبي الله ونعم الوكيل
لايكون حق الهئيه مسحور وكذا يتهرب
الحين وصل الطق بالراس السحر وصل ليه يصرفونك
وكل يوم ورا يوم
اكيد فيهم شي

[bint aboha]

السلام عليكم ورحمه الله وبركاته

اخ احمد بقولك شي حتى لو صار اللي صار ف منتدى اعرفه

كل الشيوخ فيه وراح يتعاونوا معاك لكن المشكله ممنوع اني احط

منتدى بقولها لك وانت ابحث عنهم إسمه منتدى الرقيه الشرعيه

منتدى مختص بأعمال السحر والرقيه وكل شي وإن شاء الله يساعدوك

وياليت تطمنا بعدين والله يحفظكم من كل شر

تقبل مروري

[RHF]

^

^

احساس والله مدري ايش اقولك

بس انتا ققولتلك لا تفكر في الموضوع ، وبالنسبة لمامتك ، قولها خلاص الحمدلله فكوه ، عارف عشان ترتاح ، ولا حتقعد طول الوقت موسوسة

احسلك لا تفكر في الموضوع كتير ، خلاص اتحصنو _ الشيخ يتصرف ، والموضوع كلو عند ربنا ،

وزي ما قولتلك مو شرط انها تكون عملت شي ، لانو كتير ياخدو من اثر الناس ، عشان في حالة يعني ضروهم ، يقومو وقتها يسحروهم ،

وحتى لو هي حاولت تسحركم لا سمح الله ، مو شرط يكون سار السحر ، كلو بيد الله

ولاكن يجب الاخد بالاسباب ،،

[إحساس ناجح]

المشاركة الأصلية كتبت بواسطة rhf ^ ^ احساس والله مدري ايش اقولك بس انتا ققولتلك لا تفكر في الموضوع ، وبالنسبة لمامتك ، قولها خلاص الحمدلله فكوه ، عارف عشان ترتاح ، ولا حتقعد طول الوقت موسوسة احسلك لا تفكر في الموضوع كتير ، خلاص اتحصنو _ الشيخ يتصرف ، والموضوع كلو عند ربنا ، وزي ما قولتلك مو شرط انها تكون عملت شي ، لانو كتير ياخدو من اثر الناس ، عشان في حالة يعني ضروهم ، يقومو وقتها يسحروهم ، وحتى لو هي حاولت تسحركم لا سمح الله ، مو شرط يكون سار السحر ، كلو بيد الله ولاكن يجب الاخد بالاسباب ،،

إلى الآن مافهمتي الموضوع كيف يتصرف الشيخ والكيس ضاع
الشيء الثاني الشغالة مالها كم يوم جديدة
ومافي أحد ضاايقها ولا أحد كلمها ولانعرف إسمها غير الوالدة
أنا مايهمني صار السحر أو لا
بس ليش دا الإهمال من الهيئة والأسلوب اللي تعاملوه معاي
عرفتي ليش زعلان ومقهور
شكرا لك

[إحساس ناجح]

المشاركة الأصلية كتبت بواسطة bint aboha السلام عليكم ورحمه الله وبركاته اخ احمد بقولك شي حتى لو صار اللي صار ف منتدى اعرفه كل الشيوخ فيه وراح يتعاونوا معاك لكن المشكله ممنوع اني احط منتدى بقولها لك وانت ابحث عنهم إسمه منتدى الرقيه الشرعيه منتدى مختص بأعمال السحر والرقيه وكل شي وإن شاء الله يساعدوك وياليت تطمنا بعدين والله يحفظكم من كل شر تقبل مروري

جزاكي الله خير أختي