نتيجه الاختبار البديل ،، مبادئ القانون <<< تعالوا شوفوا

[صدى الصوت]

السلام عليكم ورحمه الله وبركاته

قسم بالله طفشت من هالماده ،،، واظاهر كل اللي بالمنتدى عرفوا قصتي مع هالماده <<<قولوا إيه تكفون

عقب ماختبرتها وقعدت انتظرها شهور وأرسلت رساله للدكتوره سوزان
مدري أخر شي تكرموا علي وحطوا لي رمــز dn
<<<اصوم اصوم وافطر على بصل >>>

مو هذا العشم فيكم ياجامعتنا ويا دكتورتي سوزان
تكرمتي علي اخر شي برمز dn
<<< والله من شفتس وانا ماني مرتاحه لتس قلبي لاغشني منتس

يعني مادخلت الاختبار ولا ماكتبت اسمي ولا ماكتبت رقمي الجامعي
لا معليش ماراح اصدقكم بهذي السالفه
متأكده من بياناتي ورقمي الجامعي واسمي بالكامل وكتبت على ورقتي < اختبار بديل >

واختبرت بعد بالقاعه المخصصه حقت اختبار البديل ،،، يعني مو معقوله تخليني المراقبه اسلم ورقتي بدون بيانات ولا حتى ماتتأكد من بياناتي ...

والله مدري وش اسوي قعدت ابكي واصيح وحالتي حاله مومعقوله دبلت كبدي هالماده


تكفــــــون ياجامعه الخير ،،، وش السواه الحين ؟؟؟

ارسلت معامله الكترونيه وطلبت منهم تصحيح الدرجه وتعديل الرمز اللي مكتوب بكشف الدرجات ...

ابي اخلص من هالماده اللي طاولتني ،، عشان اقدر اخذ ماده قانون إداري على بدايه الترم إن شاءالله.

اللي عنده خبره بهالمنكح ياليت يفيدني

<<<يعني صاير له الموقف من قبل

بأنتظــــــاركم ..

[& طالب علم &]

بالنسبة للنتيجة التصحيح آلي يعني الجهاز لم يتعرف على رقمك الجامعي

ولو تقدري تراجعي الجامعة ( قسم شؤون الطالبات ) أونفس الكلية تسجلي طلب

وان شاءالله تتعدل النتيجة الموضوع سهل

وبالتوفيق بإذن الله

[صدى الصوت]

جزاك الله خير اخوي

بس انا ماني بجده ،،،، انا بالشرقيه

ارسلت لهم معامله ألكترونيه ،،، وبتصل على قسم شؤون الطالبات
مشكور للمره الثانيه .

[فهد العنزان]

الحل أختي صدى

تراسلي دكتوره المادة من خلال البريد الإلكتروني _ حتى تحل لك الاشكال _ أو تتواصلي مع الشؤون التعليمية بقسم الطالبات حل موضعك لديهم _ موفقه

[صدى الصوت]

أخ فهد

قسم بالله ارسلت لها للدكتوره بالأيميــل ومافي أي تجاوب
واتصل على قسم شؤون الطالبــات وبرضوا مافي أي تجاوب يرد علي الشريط الآلي <<< التوصيله المطلوبه لايمكن إيصالك بها
واليــوم ردوا على معاملتي الألكترونيه <<< يرجى مراجعه قسم شؤون الطالبات 6952556
بس هذا ردهم لي

عندك حل ثاني ؟؟؟

[االملتاع]

مافي إلا حل واحد

تطلعين جده وتجلسين على الاقل سبوع تطامرين وراء الدكتورة وان شاء الله تتعدل درجتك

حسبي الله ونعم الوكيل بس

[صدى الصوت]

الملتــاع
انا وين وجده وين ،،،
والدكتوره مصريه أكيد بتكون مسافره لأنها ماترد على الأيميــلات ،،
مو هين السفر

[فهد العنزان]

المشاركة الأصلية كتبت بواسطة صدى الصوت أخ فهد قسم بالله ارسلت لها للدكتوره بالأيميــل ومافي أي تجاوب واتصل على قسم شؤون الطالبــات وبرضوا مافي أي تجاوب يرد علي الشريط الآلي <<< التوصيله المطلوبه لايمكن إيصالك بها واليــوم ردوا على معاملتي الألكترونيه <<< يرجى مراجعه قسم شؤون الطالبات 6952556 بس هذا ردهم لي عندك حل ثاني ؟؟؟

أخت صدى

الدكتورة أكيد بتكون الأن في أم الدنيا " مصر " _ موضوعك معلق عندها , الحل انك تتواصلي مع مديرة مكتب العميدة بشطر الطالبات وسوف تفيدك على هذا الرابط _ http://girls-deanship.kau.edu.sa/con...g=AR&cid=46802
ونشوف لك حل ثاني إذا ما تم الرد عليك يا أخت صدى

موفقه

[صدى الصوت]

خلاص إن شاء الله
سجلت كل ارقامهن عندي وبكره من الساعه 9 الصباح ابدق عليهن وحده وحده وبشــوف
كود وحده فيهن تبري ذمتها وتكرم ترد علي .

مشكـــور والله يجزاك الف خير يارب.

[فهد العنزان]

المشاركة الأصلية كتبت بواسطة صدى الصوت خلاص إن شاء الله سجلت كل ارقامهن عندي وبكره من الساعه 9 الصباح ابدق عليهن وحده وحده وبشــوف كود وحده فيهن تبري ذمتها وتكرم ترد علي . مشكـــور والله يجزاك الف خير يارب.

متابع معك يا أخت صدى للموضوع وإذا ما فيه رد نشوف الحل الثاني والنهائي للموضوع
موفقه