خبرتكم يا كلية العلوم ^_^

[دافئ الإحساس]

لها تقريبا درجات المواد العامة امكن اسبوع تقريبا

نزلت ومهي عاجبتني درجتي ومني مقتنع فيها

فا اللي عندو فكرة يمديني اشوف ورقتي او ازا فيها غلط

تتعدل الدرجة ولا ممنوع ؟؟

مشكورين مقدما

[هنآدي العتيبي]

مآحبيت آخرج من الموضوع ومآرد...

صرآحه مآعندي فكرهـ زينه بس شوف عزيزي إذآ آنت وآثق من حلك ومتآكد آنك حليت تمآم روح ولاتسكت عن حقك وبعدين إنت مآطلبت منهم حآجه هذآي درجآت وبتآثر كثير على المعدل...

فآلك التوفيق يآآرب^_^

[~..candy..~]

احيانا يصير خطا في التصحيح مثلا يكون عندك ورق الاسئله نموذج والاجوبه نموذج أو خطأ في التضليل وهذي اخطاء واردة وتصير
راجع قسم المواد العامة مثلا للغه العربيه وكذا وعادي يخلونك تراجع بس لاتتاخر كثير
واذا في خطأ طبعا يعدلو
الله ييسرلك

[غموض..~]

مثل ماقالت كاندي
انا الترم اللي فات رحت راجعت ورقتي في وحده المواد العامه من عند السكرتيرة..
بس ما اعطتني ورقتي نفسها ..
طبعتلي ورقه فيها رقم السؤال واجابتي اللي اخترتها واذا حلي خطأ او صح..
وقالتلي روحي راجعي اجاباتك مع الاستاذه عندها ورقه الاسئله..
فمدري انتو زينا أو لأ
موفق ان شاءالله

[دافئ الإحساس]

اها اها

يسلموو ما قصرتو

وانا رايح إن شاء الله بكرة لنو عندي اختبار تاني وبالمره اشوف اش الهرجة تبع الدرجة دي

بالمره تجيب المغص

لني خرجت من الاختبار وانا متاكد حاخد اقل شي مره 25 درجة وشفت الغلطات في الكتاب اول ما خرجت من الاختبار

لكن حشوف كيف معاهم إن شاء الله

مشكورين

[~..candy..~]

المشاركة الأصلية كتبت بواسطة غموض..~ مثل ماقالت كاندي انا الترم اللي فات رحت راجعت ورقتي في وحده المواد العامه من عند السكرتيرة.. بس ما اعطتني ورقتي نفسها .. طبعتلي ورقه فيها رقم السؤال واجابتي اللي اخترتها واذا حلي خطأ او صح.. وقالتلي روحي راجعي اجاباتك مع الاستاذه عندها ورقه الاسئله.. فمدري انتو زينا أو لأ موفق ان شاءالله

ايوه انا كمان سويت زيك في العربي

المشاركة الأصلية كتبت بواسطة دافئ الإحساس اها اها يسلموو ما قصرتو وانا رايح إن شاء الله بكرة لنو عندي اختبار تاني وبالمره اشوف اش الهرجة تبع الدرجة دي بالمره تجيب المغص لني خرجت من الاختبار وانا متاكد حاخد اقل شي مره 25 درجة وشفت الغلطات في الكتاب اول ما خرجت من الاختبار لكن حشوف كيف معاهم إن شاء الله مشكورين

الله يسلمك ,, راجع ماتدري يمكن في خطأ الله يسهلك

[دافئ الإحساس]

رحتلهم وكلي واحد يصرفني للتاني وفي السكرتير حق وكيل الكلية

يقولي انو فيها عقاب تأديبي >>حاجة زي كده

هادا يعني لو طلعت الدرجة صحيحة وانا طلع كلامي غلط

طبعا نرفزني لا اراديا

قلتلو ما تديني التأديبي هادا لو ايه !!

قالي لي يعني !

قلتلو من حقي اشوفها وازا ما فيها شي انتهينا ومافي داعي للتأديبي دا

وسمع صوتنا الوكيل نفسو خرج من مكتبو ويقولو اش في

قالو هادا يبا يخترع قوانين للجامعه من عندو

طبعا هوا كداب قلت للوكيل مع نفسو ولا تصدقو واللهم اني صائم



قاي اتفضل عندي

وفهمتو بالهرجة قالي عادي روح لفلان آدمي ويصورلك اجاباتك ويشفلك هيا الصحيحة

من الخطأ

قلتلو مافيها تأديبي ومدري ايش ؟؟

قالي لا تشيل هم

وبس

الحمدلله يارب بس للاسف الرجال التاني مشي لنو اخر الدوام

مشكورين والله ع نصائحكم الطيبة ^_^

[~..candy..~]

ياالله من المسولين بس يبغو يصررفو ,, يلا ان شاء الله ربي يسهل

[دافئ الإحساس]

من جد شي ينرفز خلاني اتنرفز عليه ع الضهرية ديكا

الحمدلله بس

آآمين يارب