ندااااااااااااااء إلى LeLou ..........

[alma7rom]

السلام عليكم أخبارك

ان شاء بخير

بس حبيت استفسر منك بما انك درستي فيزياء ودحين مدري في أي سنة

بأنو في ناس تقولي بأن الفيزياء صعبة ووووووووووو .............. هو صح هذا الكلام والا مو .

وسؤالي الثاني حتى ولو كانت الفيزياء صعبة كيف اقدر اسيطر على دراستي

وأكون متفوق .....

ومعليش على الإطالة ...... بس والله خايف على مستقبلي .

[الشيمآء]

و عليكم السلآم و رحمة الله و بركاتـه :)

قد قرأت كتاب " يآ من تكرهـ الفيزياء " ؟!
طالبة من جامعتنا اسمها " نهى الحبشي " مألفتو :)

طالبة تصدر كتاب إلكتروني مجاني: يا من تكره الفيزياء
اقرؤو ، إن شاء الله بيفيدك ^^"

[alma7rom]

يعطيك العافية وما قصرتي

[LeLou]

و عليكم السلام و رحمة الله و بركاته..

أول حاجة الواحد لو يبغى تخصص سهل مافي شي سهل كل تخصص و لازم تتعب عشان تتفوق فيه..
ثاني شي أنا حكذب عليك لو قلت لك الفيزياء سهلة..
بس في نفس الوقت هي مو صعبة..
هي عشان أكون دقيقة هي تخصص دقيق،، هو علم يهتم بالطبيعة و يدرس التفاصيل الدقيقة..
هي محتاجة فهم إذا فهمتها بإذن الله تكون سهلة..
و محتاجة مخ نظيف و بصراحة أحس الفيزياء يبغالها شخص يحبها..
أنا عن نفسي دخلتها مو عن قناعة تامة لكن الآن جدًا مرتاحة و لا أفكر أغير أو أحول أبدًا مهما كانت الصعوبات..
لأنه بجد علم جميل نفسي أتعلمه و حبيته..
فإذا إنت حاب الفيزياء مهما ـ أو أي تخصص ـ مهما كان صعب راح تشوفه سهل و تتفوق فيه بإذن الله..
و هذا الموضوع جدًا جميل يتكلم عن علم الفيزياء و أقسامه و أيش حتدرس فيه بالزبط..
http://www.skaau.com/vb/showthread.php?t=391929

و هذا موقع القسم على اليمين حتلاقي مكتوب المواد اختار مقررات البكالوريوس و شوف المواد ايش راح تدرس فيها بالزبط..
http://phys.kau.edu.sa/Default.aspx?...d=13005&lng=AR

بالنسبة للسيطرة على الدراسة أهم و أول حاجة حاول لا تغيب عن المحاضرات إلا لأسباب قاهرة..
لأنه فهمك للدرس في المحاضرة يكون هو أهم شي و أنا بالنسبة لي 70% من عملية النجاح تعتمد على فهم المحاضرة..
ثاني شي حاول على الأقل يوم واحد في الأسبوع الجمعة مثلا تخصص وقت معين تحل فيه لو مسألة واحدة على اللي أخذته طوال الأسبوع..
و إذا مو حاب الفكرة أقل شي اعمل ملخص أو رسم شجري للي اخذته طول الأسبوع..
و إذا شايفه ثقيل على الأقل اقرا الدروس بس مجرد قراءة..
بس طبعًا قراءة بتركيز..
و إن شاء الله راح تنجح و تتفوق زي ما قلت أهم شي تكون حاب التخصص و مقتنع فيه..
و هو يعتمد على الفهم أولاً و أخيرًا..
و إذا ما عندك إشكالية تتخرج بعد سمستر زيادة لا تضغط على نفسك بعدد مواد كثير في السمستر..

بالنسبة للمستقبل كلنا نخاف على مستقبنا بس الشي ده علمه عند ربنا و الأرزاق بيد الله..
الوالد يعرف محل يبيع بالجملة أشياء من اللي في السوبر ماركت..
و يقول اللي قاعدين في المحل اثنين أخوان اولاد صاحب المحل..
واحد دارس طب و الثاني هندسة.. و ماسكين محل ابوهم و يقول ما شاء الله تبارك الله المحل يدخل لهم ذهب و عايشين مرتاحين..
الواحد ما يعرف فين رزقه..

و بالنسبة للفيزياء في ناس درست فيزيا و بعدين حضرت دراسات عليا في هندسة الكهرباء و الهندسة النووية..
و في تقنية نانو،، علم حديث و مو منتشر و فيزياء طبية و تخصصات بعد البكالوريوس جدًا كثيرة و ما تنعد..
بس ما أعرف إذا كلها تتدرس هنا او لازم تكمل في الخارج..

إنت استخير و ربنا يقدم اللي فيه الخير..
و في ناس أكثر خبرة مني أنا مستوى رابع يعني في ناس أفهم مني إن شاء الله يفيدوك..
و اعلم أن ما أصابك لم يكن ليخطئك و ما أخطأك لم يكن ليصيبك..

أتمنى أكون أفدتك..
بالتوفيق~

[alma7rom]

يعطيك ألف عافية وما قصرتي