اظرف او اصعب او اقوى موقف مر عليك في ايام الاختبارات

[غيم تايه]

السلام عليكم ورحمة الله وبركاته

المطلوب واضح من العنوان ياليت كل طالب يكتب لنا اظرف موقف او اصعب موقف او ما يتذكره

خلال ايام اختباراته ...واللي ما مر عليه اي موقف ياليت يقول ما مر علي موقف ...

[غيم تايه]

ابدا انا

اصعب موقف دخلت القاعة للاختبار واقرا في ورقة الاسئله ما عرفت ولا اجابة ولا اعرف من فين جاب
الاسئله ،، السؤال الاول الثاني ،، يالله نعرف الثالث ،، ما بوه فايده ،، قمت وبدأت احلها من راسي
اجتهد واقنع نفسي ان الاجابة صحيحه ،، ( يالله لك الحمد والشكر ) ...
وبعد 10 دقائق تزيد او تنقص ،، والموقف محرج ،، اطالع في راس الورقه الا والمادة مو
مادتي ما صدقت سالت اللي جنبي قلت انتوا وش تختبرون ،، تبسم قال حنا علم اجتماع ،، وينك يا باب
القاعه ،، فرجك يارب وادور بسرعة على قاعدة اختبري ولما جلست كانت مادة مواريث يالله لك الحمد
اظن ربع ساعة وانا مسلم الورقه ,, موقف كان جدا صعب ..

[آمال وطموح]

^^

يا الهي !!!

وشلون راحت عليك شكلك كنت مواصل أو شي زي كذا هههههههههههههههههههههههههه

زين ما كنت عند الحريم وربي تغسل شراعك غسل وتطردك بعد ما تسمع كل القاعات انووو انت داخل اختبار مو اختبارك

لا وتروح تنادي اللي تعرفهم وتعلمهم بصوت عااالي وتجيك وحدة ثانية تستلمك تهزيء لين تحس انك سويت جريمة ..

_______________________________

موقف صعب حصل معي مرة رحت الجامعة أقول للبنات أعطوني الاوراق اراجع معاكم ..
لقيتهم يناظرون في بعض ويقولون أي اوراق ؟؟
المادة هذي مافيها اوراق ..
وانا اقول : إلا الأوراق اللي صورتها منكم نسيتها بسرعه براجع
كان باقي على الاختبار نص ساعه وانا ماذاكرت زين

المهم طلعت المادة أخيرا اللي ذاكرتها مو نفس المادة اللي فيها الاختبار

أخذت عشر دقايق مصدومة وفي 20 دقيقة جلست اذاكر ورى المبنى

وعلى السريع الحمدلله اني نجحت بس

[nour al3mr]

وعليكم السآم ورحمة الله و بركاته

حيـآك الله عمدة قسم الدراسـآت الإسـلآمية

ربي يبارك بجهودك ويوفقك

استوقفني عنوآن الموضوع .. و مازآد عجبـآ وضحكـآ حقيقة الموقف الذي حدث معك

الحمد لله الذي يسر لك الإنتبـآهـ قبل فوآت الوقت ..

علم اجتمـآع ~> موآريث
لا تجتمعـآن

::

موقف لا أفتكــــــــر كثيراً

لكن أغلب موآقفي أن المعلومة التي أذكرهـآ للطالبات قبيل الإمتحـآن بدقـآئق .. تأتي في ورقة الاختبـآر ولا أستطيع حلهـآ .. وللأسف هذهـ أزمتي في أغلب الاختبـآرات
لكن الحمد لله على كل حـآل

::

موقف كـآن لدي اختبـآر مـآدة الصرف .. وفي يومها كـآن المطـــر بدء بالهطول وإحدى الصديقـآت خائفة فأمـآزحها بأنه سَـ تأتي سيول لأزيد من خوفهـآ ونضحك
بعد بدء الاختبـآر بِـ 10 دقـآئق أصبح المطـر شديد الانهمـآر وصديقتي سلمت الورقة مبـآشرة وخرجت من القـآعة
بعدهـآ قطعوآ التيـآر الكهربـآئي ونحن في القـآعة ولم نحل منتصف الورقة .. لكن لسـآن حال الأستـآذات أن العمر ال يتعوض و الاختبار يتعوض
ونهايتها لم ينجح بعض الطـآلبات في المـآدة ~> لم يراعوا في التصحيح
لكن من الله علي بفضله اجتيـآز المـآدة ~> أكملت الحل بسرعة دون تركيز وآفاد ذلك ولله الفضل

::

معذرة على الإطـآلة + الحضور من قسم اللغـآت لهنـآ

أدآمك الله بخير ..

[nour al3mr]

آمـآل وطمـوح

مقلب فظيع لكن الحمد لله تيسرت معك

ومبـآرك النجـآح ~> بدري

أمـآ عن التهزيء فهذآ من المسلمـآت في شطر الطـآلبات ~> إلا من رحم ربي منهن

[آمال وطموح]

المشاركة الأصلية كتبت بواسطة nour al3mr آمـآل وطمـوح مقلب فظيع لكن الحمد لله تيسرت معك ومبـآرك النجـآح ~> بدري أمـآ عن التهزيء فهذآ من المسلمـآت في شطر الطـآلبات ~> إلا من رحم ربي منهن

تصدقي كان شعور خطير أول مرة أحس اني خايفة من جد من اختبار ~> الله يبارك بعمرك

ان شاء الله لما اسير رئيسة شطر الطالبات راح أعاقب الموظفات اللي يهزؤون البنات

[girl moon]

هههههههههه حلوة المواقف الحمدالله ماصارلي موقف محرج

[ساكو]

مشكور اخوي غيم على هالمبادره
القسم بصراحه محتاج مثل هالمواضيع ..
اظرف موقف مر علي ..
دايم اطلع وادخل من البوابه الغربيه هذاك اليوم سويت نفسي فيها
ذكيه .. البوابه الغربيه لها مخرجين قلت خلني اطلع من الثاني
ولبست عباتي وجوالي بشنطتي يدق عرفت انه السواق يعني اخلصي
المهم جيت مدرعمه الا قدامي الممر حق العربيات واشحط فيه ذيك الشحطه
لو اني طحت ابرك لي جلست اخبط يمين ويسار اصارع عشان ماطيح واشوى عديتها
كل اللي جالسين بحلقوا فيني
قلت مو مشكله بهج وعبايتي علي محد عارفني .. بس ابو الوهقه يوم لقيت الباب مسكر
قسم قممممممممممة الفشله ..

[القصير]

دخلت القاعه قبل لايبدا موعد الاختبار من زود الحرص والدوفرة والحماس خفت يؤ ياويلي الاختبار بدا من زمان ومحد قالي والناس قاعدين يحلون ولاوبعضهم حل وخلص يلهوي!!! وادخل واشيل العباية واقعد استنى يجيبون لي ورقتي اطالع جمبي اش داااااااااا!!!وش يختبرون ذول انفجعت اقوى شي وطلعت سالت واكتشفت ان الاختبار باقي مابدا ومن بعدها حرمت ادخل اختبار قبل موعده..

تعرفوا لما تذاكروا وتحسوا انكم دوافير اقوى شي وتدخلوا الاختباروتكتشفوا انكم موقادرين تحلوا شي رغم انكم مذاكرين هذا اللي صار في اختبار العقيدة وماانسى هاليوم كرهته!!تخيلوا يمكن حليت بس عشر فقرات هذا اللي متاكدة منه والباقي تخبيص تعرفوا اش يعني تخبيص يعني(حأقرا بقرا....) طلعت من القاعه وقلت في نفسي لازم اتهيا نفسيا واحط ببالي اني احتمال كبير ارسب لاقدر الله فياسوسو لاتزعلي اذا .....لدرجة اني خلاص استسلمت راسبه راسبه مافيها كلام وشفت الدرجة الساعه 8 صباحا يوم الخميس وللحين فاكرة وقتها كان اخوي رايح الدوام شفت الدرجة تنحت دموعي نزلت والله صرت ادخل عالاودس واطلع اكثر من مرة ياجماعة يمكن غلطانين اويمكن انا يتهيالي او...منين جات ال 90؟بكيت وحمدت ربي ع هالنجاح

في اختبار السيرة النبوية والخلفاء كان الفقه معه بنفس اليوم فركزت عالفقه وصفيت السيرةانااخذتها حرة دخلت الاختبارعمري ماشفت اسئلة اتفه من هذي بس المشكله اني ماذاكرت تحسفت صراحة ونفس الشي ماحليت حتى الصح والخطا حطيته كله صح عساس يطلع شي منه صح والبنات ماشاءالله فرحانين ياسلام مذاكرين واناقاعدة افحط ونفس الشي قلت ياسوسو خليك قوية وقاعدة اصبر نفسي ومن سوء حظي ان هذي المادة مانزلت درجتها الا في الاخير هي اخر درجة نزلت عالاودس يمكن قعدت اسبوع ع اعصابي وش احلام وش كوابيس والله اول مرة تحلمت اني حملتها وثاني مرة تحلمت اني نجحت فيها وماخليت احد ماسالته تتوقع انجح فيها ولالا؟ اخوي سالته عشرين مرة طفش مني وقتها كان النت عطلان عصب لدرجة انه قلي شوفي ماحيرجع النت الا اذا رسبتي فيها عنااااد فيك!!! يمزح طبعا هههه

في اختبار علوم القران طبعا ذاكرت من الملزمة وياكثر التعريفات دخلت الاختبار المادة سهله ماحجيب اقل من ميه ان شاءالله (احم وحدة واثقه مرة)طبعا كلنا فكرناا انه الاسئلة موضوعيه تفاجانا انها مقاليه لااااا وموبس كذا وعشر اسئلة اظن والاختباركله ورقتين فاضية بين كل سؤال والثاني فراغ ياكبره من قلة الاسئلة والله بس بجد الكل تفاجا حتى المراقبة قالت والله يبغالكم صورة اشكالكم تحزن ههههه كنه اختبار رياضيات هذا كله عشان الاسئلة مقاليه خلاص حلوا اي شي اناعن نفسي كل شي في راسي حطيته والحمدلله نجحت..بس بجد الاسئلة سهههههههههههههلة قد البحر.

كني كتبت قصة حياتي ولا؟؟

[القصير]

مشكووووووووووووووووور اخوي غيم ع هيك موضوع..